Վելտմանը Այաքսի ակադեմիայի սան է։ Այաքսի երիտասարդական թիմի հետ 2011-12 մրցաշրջանում հաղթել է երիտասարդական Էրեդիվիզին և երկրորդ տեղը զբաղեցրել NextGen Series-ում (Մ20 տարեկանների Չեմպիոնների Լիգա)[5][6]։ Իր դեբյուտը Այաքսի առաջին թիմի կազմում նշեց 2012 թվականի օգոստոսի 19-ին՝ Նիդերլանդների առաջնությանՆԵԿ-ի դեմ խաղում[7]։ 2013 թվականի հունիսի 6-ին Վելտմանը երկարաձգեց իր պայմանագիրը ակումբի հետ մինչև 2017 թվականը[8]։ Իր առաջին պրոֆեսիոնալ գոլը խփեց Յոնգ Այաքսի կազմում 2013 թվականի սեպտեմբերի 30-ին՝ Վոլենդամի դեմ խաղում[9]։ Իր դեբյուտը եվրոպական առաջնություններում նշեց հոկտեմբերի 22-ին՝ Սելտիկի դեմ խաղում[10]։ Իր առաջին գոլը Այաքսի առաջին թիմի կազմում խփեց 2014 թվականի մարտի 2-ին՝ Ֆեյենորդի դեմ խաղում՝ օգնելով իր թիմին հաղթել 2-1 հաշվով[11]։ 2014 թվականի մարտի 31-ին Վելտմանը երկարաձգեց իր պայմանագիրը մինչև 2018 թվականը[12]։ 2017 թվականի օգոստոսին հոլանդացին երկարաձգեց իր պայմանագիրը 3 տարով[13]։
2017 թվականի փետրվարի 12-ին՝ Սպարտա Ռոտերդամի դեմ խաղում[14] Վելտմանը օգտվեց իր թիմակցի ընկած լինելու հանգամանքից և խաբեց պաշտպանին՝ շրջանցելով նրան, ինչը մեծ զայրույթ առաջացրեց երկրպագուների մոտ[15][16]։
Նիդերլանդների մինչև 17 տարեկանների հավաքականի կազմում Վելտմանը մասնակցեց 2009 թվականի Եվրոպայի առաջնությանը՝ օգնելով իր թիմին գրավել երկրորդ տեղը[17]։ Բացի այդ, նա խաղացել է նաև Նիդերլանդների մինչև 19 և մինչև 20 տարեկանների հավաքականներ։
2013 թվականի նոյեմբերի 8-ին Վելտմանը առաջին անգամ հրավիրվեց Նիդերլանդների ազգային հավաքականԼուի վան Գալի կողմից՝ Ճապոնիայի[18] և Կոլումբիայի[19] դեմ խաղերի համար[20]։ Իր դեբյուտը նշեց նոյեմբերի 19-ին՝ Կոլումբիայի դեմ խաղում[19][21]։ 2014 թվականի մայիսի 31-ին Վելտմանը հայտավորվեց Նիդերլանդների հավաքականի կազմ՝ աշխարհի առաջնության համար[22]։ Նա մասնակցեց 2 խաղի, իսկ Նիդերլանդները գրավեցին 3-րդ հորիզոնականը առաջնությունում[23]։ Իր առաջին գոլը հավաքականում Վելտմանը խփեց 2017 թվականի հունիսի 4-ին՝ Կոտ դ'Իվուարի դեմ ընկերական խաղում՝ այս հանդիպման ժամանակ ձևակերպելով դուբլ[24]։
.jpg)
Նիդերլանդներ
Կոտ դ'Իվուար
