Տոտո Կուտունյո

Տոտո Կուտունյո
Հիմնական տվյալներ
Բնօրինակ անուն	Toto Cutugno
Ի ծնե անուն	Սալվադոր Կուտունյո
Ծնվել է	հուլիսի 7, 1943(1943-07-07) (79 տարեկան) Ֆոզդինովո, Մասսա-Կարարա, Տոսկանա, Իտալիա
Երկիր	Իտալիա
Ժանրեր	փոփ
Մասնագիտություն	կոմպոզիտոր, երգիչ
Երգչաձայն	բարիտոն
Գործիքներ	վոկալ, կիթառ, սաքսոֆոն, ստեղնաշարային գործիքներ, հարվածային գործիքներ
Լեյբլ	Carosello
Անդամակցություն	Albatros?
Պարգևներ	Եվրատեսիլ երգի մրցույթ (1990) և Սան Ռեմոյի երաժշտական փառատոն (փետրվարի 9, 1980)
Կայք	totocutugno.it
Toto Cutugno Վիքիպահեստում

Սալվադոր (Տոտո) Կուտունյո (իտալերեն՝ Salvatore "Toto" Cutugno, հուլիսի 7, 1943(1943-07-07), Ֆոզդինովո, Մասսա-Կարարա, Տոսկանա, Իտալիա), իտալացի երգիչ և կոմպոզիտոր։ Հայտնի է Ադրիանո Չելենտանոյի, Ջո Դասենի, Դալիդայի և Ricchi e Poveri խմբի հետ համագործակցություններով։ Հայտնի է դարձել L’italiano երգով։

Հաղթել է Եվրատեսիլ 1990 մրցույթում, որը տեղի է ունեցել Զագրեբում։

Կենսագրություն

Պատանեկություն և գործունեության սկիզբ

Սալվադոր Կուտունյոն ծնվել է 1943 թվականի հուլիսի 7-ին Ֆոզդինովո քաղաքում։ Մի քանի ամիս անց նրա ընտանիքը մեկնում է Սպեցիա, որտեղ Տոտոյի (Տոտոն Salvatore-ի կարճ տարբերակն է) հայրն աշխատում էր որպես ռազամական նավաստի։ Դեռ մանկուց Տոտոյին հետաքրքրում էր երաժշտությունը, նա ուզում էր գնալ հոր հետքերով, որը շեփոր էր նվագում, իսկ ավելի ուշ սովորում է նվագել հարվածային գործիքների և ակորդեոնի վրա։ 13 տարեկանում Տոտոն շրջանային երաժշտական մրցույթում զբաղեցրել է 3-րդ հորիզոնականը։

19 տարեկանում Կուտունյոն հարվածային գործիքների վրա նվագում էր երաժշտական խմբերում։ Իսկ ավելի ուշ ստեղծում է իր խումբը՝ «Toto e Tati», որը սկսում է հաջողություններ գրանցել Իտալիայում։ Միևնույն ժամանակ Տոտոն սկսում է ստեղծագործել։

Ձեռքբերումներ

Ջո Դասեն

1975 թվականի սկզբում Կուտունյոն սկսում է հանդես գալ «Albatros» խմբի հետ, պոետ Վիտո Պալավիչինիի հետ գրում է Oasis, Uomo dove vai, Africa երգերը։ Նույն տարում ֆրանսիացի երգիչ Ջո Դասենին Ժակ Պլեն ծանոթացնում է Կուտունյոյի հետ։ Դասեն Կլոդ Լեմելի և Պիեր Դելանոեն երաժշտություն են գրում Տոտո Կուտունյոյի ֆրանսիական տեքստերի համար։ Այդպես ստեղծվում են Et si tu n՝éxistais pas, Salut երգերը և 1975 թվականի ամառվա փոփ հիթ L`été Indien-ը։

Մյուս 3 տարիների ընթացքում Տոտոն Ջո Դասենի համար ևս 6 երգ է գրում, որոնց շարքում էր Le jardin du Luxembourg ստեղծագործությունը։

«Albatros»

1976 թվականին Տոտոն առաջին անգամ մասնակցում է Սան-Ռեմոյի փառատոնին «Albatros» խմբի կազմում ներկայացնելով Volo AZ 504 երգը։ Գրավում է 3-րդ հորիզոնականը։

Մեկ տարի անց «Albatros»-ը նորից «Արիսթոն» թատրոնում ներակայանում է հաջորդ Սան-Ռեմոյին։ Gran Premio երգը գրավում է 5-րդ տեղը։ Փառատոնից հետո խումբը փլուզվում է։

