Նելլի Խերանյան

Նելլի Խերանյան
Ծնվել է	մայիսի 10, 1966 (57 տարեկան)
Ծննդավայր	Երևան, ՀՀ
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և Հայաստան
Ազգություն	հայ
Մասնագիտություն	դերասանուհի
Ամուսին(ներ)	Տիգրան Ներսիսյան
Երեխա(ներ)	Անի Ներսիսյան ; Մանե Ներսիսյան
Պարգևներ և մրցանակներ

Նելլի Ռազմիկի Խերանյան (մայիսի 10, 1966(1966-05-10), Երևան, Հայկական ԽՍՀ, ԽՍՀՄ), հայ դերասանուհի, ՀՀ վաստակավոր արտիստ (2006)

ՀՀ վաստակավոր արտիստ Տիգրան Ներսիսյանի կինը։

ԽՍՀՄ Ժողովրդական արտիստ Բաբկեն Ներսիսյանի հարսը։

Կենսագրություն[խմբագրել | խմբագրել կոդը]

Նելլի Խերանյանը ծնվել է 1966 թվականի մայիսի 10-ին, Երևանում։ Հայրը երկար տարիներ աշխատել է Հանրային հեռուստաընկերությունում որպես՝ օպերատոր, մայրը ուսուցչուհի է եղել։ Սովորել է Երևանի Բ.Ժամկոչյանի անվան թիվ 119 դպրոցում։ 1983-1987 թվականներին սովորել է Երևանի գեղարվեստա-թատերական ինստիտուտի «Թատրոնի և կինոյի դերասան» ֆակուլտետում՝ Կիմ Արզումանյանի արվեստանոցում։ 1988 թվականի հունվարի 30-ին ամուսնացել է ՀՀ վաստակավոր արտիստ Տիգրան Ներսիսյանի հետ։ Նրանք ունեն երկու դուստր. առաջնեկը՝ Անի Ներսիսյանը, ծնվել է 1989 թվականի ապրիլի 30-ին, իսկ փոքրը՝ Մանե Ներսիսյանը, 2003 թվականի հոկտեմբերի 21-ին։ Նելլի Խերանյանը 1986-1987 թվականներին աշխատել է եկել Երևանի Կամերային թատրոնում։ 1992-1993 թվականներին աշխատել է Երևանի համազգային թատրոնում, 1994-1995 թվականներին՝ Երևանի Մհեր Մկրտչյան արտիստական թատրոնում։ 1996 թվականից աշխատում է Գաբրիել Սունդուկյանի անվան ազգային ակադեմիական թատրոնում, ահա այստեղ կերտել է բազմաթիվ դերեր և մինչև օրս էլ շարունակում է իր գործունեությունը Մայր թատրոնում։ Վարել է հեռուստատեսային մի շարք հաղորդումներ^[1]^[2]։ Լավագույն դերերից են՝ «Ճերմակ անուրջներ» Լիլո, «Հին Աստվածներ» Սեդա, «Տրամվայ «Ցանկություն» Բլանշ, «Ես մի ծառ եմ ծիրանի» Զարե, «Արշակ թագավոր» Փառանձեմ, «Հարյուր տարի անց» Մարիամ, «Ջոն Արքա» Թագուհի Էլինոր, «Ռիչարդ Երրորդ» Էլիզաբեթ թագուհի, «Իշամեղու» Ֆլորա։

Դերերը թատրոնում[խմբագրել | խմբագրել կոդը]

