Ֆիննական գրականության ընկերություն
| Ֆիննական գրականության ընկերություն | |
|---|---|
 | |
| Տեսակ | գիտական ընկերություն, գրահրատարակչություն և կազմակերպություն |
| Երկիր |  Ֆինլանդիա |
| Հիմնադրված | 1831 |
| Գլխադասային գրասենյակ | Kruununhaka, Հելսինկի |
| Պաշտ. լեզու(ներ) | ֆիններեն |
| Կայք | finlit.fi |
Ֆիննական գրականության ընկերություն[1] (ֆիններեն՝ Suomalaisen Kirjallisuuden Seura, կրճատ` SKS), կազմակերպություն է Ֆինլանդիայում, որը զբաղվում է գիտական, մշակութային, կրթական աշխատանքներով, ինչպես նաև` գրքերի հրատարակչությամբ:
Նպատակներ և գործունեություն[խմբագրել | խմբագրել կոդը]
Ֆիննական գրականության ընկերության կողմից սահմանած հիմնական նպատակներն են` ֆիննական մշակույթի զարգացումը, ֆիննական մշակութային ժառանգության պահպանումը, հատկապես` ֆիններենի, ֆինն գրականության, ավանդույթների բնագավառներում, ինչպես նաև` այս ժառանգության ուսումնասիրության արդյունքների տարածումը:
«Ֆիննական գրականության ընկերությունն» ունի գրական արխիվ, բանահյուսության արխիվ, ժողովրդական ստեղծագործությունների արխիվ Յոենսուուում, գրադարան, հրատարակչությունների բաժին, ինչպես նաև` Ֆիննական գրականության կենտրոն (ֆիններեն՝ Suomen kirjallisuuden tiedotuskeskus), որն ավելի հայտնի է իր անգլերեն FILI հապավումով (անգլ.՝ Finnish Literature Exchange): Ընկերության գլխավոր շենքը գտնվում է Հելսինկի քաղաքի Կրուունունխակի շրջանում, հասցեն` Հալլիտուսկատու, տուն 1-ին:
Պատմություն[խմբագրել | խմբագրել կոդը]
Ֆիննական գրականության ընկերությունը հիմնադրվել է 1831 թվականին, Հելսինկիի համալսարանի հետ կապ ունեցող անձանց կողմից, որոնք հետաքրքրվում էին ֆիններենով և համարում, որ ֆիններենի զարգացման միջոցով կարելի է արթնացնել ֆիննական ազգային ինքնագիտակցությունը: Առաջին հանդիպումը տեղի է ունեցել 1831 թվականի փետրվարի 16-ին, ֆիններենի ուսուցիչ Կառլ Կեկմանի տանը:
19-րդ դարում ընկերության առաջնորդների թվում կարելի էր նշել ֆիննական մշակույթի այնպիսի նշանավոր գործիչների, ինչպիսիք են` Էլիաս Լյոնրոտը, Յոհան Սնելմանը և Գևորգ Զախարիսը: Հետաքրքիր է, որ kirjallisuus (գրականություն) բառը, որն առկա է ընկերության անվանման մեջ, հորինվել է հենց Էլիաս Լյոնորտի կողմից:
Առավել նշանակալից հրապարակումները իրականացվել են ընկերության գործունեության առաջին տասնամյակում: Դրանց կարելի է դասել Կալեվալա էպոսի առաջին և երկրորդ հրապարակությունները (1835 և 1849), «Կանտելետար կամ Ֆինլանդիայի ժողովրդի հին երգեր» ռուների հավաքածուն (1840), ինչպես նաև` Ալեքսիս Կիվիի «Յոթ եղբայրներ» վեպը (1870):
Ծանոթագրություններ[խմբագրել | խմբագրել կոդը]
- ↑ Название «Общество финской литературы» используется самим Обществом в следующем своём издании: Сто замечательных финнов
Արտաքին հղումներ[խմբագրել | խմբագրել կոդը]
- История «Общества финской литературы» на сайте Общества(ֆին.) (Ստուգված է 13 Նոյեմբերի 2010)
- Здание «Общества финской литературы»(չաշխատող հղում)(անգլ.) (Ստուգված է 13 Նոյեմբերի 2010)
- Архив народного творчества в Йоэнсуу (ֆին.)(շվեդ.)(անգլ.) (Ստուգված է 13 Նոյեմբերի 2010)
