Նիլ Գեյման
.jpg)
Նիլ Գեյման (անգլ.՝ Neil David John Gaiman, նոյեմբերի 10, 1960[1][2][3][…], Portchester, Fareham, Հեմփշիր, Հեմփշիր, Միացյալ Թագավորություն), անգլիացի գրող է, պատմվածքների, վեպերի, կոմիքսների, աուդիո թատրոնների, պիեսների և ֆիլմերի սցենարների հեղինակ։ Նրա գործերից են «Սենդմեն» կոմիքսների շարքը, «Աստղափոշի», «Ամերիկյան աստվածներ», «Քորալայն», «Գերեզմանի գիրքը» վեպերը։ Նա ստացել է Հյուգո, Նեբուլա և Բրեմ Սթոքեր մրցանակները։ Նա առաջին հեղինակն է, ով ստացել է Նյուբերիի և Քարնեգիի շքանշանները միևնույն գրքի՝ «Գերեզմանի գիրքը» (2008) համար։
Կենսագրություն[խմբագրել | խմբագրել կոդը]
Նիլ Գեյմանը ծնվել է 1960 թվականի նոյեմբերի 10-ին Մեծ Բրիտանիայի Պորթչեսթեր քաղաքում։ Նրա ընտանիքը սերում է Լեհաստանի և Արևելյան Եվրոպայի հրեաներից։
Գեյմանը ուսանել է մի քանի անգլիկան եկեղեցական դպրոցներում։ Արդինգլի քոլեջում (1970–74) և Վիթջիֆթ դպրոցում (1974–77)։ Նա երկար տարիներ ապրել է Արևմտյան Գրինսթիդում երկար տարիներ՝ 1965֊ից մինչև 1980 թվականը և 1984֊ից մինչև 1987֊ը։ Նա իր առաջին կնոջը՝ Մարի ՄաքԳրաթին, հանդիպել է, երբ վերջինս բնակվում էր Արևմտյան Գրինսթիդում և ուսանում էր սաենտոլոգիա։ Գեյմանը ամուսնացել է 1985 թվականին իր առաջին երեխայի՝ Միքայելի ծննդից հետո։
Նիլ Գեյմանը ունի երեք երեխա առաջին ամուսնությունից։ Այժմ նա ամուսնացած է երգչուհի և դերասանուհի Ամանդա Փալմերի հետ։ Պսակադրությունը կայացել է 2011 թվականի հունվարի 2-ին։ 2015 թ. մարտի 18-ին նրանք սոցիալական ցանցերում հայտնեցին, որ Ամանդան հղի է։ 2015 թ. սեպտեմբերի 16-ին ծնվեց նրանց առաջնեկը՝ Էնթոնին[7]։
Ստեղծագործություններ[խմբագրել | խմբագրել կոդը]
| Տարեթիվ | Անվանում | Համահեղինակ | Նշումներ և մրցանակներ |
|---|---|---|---|
| 1990 | Լավ նախանշաններ | Թերրի Փրաթչեթ | |
| 1996 | Երբեքտեղ (Neverwhere) | ||
| 1999 | Աստղափոշի | ||
| 2001 | Ամերիկյան աստվածներ |
| |
| 2002 | Քորալայն | ||
| 2005 | Անանսիի տղաները | ||
| 2007 | ՄիջնԱշխարհ | Մայքլ Ռիվս | |
| 2008 | Գերեզմանի գիրքը | ||
| 2013 | Արծաթե երազ | Մայքլ Ռիվս, Մալլորի Ռիվս | |
| 2013 | Օվկիանոսը արահետի վերջում | ||
| 2015 | Հավերժության անիվը |
Գործունեություն[խմբագրել | խմբագրել կոդը]
1980֊ականների սկզբին Գեյմանը զբաղվում էր լրագրությամբ, իրականացնում հարցազրույցներ և գրում գրախոսություններ։ Նա գրում էր մասնավորապես Բրիտանական Ֆենթեզիի Միության համար։ 1984 թվականի մայիսին առաջին անգամ տպագրվել է նրա «Featherquest» պատմվածքը։
1984 թվականին նա նա ավարտեց իր առաջին ծավալուն ստեղծագործությունը՝ Դյուրան Դյուրան խմբի կենսագրությունը։
1980֊ական թվականների վերջին հրատարակվել է նրա «Don’t Panic: The Official Hitchhiker’s Guide to the Galaxy Companion» գիրքը անգլիացի գրող Դուգլաս Ադամսի և նրա «Տիեզերքով ավտոստոպով ճանապարհորողի ուղեցույց» ստեղծագործության մասին։
Վեպեր[խմբագրել | խմբագրել կոդը]
1990 թվականին լույս է տեսնում անգլիացի հայտնի գրող Թերրի Փրաթչեթի հետ համահեղինակությամբ գրված «Լավ նախանշաններ» ստեղծագործությունը։
1991-1997 թվականներին Գեյմանը գրել է «Աստղափոշի» ֆանտաստիկ վեպը, որը հրատարակվել է 1999 թվականին որպես հասարակ վեպ և որպես նկարազարդ տեքստային հրատարակություն և արժանացել է Հյուգո և Նեբուլա մրցանակներին։
Գեյմանի բեսթսելեր և տարբեր մրցանակաբաշխությունների հաղթող «Ամերիկյան աստվածներ» վեպը տպագրվել է 2001 թվականին։ 10֊րդ տարեդարձին նվիրված հատուկ հրատարակությունը տպագրված էր «հեղինակի նախընտրած տեքստով»՝ 12, 000 բառով ավելի երկար, քան բնօրինակ մասսայական վաճառքի հրատարակությունները։
2008 թվականին Գեյմանը հրատարակեց մանկական «Գերեզմանի գիրքը», որը խորապես ազդված էր Ռադիար Քիփլինգի «Ջունգլիների գրքից»։
Ֆիլմեր և սցենարներ[խմբագրել | խմբագրել կոդը]
Գեյմանը մի քանի ֆիլմի սցենարիստ է․
- բազմասերիանոց ֆիլմ «Neverwhere», որի սցենարը հիմք է հանդիսացել նույնանուն վեպի համար,
- ֆիլմ «Բեովուլֆ»,
- «Բաբելոն 5» ֆանտաստիկ սերիալի «Մեռածների օր» էպիզոդ,
- սեփական «Հայելային դիմակ» վեպի էկռանիզացիա,
- մուլտիպլիկացիոն ֆիլմ «Քորալայնը սարսափների աշխարհում»՝ Նիլ Գեյմանի նույնանում վեպի հիման վրա,
- «Բժիշկ Ով» բրիտանական հեռուստասերիալի երկու էպիզոդներ («Բժշկի կինը» 6֊րդ սեզոնից; «Արծաթյա մղձավանջ» 7֊րդ սեզոնից)։
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.nndb.com/people/328/000022262/
- ↑ 2,0 2,1 Encyclopædia Britannica
- ↑ 3,0 3,1 Internet Speculative Fiction Database — 1995.
- ↑ Bibliothèque nationale de France идентификатор BNF (фр.): տվյալների բաց շտեմարան — 2011.
- ↑ http://www.nytimes.com/2011/07/22/books/review/excerpt-inside-scientology-by-janet-reitman.html?pagewanted=all
- ↑ https://www.patreon.com/posts/36720010
- ↑ «Neil Gaiman's Journal: Our Not-So-Humble Bundle.»։ journal.neilgaiman.com։ Վերցված է 2015-10-19
- ↑ «2002 Award Winners & Nominees»։ Worlds Without End։ Վերցված է 2015-10-19
| ||||||||||||||||||||||||