Թվական	Անվանում	Կերպար
1984	Ուիլյամ Շեքսպիր, «Համլետ»	Օֆելյա
1985	Ուիլյամ Շեքսպիր, «Ռոմեո և Ջուլիետ»	Ջուլիետ
1986	Շառլ Պեռո, «Կարմիր գլխարկ»	Կարմիր գլխարկ
1987	Գարսիա Լորկա, «Բեռնարա Ալբայի տունը»	Ադելլա
1992	Է. դե ֆիլիպո, «Սանիտայի թաղապետը»	Ջերալդինա
1992	Հայկ Հակոբյան, «Հայկական լեռներ»	Լուսինե
1994	Թենեսի Ուիլյամս, «Ապակե գազանանոց»	Լաուրա
1995	Ալեքսանդր Շիրվանզադե, «Պատվի համար»	Ռոզալիա
1995	Ուիլյամ Շեքսպիր, «Լիր արքա»	Ռեգան
1996	Լևոն Շանթ, «Ինկած բերդի իշխանուհին»	Սոֆյա իշխուհի
1997	Գաբրիել Սունդուկյան, «Կտակ»	Նունե
1997	Յակոբ Լենց, «Հաճույք որսացողները»	Մարի
1998	Ալբեր Քամյու, «Կալիգուլա»	Կաեսոնիա
1998	Մուրացան, «Ռուզան»	Ռուզան
1999	Լևոն Շանթ, «Հին աստվածներ»	Սեդա
2000	Թենեսի Ուիլիամս, «Տրամվայ ցանկություն»	Բլանշ Դյուբուա
2000	Արման Վարդանյան, «Ախացելե»	Կարինե
2001	Անտոն Չեխով, «Բալի այգի»	Դունյաշա
2001	Ռոլանդ Շառոյան, «Մեր բաժին ուրախությունը»	Արուս
2005	Ալվարդ Պետրոսյան, «Ես մի ծառ եմ ծիրանի»	Զարե
2006	Ալեքսանդր Շիրվանզադե, «Պատվի համար»	Մարգարիտ
2008	Պերճ Զեյթունցյան, «Արշակ թագավոր»	Փառանձեմ
2012	Ուիլյամ Շեքսպիր, «Ջոն Արքա»	Թագուհի Էլինոր
2013	Պերճ Զեյթունցյան, «Հարյուր տարի անց»	Մարիամ
2014	Ուիլյամ Շեքսպիր «Ռիչարդ երրորդ»	Թագուհի Էլիզաբեթ
2017	Հ. Հակոբյան «Լեռնային կակաչներ»
2021	Շառլոտա Ջոնս, «Իշամեղու»	Ֆլորա

Դերերը հեռուստաթատրոնում[խմբագրել | խմբագրել կոդը]

Թվական	Անվանում	Կերպար
1983	Գրիգոր Զոհրապ, «Փոստալ»	Տիգրանուհի
1985	«Արշալույսից առաջ»	Ալինա

Ֆիլմագրություն[խմբագրել | խմբագրել կոդը]

Թվական	Անվանում
1984	«Ճերմակ անուրջներ»
1992	«Վերջնագիծ»
2009	«Սպանված աղավնի»
2009-2010	«Հանուն սիրո»
2011-2012	«Քաղցր կյանք»
2012-2013	«Տիգրանի մոլորակը»
2016	«Թաքնված սեր»
2016	«Կյանք ու կռիվ»
2017	«Օտարը»
2017-2019	«Էլենի օրագիրը»
2019-2021	«Երկուսով»
2021-2022	«Բեկորներ»
2022-2023	«Հատուկ դասարան»
2023	«Տաղ. հոգու ճանապարհ»
2023	«Սիրելով ապրել»
2023	«Իրար դեմ»
2023-2024	«Կախվածություն»

Պարգևներ, մրցանակներ[խմբագրել | խմբագրել կոդը]

2000 «Շերմուկշնիս» մրցանակ, «Լավագույն կին դերակատար» անվանակարգում Բլանշի դերակատարման համար
2000 «Արտիստ» մրցանակ, «Լավագույն կին դերակատար» անվանակարգում Բլանշի դերակատարման համար
2002 ՀՀ մշակույթի նախարարության «Ոսկե Մեդալ»
2006 ՀՀ Թատերական գործիչների միության «Արտավազդ» մրցանակ, «Լավագույն կին դերակատար» անվանակարգում Զարեի դերակատարման համար
2006 «Արտիստ», մրցանակ Մետաքսյա Սիմոնյանին նվիրված «Զարեի» դերակատարման համար
2006 ՀՀ վաստակավոր արտիստ
2009 Տարվա լավագույն դերասանուհի՝ Բլանշ Դյուբուայի դերակատարման համար , Լիտվա
2013 ՀՀ Ազգային Ժողովի Պատվոգիր «Մշակույթի բնագավառում ներդրած նշանակալի ավանդի համար»
2017 Թատերական գործիչների միության «Ոսկե մեդալ»
2017 ՀՀ Սփյուռքի նախարարության «Ոսկե մեդալ»
2017 Լեոնիդ Ենգիբարյանի անվան «Ոսկե մեդալ»
2019 A.A.D.am.«Հայաստան․Արցախ․Սփյուռք․» կազմակերպության ամենամյա մրցանակ «Հայ մշակույթում ներդրած ավանդի համար»