Գենադի Կալինովսկի

Գենադի Կալինովսկի;
Ծնվել է	սեպտեմբերի 1, 1929
Ծննդավայր	Ստավրոպոլ, Հյուսիսկովկասյան երկրամաս, ՌԽՖՍՀ, ԽՍՀՄ
Մահացել է	մարտի 5, 2006 (76 տարեկան)
Մահվան վայր	Մոսկվա, Ռուսաստան
Գերեզման	Domodedovo Cemetery
Քաղաքացիություն	ԽՍՀՄ և Ռուսաստան
Կրթություն	Մոսկվայի գեղարվեստական ինստիտուտ
Մասնագիտություն	նկարիչ

Գենադի Կալինովսկի (ռուս.՝ Генна́дий Влади́мирович Калино́вский, սեպտեմբերի 1, 1929(1929-09-01)^[1], Ստավրոպոլ, Հյուսիսկովկասյան երկրամաս, ՌԽՖՍՀ, ԽՍՀՄ - մարտի 5, 2006(2006-03-05)^[1], Մոսկվա, Ռուսաստան), խորհրդային և ռուս նկարիչ, գրքերի պատկերազարդման վարպետ։

Կենսագրություն[խմբագրել | խմբագրել կոդը]

Գենադի Կալինովսկին ծնվել է 1929 թվականի սեպտեմբերի 1-ին, Ստավրոպոլում։ Շուտով ընտանիքը տեղափոխվել է Մախաչկալա, որտեղ նկարիչն անցկացրել է իր մանկությունը։ Տղան վաղ տարիքից, ըստ իր հուշերի` արդեն երեք տարեկան հասակում, սեր է ցուցաբերել նկարչության հանդեպ։ Դպրոցական տարիներին ինքնուրույն ընդունվել է Պիոների տան նկարչական խմբակին։ 1943 թվականին երիտասարդ նկարիչն իր «Նիբելունգների մահը» աշխատանքն ուղարկել է «Պիոներսկայա պրավդա» թերթում կազմակերպված նկարների մրցույթին։ Ստեղծագործությունն արժանացել է առաջին մրցանակին, և հեղինակը հնարավորություն է ստացել սովորել Մոսկվայի գեղարվեստի միջնակարգ դպրոցում։ Կալինովսկին մեկնել է Մոսկվա, որտեղ ավարտել է ավագ դպրոցը և ընդունվել է Սուրիկովի գեղարվեստի ինստիտուտի գրքերի գրաֆիկայի բաժին։ 1949-1955 թվականներին սովորել է Սուրիկովի անվան ինստիտուտում։

Ինստիտուտից հետո նկարիչն աշխատել է պարբերականներում` նկարազարդումներ անելով «Երիտասարդություն», «Օգոնյոկ» «Ընտանիք և դպրոց» ամսագրերի համար։ Բացի այդ, նա նկարազարդել է գրքեր, օրինակ՝ Մ. Գերշենզոնի «Ռոբին Հուդ» ժողովածուն (1966 թվական), Վ. Կատաևի «Սպիտակին է տալիս առագաստը մենավոր» (1968 թվական), Ա. Սերաֆիմովիչի «Երկաթե հոսքը» գրքերը։

Կալինովսկուն իրական համբավ են բերել Լուիս Քերոլի Ալիսը Հրաշքների աշխարհում գրքի` Բորիս Զախոդերի վերապատման համար վարպետորեն և սրամիտ կերպով արված նկարազարդումները։ Արդյունքում նա պատկերազարդել է Քերոլի գրքերի մի քանի հրատարակություններ ևս (1977, 1979)։ «Ալիսը հայելային աշխարհում» գքրի նկարազարդման համար Կալինովսկին 1980 և 1982 թվականներին ստացել է Իվան Ֆյոդորովի անվան դիպլոմ։

Մահացել է 2006 թվականի մարտի 5-ին, Մոսկվայում։ Թաղված է Դոմոդեդովոյի գերեզմանատանը^[2]։

Կինը` Դինա Կալինովսկայան, գրող և դրամատուրգ է։

Աշխատանքներ[խմբագրել | խմբագրել կոդը]

Կալինովսկին նկարազարդել է հետևյալ գրքերը.

