Տամբովկա

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Տամբովկա (այլ կիրառումներ)
Գյուղ
Տամբովկա
վրաց.՝ ტამბოვკა
Կոորդինատներ: 41°28′50″ հս․ լ. 43°48′12″ ավ. ե. / 41.48056° հս․. լ. 43.80333° ավ. ե. / 41.48056; 43.80333
ԵրկիրՎրաստան Վրաստան
ՄխարեՍամցխե-Ջավախք
ՄունիցիպալիտետՆինոծմինդայի մունիցիպալիտետ
Պաշտոնական լեզուՎրացերեն
Բնակչություն136[1] մարդ (2014)
Ազգային կազմՀայեր (97,6 %)
Ժամային գոտիUTC+4
##Տամբովկա (Վրաստան)
Red pog.png
##Տամբովկա (Սամցխե-Ջավախեթի մարզ)
Red pog.png
##Տամբովկա (Նինոծմինդայի մունիցիպալիտետ)
Red pog.png

Տամբովկա (վրաց.՝ ტამბოვკა), գյուղ Վրաստանի Սամցխե-Ջավախեթի մարզի Նինոծմինդայի մունիցիպալիտետում։ Գտնվում է Փարվանա լճի ափին, Աբուլ լեռնագագաթից արևելք, շրջկենտրոնից 40 կիլոմետր հյուսիս-արևելք[2]։ Բնակչությունը զբաղվում է անասնապահությամբ և դաշտավարությամբ։ Տամբովկաում գործում են ձկնային տնտեսություններ, պանրագործարան։ Ունի ռուսական միջնակարգ դպրոց, 2 գրադարան, ակումբ, բժշկական և կապի բաժանմունք։

Պատմություն[խմբագրել | խմբագրել կոդը]

Տամբովկայում հայտնաբերված հիմնավեր եկեղեցու լուսամուտի գեղաքանդակ պսակ

1840-ական թվականներին Տամբովկա տեղափոխված ռուսները հին գյուղատեղիում հիմնում են նոր գյուղ: 1914 թվականին Տամբովկան ունեցել է 469 բնակիչ[3]: Հայտնի է, որ մի խումբ հայեր Ախալքալաքի Խուլգումո գյուղից 1924 թվականին տեղափոխվել են Տամբովկա[2]։

1993 թվականին հնագիտական պեղումներ են կատարվել մ.թ.ա. 2000-1800 թթ. թվագրվող գյուղամերձ հնավայրում: Աշխատանքները վերսկսվել են 2000 թվականին: Հայտնաբերվել են միջին բրոնզի և պղնձի ժամանակաշրջաններով թվագրվող նյութեր, 28 մ տրամագծով և 3 մ բարձրությամբ դամբարանաբլուր: Ըստ վրացի հնագետ Կախա Կախիանիի` Տամբովկայի հնագիտական նյութերը վկայում են, որ «տեղում վրացիները 4000 տարվա պատմություն ունեն»[4]: Այս տեսակետի հետ համաձայն չէ հուշարձանագետ Սամվել Կարապետյանը[2]:

Հուշարձանագետ Ս. Կարապետյանը 1988 և 2004 թվականներին Տամբովկայում կատարած ուսումնասիրությունների ընթացքում գյուղում հայտնաբերել է հիմնավեր եկեղեցու լուսամուտի գեղաքանդակ պսակ:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «მოსახლეობის საყოველთაო აღწერა 2014»։ საქართველოს სტატისტიკის ეროვნული სამსახური։ ნოემბერი 2014։ Վերցված է 26 ივლისი 2016 
  2. 2,0 2,1 2,2 Սամվել Կարապետյան։ Ջավախք։ Երևան: Հայկական ճարտարապետությունն ուսումնասիրող կազմակերպության գիտական խորհուրդ։ էջ 2006։ ISBN 5-8080-0651-1 
  3. “Кавказский календарь на 1915 г.”, Тифлис, 1914, ст. 186.
  4. “ხვალინდელი დღე”, 20.07.2005, N 138:
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 557 CC-BY-SA-icon-80x15.png