Սաբալետան համարվում է «Սան-Լորենսո դե Ալյմագրո» ակումբի սանը, որի հետ 2002 թվականին կնքել է իր առաջին պրոֆեսիոնալ պայմանագիրը։ Իր առաջին մրցաշրջանում նա օգնեց «Սան-Լորենսոյին» հաղթել Հարավամերիկական գավաթը։ 14 տարեկանից հանդես է եկել Արգենտինայի հավաքականի կազմում տարբեր տարիքային խմբերում։ Սաբալետան եղել է Արգենտինայի մինչը 20 տարեկանների հավաքականի ավագը, որը հաղթեց աշխարհի 2005 թվականի առաջնությունը, որն անց էր կացվում Նիդերլանդներում։
Աշխարհի առաջնության հաղթանակից շատ չանցած՝ 2005 թվականի հուլիսին Սաբալետան տեղափոխվեց իսպանական «Էսպանյոլ», իր համար վճարվելով 3 միլիոն դոլար և կնքելով 5 տարվա պայմանագիր[4]։ Առաջին մրցաշրջանից Սաբալետան դարձավ «Էսպանյոլի» հիմնական կազմի խաղացող, 2006 թվականին օգնեց թիմին հաղթել Իսպանիայի գավաթը, իսկ 2006-2007 մրցաշրջանում, որի մեծ մասը նա բաց թողեց ուսի վնասվածքի պատճառով, թիմի հետ խաղաց Ուեֆայի գավաթի եզրափակչում՝ պարտվելով Սևիլյային։ 2005 թվականի սեպտեմբերի 3-ին Սաբալետան իր դեբյուտը նշեց Արգենտինայի ազգային հավաքականումՊարագվայի հավաքականի դեմ 2006 թվականի աշխարհի առաջնության խմբային փուլի խաղում (0։1)[5], բայց կոնկրետ առաջնությանը մարզիչ Խոսե Պեկերմանը նրան չվերցրեց։ Պեկերմանին փոխարինած Ալֆիո Բասիլեն Սաբալետային հաճախակի հրավիրում էր հավաքական, բայց Դիեգո Մարադոնայի՝ գլխավոր մարզչի պաշտոնում հայտնվելով՝ կորցրեց տեղը հիմնական կազմում։
2008 թվականին Պեկինի օլիմպիական խաղերում Սաբալետան Արգենտինայի հավաքականի հիմնական պաշտպանն էր։ Արգենտինացիները նվաճեցին ոսկե մեդալներ՝ հաղթելով առաջնության բոլոր խաղերը և բաց թողնելով ընդամենը 2 գոլ սեփական դարպասը։ 2008 թվականի օգոստոսի 31-ին անգլիական «Մանչեսթեր Սիթին» գնեց Սաբալետային՝ նրա համար վճարելով 6.45 միլիոն ֆունտ ստերլինգ։ Նա ստորագրեց 5 տարվա պայմանագիր և խոստովանեց, որ միշտ երազել է խաղալ Անգլիայում[6]։ 2008-2009 մրցաշրջանում արգենտինացին հանդիսանում էր Մարկ Հյուզի թիմի հիմնական աջ պաշտպանը, միայն թե «Քաղաքայինների» կողմից կենտրոնական պաշտպաններ Ջոլեոնա Լեսկոտայի և Կոլո Տուրեյի ձեռքբերման արդյունքում, ինչպես նաև Մայկի Ռիչարդսի տեղափոխումը պաշտպանության աջ եզր հանգեցրեց նրան, որ 2009-2010 մրցաշրջանը Սաբալետան սկսեց պահեստային լինելով։