«Գուլիվերի ճանապարհորդությունները», Ջոնաթան Սվիֆթ
«Վարպետը և Մարգարիտան», Միխայիլ Բուլգակով
Էդուարդ Ուսպենսկու հեքիաթները քեռի Ֆյոդորի, Կոկորդիլոս Գենայի և Չեբուրաշկայի մասին
«Ելակները ձյան տակ. ճապոնական կղզիների հեքիաթները» (Մոսկվա, Մանկական գրականություն, 1968 թվական)
«Լսեք, փիղը...», Լյուդվիգ Երժի Կերն (1969 թվական)
«Մերի Փոփինս», Պամելա Թրևերս, (1972 թվական)
«Վինի Թուխ», Ալան Ալեքսանդր Միլն (1965 թվական, Բ. Դիոդորովի հետ)
«Տարոյի արկածները լեռների երկրում», Միյոկ Մացուտանի
Կոռնեյ Չուկովսկու մանկական գրքերը
Էպտոն Բիլ Սլիկեր, «Գաճաճը» (1971 թվական)
«Պարոն Աու» Խաննու Մյակելյա (1976 թվական)
«Քեռի Ռիմուսի հեքիաթները» Ջոել Հարիս (1976 թվական, ստեղծագործությունը արծաթե մեդալ է ստացել Լայպցիգի գրքի տոնավաճառում և «Ոսկե խնձոր»` 1977 թվականին Բրատիսլավայի մանկական գրքերի նկարազարդման 6-րդ բիենալեում)
«Հինգ առևանգված վանականները», Յուրի Կովալ (1977 թվական)
«Պատառիկը և ամպը», «Աստրելի և անտառի պահապանը», «Կապիտակների կղզի», «Աչքավորը և անտեսանելի բանալին», Սոյֆա Պրոկոֆևա։
«Աշխարհով մեկ` «Ուրուրի» վրա» Կ. Ստանյուկովիչ (1989 թվական)
«Ես, տատիկը, Իլիկոնը և Իլարիոնը», Նոդար Դումբաձե («Արևոտ գիշեր» վեպերի ժողովածուում, 1977 թվական)
«Պիկո, բյուրեղյա կոկորդիկը», Նիկոլայ Կոսմին (Ռ. Կալինովսկայայի հետ միասին, 1993 թվական)

Մրցանակներ[խմբագրել | խմբագրել կոդը]

Համամիութենական «1976 թվականի լավագույն հրատարակությունները» մրցույթի 1-ին աստիճանի դիպլոմ
Լայպցիգի գրքի միջազգային տոնավաճառի արծաթե մեդալ
«Ոսկե խնձոր» մրցանակ` 1977 թվականի Բրատիսլավայի մանկապատանեկան գրքերի նկարազարդումների 6-րդ բիենալեում
Իվան Ֆեդորովի անվան դիպլոմ, 1980 և 1982 թվականներ
«Նկարիչ-պատկերազարդող» անվանակարգի առաջին մրցանակ` «Ալ առագաստներ» մանկապատանեկան ստեղծագործությունների պատկերազարդման համառուսական մրցույթում, 2004
«Տարվա գիրք-2002» մրցույթի գրան պրի` «նկարիչ-պատկերազարդող» անվանակարգում («Վարպետը և Մարգարիտան» գրքի պատկերազարդման համար)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Internet Speculative Fiction Database — 1995.
↑ Могила Г. В. Калиновского

Արտաքին հղումներ[խմբագրել | խմբագրել կոդը]

[_95f3e1a4c46d7cac-1] 1,0 ^1,1 ^1,2 ^1,3 ^1,4 Internet Speculative Fiction Database — 1995.

[2] Могила Г. В. Калиновского

[1]

[2]