Անհատական գործունեություն

1980 թվականին երգիչը հաղթում է Սան-Ռեմո մրցույթում Solo noi երգով։ Մի քանի շաբաթ անց Սան-Ռեմոյի հաղթանակից հետո Տոտոն Francesca non sa երգով առաջին հորիզոնականն է զբաղեցնում միջազգային փառատոնում։

1983 թվականին Տոտո Կուտունյոն նորից մասնակցում է Սան-Ռեմո փառատոնին և ներկայացնում L’italiano երգը, որը մինչև այսօր համարվում է արտիստի այցետոմս։ Պաշտոնապես երգը գրավում է 5-րդ հորիզոնականը, միայն Totip ազգային քվեարկության արդյունքում փառատոնից հետո երգը գրավում է առաջին հորիզոնականը։ Փառատոնից հետո երգն առաջին տեղն է զբաղեցնում Ֆրանսիայի, Իտալիայի, Շվեյցարիայի հիթ շարքերում։

1984-1990 թվականներին Կուտունյոն նորից մի քանի անգամ հանդես է գալիս Սան-Ռեմո մրցույթում։ 1984 Serenata, 1887 Figli, 1988 Emozioni, 1989 Le Mamme, 1990 Gli Amori երգերը գրավում են երկրորդ տեղը։ 1985 թվականին Տոտոյի Ragazzi di Oggi երգով երկրորդ տեղ է գրավում նաև մեքսիկացի երիտասարդ երգիչ Լուիս Միգելը։ 1986 - Azzura Malinconia երգը գրավում է չորրորդ տեղը։ Տոտո Կուտունյոյի համար հատկապես հաջող էր 1987 թվականի փառատոնը։ Բացի երկրորդ տեղը գրաված Figli -ից, նրա գրած երգերից ևս երեքը տեղ են զբաղեցնում լավագույն յոթնյակում (4.Fausto Leali - Io Amo, 5.Peppino di Capri - Sognotore, 7.Ricchi e Poveri - Canzone d`Amore)։

1990 թվականին Տոտո Կուտունյոն Զագրեբում հաղթում է Եվրատեսիլ 1990 մրցույթում՝ ներկայացնելով Insieme երգը։ Արդյունքում Իտալիան իրավունք է ստանում ընդունելու Եվրատեսիլ մրցույթը 1991 թվականին։ Եվրատեսիլ 1991 երգի մրցույթն անցկացվում է Հռոմում։ Եվրատեսիլ մրցույթում Իտալիան երկու խոշոր հաղթողներ ուներ՝ Տոտո Կուտունյոն և Ջիլոլա Չինկվետին, որը հաղթել էր 1964 թվականին։

1998-2000 թվականներին Տոտո Կուտունյոն հանդես է եկել իտալական հեռուստաընկերությունում՝ I fatti vostri նախագծում։

2002 թվականին Կուտունյոն թողարկում է Il treno va ալբոմը, որը մեծ ճանաչում է ձեռք բերում Ֆրանսիայում։ 2005 թվականին Սան-Ռեմո փառատոնի ժամանակ Կուտունյոն ներակայանում է Come noi nessuno al mondo երգով և գրավում՝ 2-րդ տեղը։

2006 թվականին Կուտունյոն առաջին անգամմ հրավիրվում է մասնակցելու Միջազգային երաժշտական «80-ականների Դիսկոտեկ» փառատոնին։

2008 թվականին Տոտո Կուտունյոն նորից մասնակցում է փառատոնին։ Նրա Un falco chiuso in gabbia երգը գրավել է 4-րդ տեղը։

2009 թվականի գարնանը Կուտունյոն հրաժարվում է մասնակցել Ռուսաստանում տեղի ունեցող համերգին, հիվանդության պատճառով։

2009 թվականին երգիչը մենում է Մոսկվա, որ մասնակցի «Ռետրո FM 2009 թվականի լեգենդները» շոուին։

2010 թվականի նոյեմբերին Տոտոն մեկնում է Կիև և համերգ է տալիս Ադրիանո Չելենտանոյի հետ։

2011 թվականի նոյեմբերին Կուտունյոն նորից մեկնում է Կիև և մենահամերգ է տալիս «Նոր Ալիք» մրցութի երեք երիտասարդ արտիստների հետ։

