Ջաննի Մորանդի

Վիքիպեդիայից՝ ազատ հանրագիտարանից
Jump to navigation Jump to search
Ջաննի Մորանդի
իտալ.՝ Gianni Morandi
Gianni Morandi @ Wind Music Awards 2016 11 (cropped) (cropped).jpg
Ծնվել է դեկտեմբերի 11, 1944(1944-12-11)[1][2] (74 տարեկան)
Ծննդավայր Մոնգիդորո, Բոլոնյա գավառ, Էմիլիա Ռոմանիա, Իտալիայի թագավորություն[1]
Քաղաքացիություն Flag of Italy.svg Իտալիա
Մասնագիտություն դերասան, երաժիշտ, երգիչ, երաժշտական պրոդյուսեր և պրոդյուսեր
Ամուսին Լաուրա Էֆրիկյան
Պարգևներ և
մրցանակներ
«Իտալական Հանրապետությանը մատուցած ծառայությունների համար» շքանշան Sanremo Music Festival և Q3870550?
Երեխաներ Marianna Morandi և Marco Morandi
Կայք morandimania.it
Gianni Morandi Վիքիպահեստում

Ջաննի Մորանդի (իտալ.՝ Gianni MorandiGianni Morandi, լրիվ անունը ՝Ջան Լուիջի Մորանդի իտալ.՝ Gian Luigi MorandiGian Luigi Morandi, 1944, դեկտեմբերի 11, Մոնգիդորո, Իտալիա), իտալացի երգիչ և երաժիշտ, 1987 թվականի Սան Ռեմոյի փառատոնի հաղթող։ Կրում է «Իտալիայի Հանրապետության պատվավոր գործչի» շքանշան։

Կենսագրություն[խմբագրել | խմբագրել կոդը]

Ջաննի Մորանդին Եվրատեսիլ- փորձերից մեկի ժամանակ(1970)

Մորանդին ծնվել է 1944 թվականին։ Առաջին ալբոմը ձայնագրել է 1963 թվականին։ Նա հայտնի դարձավ «Andavo a cento all’ora» (Ես մեկ ժամում անցա 100 կմ)։ Նա հասավ իր ճանաչվածության գագաթնակետին 1960-ական թվականներին։ Հետո նրա հանրաճանաչությունը մի փոքր անկում ապրեց, բայց նա մնաց իտալական շոու-բիզնեսի ամենահայտնի գործիչներից մեկը։

1970 թվականին Ջաննի Մորանդին ներկայացրեց Իտալիան «Եվրատեսիլ» միջազգային երգի մրցույթում, որտեղ Occhi di ragazza («Աղջկա աչքերը») երգով զբաղեցրեց 8-րդ հորիզոնականը։

1972 թվականին առաջին անգամ մասնակցեց Սան-Ռեմո փառատոնին։ 1983 թվականին «La mia nemica amatissima» (Իմ ամենա-ամենասիրելի թշնամին) երգով մեծ հաջողության հասավ Սան-Ռեմոյում։ 1987 թվականին 42-ամյա Մորանդին Սան Ռեմո փառատոնի ժամանակ գրավում է առաջին տեղը իր «Si può dare di più» («Կարելի է ավելին տալ») երգով։ 1955 թվականին Բարբրի Կոլայի հետ նույն փառատոնի ժամանակ գրավում է երկրորդ տեղը «In amore»(Սիրո մեջ) երգով։ 2000 թվականին կրկին մասնակցում է Սան Ռեմոյին և «Innamorato» (Սիրահարվածը) երգով գրավում երկրորդ տեղը։

Ջաննի Մորանդին նաև նկարահանվել է մի շարք ֆիլմերում, որոնցից մեկում («Սիրո ուժը», La forza dell’amore) նկարահանվել է իր դուստր Մարիաննայի հետ։

Ընդհանուր առմամբ ձայնագրել է 34 ալբոմ և երգել է 400-ից ավելի երգ։ Վաճառված ձայնասկավառակների ընդհանուր քանակը 30 միլլիոնից ավելի է։ Ներկայումս նա շարունակում է ակտիվ ստուդիական և հյուրախաղային գործունեությունը։

2011 թվականին, 28 օրով եղել է Բոլոնյա ֆուտբոլային ակումբի նախագահը։

ԽՍՀՄ-ում և Ռուսաստանում[խմբագրել | խմբագրել կոդը]

1980-ական թվականների սկզբներին և կեսերին իտալական փոփ երաժշտությունը չափազանց հայտնի ու ժամանակակից էր Խորհրդային միությունում։ Համբավը չշրջանցեց նաև Մորանդիին։ Սան-Ռեմոյում ելույթ ունենալուց հետո (ԽՍՀՄ-ում ցուցադրվել է հեռուստացույցով) 1983 թվականի մարտին Մորանդին հյուրախաղերով մեկնում է ԽՍՀՄ։ Նրա համերգները անցկացվեցին «Օլիմպիյսկի» մարզահամալիրում (Մոսկվա), Լենինգրադում, Տաշկենտում և Դոնի Ռոստովում։

Խորհրդային հեռուստատեսությունը Մորանդիի հյուրախաղերի մասին նկարահանել է ֆիլմ, որը էկրան է բարձրացել 1983 թվականին։ «Come posso ancora amarti» երգով համարը ցուցադրվեց 1984 թվականի հունվարի 1-ի ամանորյա «Голубой огонёк»-ում։

«Ամենահմայիչն ու ամենագրավիչը» (1985) ֆիլմում իր համերգին են գալիս ֆիլմի գլխավոր հերոսները։ 1988 թվականին Մորանդին և Լուչո Դալլան համերգներով ելույթ ունեցան «Իտալիա 2000» ցուցադրության շրջանականերում։

2012 թվականին Մորանդին ԽՍՀՄ-ի փլուզումից հետո առաջին անգամ այցելեց Ռուսաստան և ելույթ ունեցավ «Ռետրո FM-ի լեգենդները» երաժշտական փառատոնում։

Անձնական կյանք[խմբագրել | խմբագրել կոդը]

1966-1979 թվականներին ամուսնացած է եղել իտալացի դերասանուհի և հեռուստահաղորդավարուհի Լաուրա Աֆրիկյանի (ծնվել է 1940 թվականի հունիսի 14-ին) հետ։ Ունեցել են երեք երեխա.

  • Սերենա Մորանդի (ավագ դուստրը, ապրել է ընդամենը մի քանի ժամ)։
  • Մարիաննա Մորանդի (ծնվել է 1969 թվականի փետրվարի 14-ին)։
    • Թոռները Մարիաննայից․ Պավել (1995) և Ջոն (2001)
  • Մարկո Մորանդի (ծնվել է 1974 թվականի փետրվարի 12-ին)։
    • Թոռները Մարկոյից՝ երկվորյակներ Լեոնարդ և Ջեյմս (2007) և Թոմաս (2009)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]