Հրաշալի յոթնյակը (ֆիլմ, 2016)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Հրաշալի յոթնյակը
The Magnificent Seven
Cast of The Magnificent Seven (29519165576).jpg
ԵրկիրFlag of the United States.svg ԱՄՆ
Flag of Australia.svg Ավստրալիա
Ժանրքրեական, մարտաֆիլմ, վեստեռն և վեսթեռն
ՀիմքՀրաշալի յոթնյակը
Թվական2016 և սեպտեմբերի 22, 2016[1][2]
Լեզուանգլերեն
ՌեժիսորԱնտուան Ֆուքուա[3][4][5][6]
ՊրոդյուսերՌոջեր Բիրնբաում
Սցենարի հեղինակՆիկ Պիցոլատո[7] և Richard Wenk?[7]
ԴերակատարներԴենզել Վաշինգտոն[3][8][6], Քրիս Պրետ[8][6], Իթան Հոուք[8][6], Վինսենտ դ'Օնորֆիոն[8], Լի Բյոն Հոն, Luke Grimes?[8], Wagner Moura?, Հեյլի Բեննեթ[8][6], Փիթեր Սարսգաարդ[8], Billy Slaughter?[8], Մեթ Բոմմեր[7], Քեմ Ժիգանդե[7], Jonathan Joss?[7], Շոն Բրիջերս[7], William Lee Scott?[7], Գրիֆ Ֆյորստ[7], Վիննի Ջոնս[7], Manuel García-Rulfo? և Martin Sensmeier?
ՕպերատորՄաուրո Ֆիորե
ԵրաժշտությունՋեյմս Հորներ և Simon Franglen?
ՄոնտաժՋոն Ռեֆոուա
Պատմվածքի վայրԿալիֆոռնիա
Նկարահանման վայրԲաթոն Ռուժ[9], Նյու Մեքսիկո և Ghost Ranch?[9]
ԿինոընկերությունԿոլումբիա Փիքչերս, Մետրո Գոլդվին Մայեր և Village Roadshow Pictures
Տևողություն132 րոպե
Բյուջե95 000 000 ԱՄՆ դոլար
Շահույթ162 360 636 ԱՄՆ դոլար[10]
Premiere of The Magnificent Seven at the 2016 Toronto International Film Festival Վիքիպահեստում

Հրաշալի յոթնյակը (անգլ.՝ The Magnificent Seven), ամերիկյան վեստերն, որի ռեժիսորը Անտուանա Ֆուկուան է, 1960 թվականի համանուն ֆիլմի ռեմեյքն է։ Նկարահանման շրջանը սկսվել է 2015 թվականի մայիսի 18-ին Լուիզիանա նահանգի Բաթոն Ռուժ քաղաքի հյուսիսում։ ԱՄՆ-ում ֆիլմի պրեմիերան կայացել է 2016 թվականի սեպտեմբերի 8-ին[11], Արգենտինայում՝ սեպտեմբերի 22-ին[12]։

Սյուժե[խմբագրել | խմբագրել կոդը]

1879 թվականին բարոն ավազակ և ոսկու արդյունաբերության մագնատ Բարտոլոմյու Բոուգը վերահսկում է Ռոուզ-Կրիկ սահմանային քաղաքը և իր հանքահորում հարկադրաբար աշխատանքի է ենթարկում բնակչությանը։ Եկեղեցական ժողովից քննադատվելուց հետո Բուոգն այրում է եկեղեցին և սպանում մի խումբ ապստամբ բնակիչների և նրանց առաջնորդ Մեթյու Կալենին։ Այրի Մեթյուն, Էմմա Կալենը և նրա ընկեր Թեդի Կյուն ճանապարհորդում են որսորդ առաջնորդին գտնելու համար, որպեսզի օգնեն ազատել քաղաքը։ Նրանք ներգրավում են աֆրո-ամերիկացի մարշալ Սեմ Չիզեմին, որը Բոգուի մասին լսելով համաձայնում է նրանց օգնել։