2011 թվականի մարտի 17-ին նա Անալիզա Մինետիի, InGrid-ի, Մարկ Տիշմանի հետ համերգ է տվել Կրեմլի պալատում։

Այժմ Տոտոն համերգներով հանդես է գալիս տարբեր երկրներում և ներկայացնում իր նոր երգերը։

Անձնական կյանք

Տոտոն 1971 թվականին ամուսնացել է Կարլայի հետ։ 1989 թվականին ծնվել է նրա ապօրինի որդի Նիկոն։

Սկավառակագրություն

• 1976 - Volo AZ 504
• 1979 - Voglio l`anima
• 1980 - Innamorata, innamorato, innamorati
• 1980 - Solo noi
• 1981 - La mia musica
• 1983 - L`italiano
• 1985 - Per amore o per gioco
• 1986 - Azzurra malinconia - Italia
• 1987 - Mediterraneo
• 1990 - Insieme 1992
• 1991 - Non e` facile essere uomini
• 1995 - Voglio andare a vivere in campagna
• 1997 - Canzoni nascoste
• 2002 - Il treno va
• 2005 - Cantando
• 2005 - Come noi nessuno al mondo
• 2008 - Un falco chiuso in gabbia
• 2010 - I miei Sanremo

Երգեր, որոնք կատարվել են այլ երգիչների կողմից

Ջո Դասեն

• L`été Indien (բառերը՝ P. Delanoë, C. Lemesle; երաժշտությունը՝ S. Cutugno, P. Losito),
• Et si tu n`éxistais pas (բառերը՝ P. Delanoë, C. Lemesle; երաժշտությունը՝ S. Cutugno, P. Losito),
• Salut (բառերը՝ P. Delanoë, C. Lemesle; երաժշտությունը՝ S. Cutugno, P. Losito),
• Le jardin du Luxembourg (բառերը՝ C. Lemesle, երաժշտությունը՝ S. Cutugno),
• Côté banjo, côté violon (բառերը՝ P. Delanoë, C. Lemesle; երաժշտությունը՝ S. Cutugno, J. Dassin),
• Qu`est-ce que tu fais de moi? (բառերը՝ P. Delanoë, C. Lemesle; муз. S. Cutugno),
• L`albatros (բառերը՝ C. Lemesle, երաժշտությունը՝ S. Cutugno, L. Tonet),
• Et l`amour s`en va (բառերը՝ C. Lemesle, երաժշտությունը՝ S. Cutugno),
• Il était une fois nous deux (բառերը՝ C. Lemesle, երաժշտությունը՝ S. Cutugno).

Ադրիանո Չելենտանո

• Amore no
• Soli
• Un’po' artista, un’po' no
• Innamorata incavolata a vita
• L’orologio
• Non e'
• Il tempo se ne va
• Se non e' amore
• Spettabile signore
• Non se ne parla nemmeno
• Manifesto
• Una parola non ci scappa mai

Կլոդ Ֆրանսուա

• Écoute ma chanson (Toto Cutugno, Yves Dessca & Claude François)

Միրեյ Մատյո

• Ciao, bambino, sorry

Դալիդա

• Monday, Tuesday
• Il faut danser reggae
• Partir ou mourir
• Captain sky
• Et la vie continuera
• Femme est la nuit
• Les clefs de l’amour

Էրվե Վիլյար

• Nous
• Venise pour l’eternite
• Reviens
• Vuelve
• Mediterraneenne [L’Italiano]

Ricchi e Poveri

• Canzone d`amore
• «Jungle beat»
• «Amare, ricominciare, no no no»
• «Good bye my love»
• «Somebody to love»
• «La stagione dell’amore»
• «L’italiano»
• «Cosi lontani»

Միշել Սարդու

• En chantant (բառերը՝ M. Sardou, C. Lemesle; երաժշտությունը՝ S. Cutugno)
• Musica (բառերը՝ M. Sardou, C. Lemesle; երաժշտությունը՝ S. Cutugno)
• «6 milliards 900 millions 980 mille» (երաժշտությունը՝ S. Cutugno)

Լուիս Միգել

• Noi, ragazzi di oggi
• Il cielo

Պատրիսիո Բուաննե

• L’Italiano

Ջիլլա

• Johnny

Կարի Տապիո

• «L’italiano» (Olen suomalainen)
• «Il treno va» (Juna kulkee)

Արտաքին հղումներ

• Պաշտոնական կայք (իտալ.)
• Ռուս երկրբագուների էջ