Ֆուտբոլիստի կարիերան Օնանան սկսել է Սամուել Էտո'O-ի ակադեմիայում[5]։ 2010 թվականին միացավ Բարսելոնայի երիտասարդական թիմին[6]։ 2015 թվականի հունվարին կամերունցին 3 տարվա պայմանագիր կնքեց Այաքսի հետ[7][8][9]։ Իր առաջին հանդիպումը ակումբի երկրորդ թիմի կազմում նշեց փետրվարի 9-ին՝ Ախիլես '29-ի դեմ խաղում[10]։ Իր դեբյուտը Այաքսի կազմում նշեց 2016 թվականի օգոստոսի 20-ին՝ Վիլեմ II-ի դեմ խաղում[11]։ Առաջին հանդիպումը եվրոպական առաջնություններում անցկացրեց սեպտեմբերի 15-ին՝ Եվրոպայի ԼիգայիՊանատինաիկոսի դեմ խաղում[12]։ 2016-17 մրցաշրջանում Օնանան անցկացրեց 46 հանդիպում բոլոր մրցաշարերում[13]՝ բաց թողելով 36 գնդակ և 21 խաղում պահելով իր դարպասը անառիկ, իսկ Այաքսը հասավ Եվրոպայի Լիգայի եզրափակիչ[14][15], որտեղ 2-0 հաշվով պարտվեց Մանչեսթեր Յունայթեդին[16][17]։
2017 թվականի մայիսին Օնանան երկարաձգեց իր պայմանագիրը Այաքսի հետ մինչև 2021 թվականը[18][19]։
Օնանան ներկայացրել է Կամերունը երիտասարդական հավաքականներում։ Կամերունի ազգային հավաքական առաջին անգամ հրավիրվեց 2015 թվականի հոկտեմբերին՝ Նիգերիայի դեմ խաղի համար, սակայն այս խաղում խաղադաշտ դուրս չեկավ[20]։ Ազգային հավաքականում իր դեբյուտը նշեց 2016 թվականի սեպտեմբերի 6-ին՝ Գաբոնի դեմ ընկերական խաղում[21]։ 2017 թվականին Օնանան Կամերունի կազմում մասնակցեց ՖԻՖԱ Կոնֆեդերացիաների գավաթին[22][23][24], սակայն չանցկացրեց ոչ մի հանդիպում[25], իսկ Կամերունը դուրս մնաց խմբային փուլից[26]։
Կամերուն
Այաքս
Բարսելոնա
