Ռոլֆ Հերման Նևանլինա

Վիքիպեդիայից՝ ազատ հանրագիտարանից
Jump to navigation Jump to search
Ռոլֆ Հերման Նևանլինա
Rolf Herman Nevanlinna
Rolf-Nevanlinna-1958.jpg
Ծնվել էհոկտեմբերի 22, 1895(1895-10-22)[1][2][3]
Յոենսուու, Ֆինլանդիա
Մահացել էմայիսի 28, 1980(1980-05-28)[1][2][3] (84 տարեկան)
Հելսինկի, Ֆինլանդիա
ՔաղաքացիությունFlag of Finland.svg Ֆինլանդիա
Մասնագիտությունմաթեմատիկոս և համալսարանի պրոֆեսոր
Հաստատություն(ներ)Գյոթինգենի համալսարան և Ցյուրիխի տեխնիկական բարձրագույն դպրոց
Գործունեության ոլորտմաթեմատիկա
ԱնդամակցությունԼեոպոլդինա, Շվեդիայի թագավորական գիտությունների ակադեմիա, Ֆինլանդիայի գիտությունների և գրականության ակադեմիա, Բեռլինի գիտությունների ակադեմիա, Հունգարիայի գիտությունների ակադեմիա և Պրուսիայի գիտությունների ակադեմիա
Ալմա մատերԱլեքսանդրյան կայսերական համալսարան
Տիրապետում է լեզուներինֆիններեն[4]
Գիտական ղեկավարԷրնեստ Լինդելյոֆ
Եղել է գիտական ղեկավարLars Ahlfors?
Հայտնի աշակերտներLars Ahlfors?
Երեխա(ներ)Arne Nevanlinna? և Harri Nevanlinna?
ՀայրOtto Nevanlinna?
Rolf Nevanlinna Վիքիպահեստում

Ռոլֆ Հերման Նևանլինա (անգլ.՝ Rolf Herman Nevanlinna, 22 հոկտեմբերի, 1895-28 մայիսի, 1980), ֆինն մաթեմատիկոս, եղել է Ֆինլանդիայի ակադեմիայի հիմնադիր անդամ (1948 թ.)։ Ավարտել է Հելսինկիի համալսարանը (1917 թ.)։ Եղել է Հելսինկիի համալսարանի (1926 թվականից) և Ցյուրիխի համալսարանի (1946 թվականից) պրոֆեսոր։ 1941-1945 թվականներին եղել է Հելսինկիի համալսարանի ռեկտորը։ Հիմնական աշխատանքները վերաբերում են անալիտիկ և մերոմորֆ ֆունկցիաների տեսությանը, ռիմանյան մակերևույթների տեսությանը, գծային տարածություններին և, այսպես կոչված, բացարձակ անալիզին։ Անալիտիկ և մերոմորֆ ֆունկցիաների տեսության մեջ Նևանլինայի մշակած (որոշ մասը եղբոր՝ Ֆրիտյոֆ Նևանլինայի հետ) նոր մեթոդներն ընկած են մերոմորֆ ֆունկցիաների արժեքների բաշխման տեսության հիմքում, այդ տեսության ամենահիմնական արդյունքներից են Նևանլինայի երկու հիմնական թեորեմները։ Օգտագործելով հարմոնիկ չափի և հիլբերտյան տարածության մեթոդները՝ Նևանլինան մեծարժեք արդյունքներ է ստացել ռիմանյան մակերևույթների, ինչպես նաե պոտենցիալի տեսության մեջ։ Նշանակալից է Նևանլինայի ազդեցությունը կոմպլեքս փոփոխականի ֆունկցիաների տեսության հայկական գիտական դպրոցի կազմավորման վրա։ Շրջանում և կիսահարթության մեջ մերոմորֆ ֆունկցիաների ֆակտորիզացիայի, ինչպես նաե մերոմորֆ ֆունկցիաների արժեքների բաշխման վերաբերյալ Նևանլինայի դասական արդյունքները զարգացում են գտել հայ մաթեմատիկոսների աշխատանքներում։ Նևանլինան մասնակցել է 1965 թվականին Երևանում տեղի ունեցած ֆունկցիաների տեսության միջազգային գիտաժողովին։ Նևանլինան շատ երկրների ակադեմիաների անդամ կամ պատվավոր անդամ էր։ 1959-1962 թվականներին եղել է Մաթեմատիկոսների միջազգային միության պրեզիդենտը։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 240 CC-BY-SA-icon-80x15.png