Վիքիպեդիայից՝ ազատ հանրագիտարանից
«Վանաձոր» կամավորական ջոկատ ։ Կազմավորվել է 1991 թվականին Վանաձոր քաղաքի գործարաններում, հիմնարկ-ձեռնարկություններում ստեղծված ջոկատների միավորմամբ։ Ունեցել է ռազմական խորհուրդ։ 1993 թվականին «Վանաձորի» հիմքի վրա ստեղծվել է պայմանագրային գումարտակ։ 1991-1994 թվականներին Վանաձորի ջոկատներն ու պայմանագրային գումարտակը մասնակցել են Հայաստանի Նոյեմբերյանի (Բագրատաշեն , Կողբ , Բերդավան), Իջևանի (Վազաշեն ), Տավուշի (Այգեպար ), Մեղրիի , Կապանի (Ագարակ , Սրաշեն ), Վարդենիսի (Կութ ), Գորիսի (Խոզնավար), Արցախի Հանրապետության Մարտակերտի (Դրմբոն , Վաղուհաս , Գետավան , Մեծշեն , Մաղավուզ , Մինգրելսկ , Կուսապատ , Հարությունագոմեր , Կոճողոտ , Վերին Հոռաթաղ , Վանք , Առաջաձոր ), Քաշաթաղի , Քարվաճառի (Չայքենդ և այլ գյուղեր, Օմարի լեռնանցք ), Մարտունիի , Հադրութի , Ֆիզուլիի շրջանների ինքնապաշտպանական և ազատագրական մարտերին։ Մարտական տարբեր գործողությունների ժամանակ հրամանատարներ են եղել Վ.Ասլոյանը, Կ.Հովհաննիսյանը, Հ.Հարությունյանը։ Զինադադարից հետո ջոկատի հրամանատարներից շատերը ներգրավվել են Հայաստանի զինված ուժերի շարքերում։ «Վանաձոր» կամավորական ջոկատից Արցախի Հանրապետության «Մարտական խաչ» 2-րդ աստիճանի շքանշանով պարգևատրվել է Հ. Հարությունյանը, Հայաստանի Հանրապետության «Արիության» մեդալով ՝ 4, «Մայրական երախտագիտություն Արցախի քաջորդիներին» հուշամեդալով ՝ 2 ազատամարտիկ։ Մարտական գործողությունների ժամանակ զոհվել է ջոկատի 21 ազատամարտիկ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։