L’italiano
| «L’italiano» | |
|---|---|
| Տոտո Կուտունյոի երգը | |
| Ժանր | փոփ երաժշտություն |
| Լեզու | իտալերեն |
| Հեղինակ | Cristiano Minellono?[1] |
| Կոմպոզիտոր | Տոտո Կուտունյո[1] |
«L’italiano» (հայերեն՝ իտալացի), աշխարհահռչակ[2][3][4][5][6] իտալական երգ, որը ձայնագրել է Տոտո Կուտունյոն 1983 թվականին և ներկայացրել Սան Ռեմոյում կայացած իտալական երգերի 33-րդ փառատոնում։ Երգը պաշտոնապես զբաղեցրել է 5-րդ հորիզոնականը, սակայն, «Totip» ազգային քվեարկության արդյունքներով «L’italiano»-ն հաղթել է մրցույթում։
Նկարագրություն[խմբագրել | խմբագրել կոդը]
Երգը, որը «L’italiano» ալբոմի մաս է, հեղինակել են Տոտո Կուտունյոն և Քրիստիանո «Պոպի» Մինելլոնոն։
Երգը պատմում է կարծրատիպային իտալական կյանքի մասին, այն մասին, թե ինչ է տեսնում «սովորական իտալացին» իր շուրջը։
Լայնորեն տարածված է այն թյուր կարծիքը, որ այս երգը կատարել է նաև մեկ այլ հանրաճանաչ իտալացի երգիչ` Ադրիանո Չելենտանոն։ Կուտունյոն հարցազրույցի ժամանակ պատմել է, որ ի սկզբանե այդ երգը գրված է եղել Չելենտանոյի համար, բայց, որքան էլ տարօրինակ է, վերջինս երգից հրաժարվել է[7]։
Տոտո Կուտունյոն հերքել է այն վարկածը, համաձայն որի՝ երգը գրվել է 1982 թվականին Իսպանիայում տեղի ունեցած Ֆուտբոլի աշխարհի առաջնությունում Իտալիայի ֆուտբոլի ազգային հավաքականի հաղթանակի պատվին[2]։
Երգը Սան Ռեմոյի փառատոնում[խմբագրել | խմբագրել կոդը]
«L’italiano» երգով Տոտո Կուտունյոն մասնակցել է Սան Ռեմոյի փառատոնին (որտեղ նա վերադարձել է երեք տարի անց) 4-րդ անգամ՝ 1980 թվականին «Solo noi» («Միայն մենք») երգով Սան Ռեմոյի փառատոնում հաղթելուց հետո[5]։
Փառատոնում ձայնագրի (ֆոնոգրամա) տակ[4][8] Տոտո Կուտունյոն երգել է Ջաննի Մորանդիի (երգը` «La mia nemica amatissima»), Ջաննի Նաձարոյի (երգը` «Mi sono innamorato di mia moglie») և Էմի Սթյուարթի (երգը` «Working Late Tonight») հետ։ Ամերիկացի երգչուհին այն քչերից մեկն է, որ երգը կատարել է կենդանի հնչողությամբ[2]։
Տոտո Կուտունյոն երգն առաջին անգամ կատարել է 1983 թվականի փետրվարի 4-ին` փառատոնի երկրորդ երեկոյի ժամանակ։ Նա 18 երգիչներից 17-րդն էր[9]։
Մրցույթի վերջում «L’italiano» երգը ստացել է 2659 ձայն և զբաղեցրել հինգերորդ հորիզոնականը։ Տոտո Կուտունյոն «Totip»-ի հեռուստադիտողի քվեարկության արդյունքում «Երգիչներ և հաղթողներ» անվանակարգում զբաղեցրել է առաջին հորիզոնականը[3][4][10]։ Այդ հատուկ անվանակարգում երգն առաջինն էր` 548 085 ձայնով։ Մրցույթի արդյունքները հայտարարվել են հաջորդ օրը՝ «Domenica In» ծրագրի շրջանակներում[10]։
Երգից հատված (կրկներգ)[խմբագրել | խմբագրել կոդը]
|
|
Քավեր տարբերակներ[խմբագրել | խմբագրել կոդը]
- Հենց 1983 թվականին ֆինն երգիչ Կարի Տապիոն (Kari Tapio) ձայնագրել է երգի ֆիններեն տարբերակը` «Olen suomalainen» (հայերեն՝ Ես ֆինն եմ) անվամբ։ 2012 թվականին քավերը կատարել է Վեսկու Յոկինենը։
