Ռուբեն Կուբելյան

Ռուբեն Կուբելյան
Ի ծնե անուն	Ռուբեն Կուբելյան
Ծնվել է	1933 օգոստոսի 14 Երևան, Հայկական ԽՍՀ, ԱԽՖՍՀ, ԽՍՀՄ
Երկիր	Հայկական ԽՍՀ
Մահացել է	2014, հոկտեմբերի 28 Երևան, Հայաստան
Ժանրեր	օպերա
Մասնագիտություն	Երգիչ, տենոր
Կրթություն	Ալեքսանդր Սպենդիարյանի անվան երաժշտական մասնագիտական դպրոց և Երևանի Կոմիտասի անվան պետական կոնսերվատորիա

Ռուբեն Կուբելյան (օգոստոսի 14, 1933(1933-08-14), Երևան, Հայկական ԽՍՀ, ԱԽՖՍՀ, ԽՍՀՄ - հոկտեմբերի 28, 2014(2014-10-28), Երևան, Հայաստան), հայ օպերային երգիչ, տենոր։

Կենսագրություն

Սովորել է Երևանի Սպենդիարյանի անվան երաժշտական դպրոցի ջութակի բաժնում, ապա՝ Երևանի Կոմիտասի անվան պետական կոնսերվատորիայի վոկալի ֆակուլտետում՝ Տ. Շահնազարյանի դասարանում, աշակերտել է նաև օպերային երգիչ Պավել Լիսիցյանին։ Եղել է Երևանի Սպենդիարյանի անվան օպերայի և բալետի ազգային ակադեմիական թատրոնի մենակատար։ Եղել է ՀԽՍՀ թատերական գործիչների միության անդամ։ Դարձել է Հայաստանի երիտասարդ մեներգիչների 5-րդ փառատոնի դափնեկիր և արժանացել ոսկե մեդալի։ ՀՀ վաստակավոր արտիստուհի, օպերային երգչուհի Մարիա Չմշկյանի որդին է։

Օպերային ներկայացումներ

Հանդես է եկել շուրջ 50 օպերային ներկայացումներում՝

• Չայկովսկու «Իոլանտա», «Պիկովայա դամա», «Եվգենի Օնեգին»
• Վերդիի «Տրավիատա», «Օթելլո»
• Ջակոմո Պուչինիի «Չիո Չիո-Սան», Բելինիի «Նորմա»
• Գաետանո Դոնիցետիի «Լուչիա դի Լամերմուր»
• Բիզեի «Կարմեն»
• Ռիմսկի-Կորսակովի «Ոսկե աքաղաղ», «Թագավորի հարսնացուն»
• Արմեն Տիգրանյանի «Դավիթ Բեկ», «Անուշ»
• Ալեքսանդր Սպենդիարյանի «Ալմաստ»
• Ա. Խոլմինովի «Լավատեսական ողբերգություն»
• Գևորգ Արմենյանի «Փլուզում»
• Բաբաևի «Արծվաբերդ»
• Տիգրան Չուխաջյանի «Արշակ Երկրորդ»
• Էդգար Հովհաննիսյանի «Սասունցի Դավիթ», «Ճանապարհ դեպի Էրզրում»
• Ստեփան Ջրբաշյանի «Գիքոր»
• Գրիգոր Հախինյանի «Լեգենդի մարդը»
• Ավետ Տերտերյանի «Կրակե օղակ»

Արտաքին հղումներ

• Ռուբեն Կուբելյանի կենսագրությունը AV Production կայքում Archived 2020-09-28 at the Wayback Machine.