- Երգիչ Խոսե Ավգուստոն ձայնագրել է երգի պորտուգալերեն տարբերակը` «Faz de Conta» անվամբ։
- Պատրիցիո Բուաննեն 2005 թվականին թողարկված «The Italian» ալբոմում ձայնագրել է երգի իր տարբերակը[11]։
- 2003 թվականի ամռանը հոլանդացի ջութակահար Անդրե Ռիուն Յոհան Շտրաուս նվագախմբի հետ կենդանի երաժշտությամբ նվագել է «L’italiano» երգը (Տոսկանա մարզի Կորտոնա քաղաքում)։
- 1985 թվականին Բաքվում կայացած մենահամերգի ժամանակ «L’italiano» երգը, որն ուղեկցվում էր Ադրբեջանի պետական էստրադային սիմֆոնիկ նվագախմբի կատարմամբ, բնօրինակ լեզվով կատարել է Մուսլիմ Մագոմաևը[12]։
- 1983 թվականին ֆրանսիացի շանսոնյե Հերվե Վիլարը ձայնագրել է երգի ֆրանսերեն տարբերակը` «Méditerranéenne»:
- 1984 թվականին իսրայելցի երգիչ Դորոն Մազարը կատարել է երգը եբրայերենով[13]։
Այլ հիշատակումներ[խմբագրել | խմբագրել կոդը]
- Երգը ներառվել է ռեժիսոր Ֆրանչեսկո Մասարոյի «Al bar dello sport» ֆիլմում։
- Երգը հիշատակվել է ռեժիսոր Ջաննի Ամելիոյի «Lamerica» ֆիլմում (1994), որտեղ երգը կատարում են ալբանացի դերասաններ, որոնք ֆիլմում երազում են արտագաղթել Իտալիա[14]։
- Երգում հիշատակվում է «Fiat 600» ավտոմեքենան («Սեյչենտո», այսինքն` 600).
Buongiorno Italia col caffe' ristretto
Le calze nuove nel primo cassetto
Con la bandiera in tintoria
E una 600 giu' di carrozzeria
Բարի առավոտ, Իտալիա, շատ թունդ սուրճով,
կոմոդի վերին արկղում` նոր գուլպաներով,
լվացքատանը` դրոշով,
և Fiat 600-ով` ճմռթված թափքով։
Ծանոթագրություններ[խմբագրել | խմբագրել կոդը]
- ↑ 1,0 1,1 SIAE repertory
- ↑ 2,0 2,1 2,2 Anselmi, Eddy, Festival di Sanremo. Almanacco illustrato della canzone italiana, Panini, Modena, 2009, p. 336
- ↑ 3,0 3,1 Anselmi, Eddy, op. cit., p. 338.
- ↑ 4,0 4,1 4,2 «Viva Sanremo — La storia: 1983»։ Արխիվացված է օրիգինալից 2016-03-05-ին։ Վերցված է 2019-09-01
- ↑ 5,0 5,1 Anselmi, Eddy, op. cit., p. 661.
- ↑ Sanremo. Tutto sul Festival: 1983 Archived 2011-11-18 at the Wayback Machine.
- ↑ «Toto Cutugno»։ www.cutugno.eu։ Արխիվացված է օրիգինալից 2015-12-22-ին։ Վերցված է 2015-12-14
- ↑ Anselmi, Eddy, op. cit., p. 333.
- ↑ Anselmi, Eddy, op. cit., p. 335.
- ↑ 10,0 10,1 Anselmi, Eddy, op. cit., p. 337.
- ↑ All Music Guide: The Italian — Patrizio Buanne
- ↑ L’Italiano в исполнении Муслима Магомаева
- ↑ http://www.hebrewsongs.com/song-anichozerhabayta.htm
- ↑ Hit Parade Italia Hit Parade Italia > Storia del Festival di Sanremo > 1983: Lasciateci intrallazzare… siamo discografici veri!, a cura di Mario Bonatti
Արտաքին հղումներ[խմբագրել | խմբագրել կոդը]
- Տոտո Կուտունյոյի պաշտոնական կայք (իտալ.)
- Viva Sanremo: La storia — L’anno 1983 Archived 2016-03-05 at the Wayback Machine. (իտալ.)
- Sanremo — Tutto sul Festival: 1983 (իտալ.)
- «L’italiano» երգի ռուսերեն թարգմանությունը it.lyrsense.com կայքում
Թեմատիկ կայքեր