Էմմիի և Թեդի Չիզեմի օգնությամբ ներգրավում են նաև թղթամոլ Ջոշուա Ֆարադեյային, մեքսիկացի փախստական Վասկեսային, Համադաշնային նահանգների նախկին հրաձիգ Ռոբիշոյին, նրա կորեացի ընկեր Բիլլի Ռոքսին և լեգենդար որսորդ Ջեք Հորնին։ Խումբը հանդիպում է կոմանչ զինվորականին՝ Կարմիր Հունձ անվամբ, որին նույնպես Չիզեմը համոզում է միանալ ջոկատին։

Յոթնյակը մտնում է Ռոուզ-Կրիկ և Բլեքսթոունից հեռացնում 34 մասնավոր ռազմական կապալառուների, որոնց վճարել էր Բոուգը։ Չիզեմը կաշառակեր շերիֆ միստր Հարփին ուղարկում է Բոուգին հայտնելու, որ այժմ նրանք են վերահսկում իր տարածքները Ռոուզ-Կրիկում։ Չիզեմը ենթադրում է, որ Բոուգը բանակի հետ վերադառնալու է յոթ օրից․ յոթնյակը (նաև Էմման) ճահճային հանքահորից ազատում է կախյալ աշխատավորներին և հաջորդ շաբաթվա ընթացքում ամրացնում է քաղաքն ու տեղի բնակիչներին սովորեցնում մարտավարություն։ Այդ ժամանակ Բոուգը իմանում է Ռոուզ-Կրիկի ազատման լուրը, սպանում Հարփին և իր մարտիկների հրամայում Կոմանչի Դենալից և նրա աջ ձեռք Մականից զորք հավաքել։ Ռոբիշոն հիշելով քաղաքացիական պատերազմի իր փորձը և վախենալով զրկվել սեփական կյանքից՝ (այն դեպքում, եթե նա նորից սկսի մարդ սպանել), Բոուգի գալուց մեկ գիշեր առաջ հեռանում է քաղաքից ․ Էմման կամավոր կերպով զբաղեցնում է նրա տեղը։

Հաջորդ առավոտ Բոուգը և իր զորքը գրոհում են Ռոուզ-Կրիկը, որը շրջապատված էր թակարդներով և դինամիտներով։ Քանի որ պատերազմը շարունակվում էր, Ֆարասեյը վիրավորվում է Մաքքենի կողմից, որին սպանում է Վասքեսը։ Պաշտպանական գծերը վերացված են, իսկ Ռոբիշոն վերադառնում է օգնելու համար։ Բոուգը և իր մոտ մնացած մարդիկ քաղաքին հարող բլրից կրակում են Գատլինգի հրացանից, սպանում Ռոուս-Կրիկի բազմաթիվ մարդկանց և վարձկաններին։ Հասկանալով, որ նրանք զինված են, Յոթնյակը տարհանում է քաղաքացիներին և տեղադրում իր վերջին ստենդը։ Հորնը վիրավորված Թեդի Կյուին պաշտպանում է կրակոցներից և նրան սպանում է Դենալին, որին հետո սպանում է Կարմիր Հունձը։

Ռոբիշոն և Բիլլին սպանվում են երկրորդ կրակոցից, իսկ միևնույն ժամանակ Ֆարադեյը բլրի վրա ինքնասպանություն է գործում և դինամիտով ոչնչացնում է Գատլինգի թնդանոթը՝ սպանելով Բոուգի մնացած մարդկանց մեծ մասին։ Բոուգը և նրա երկու փրկված վարձկանները փախչում են քաղաք, որպեսզի դիմադրեն Չիզեմին։ Երկու տղամարդկանց մահից հետո Չիզեմը Բոուգի հետ մտնում է հակասության մեջ և կրակում ձեռքին՝ զինաթափելով նրան։ Վիրավորված Բոուգը թաքնվում է եկեղեցում, որտեղ Չիզեմը պատմում է, որ 1867 թվականին նրա ընտանիքին Լինչի դատաստանի են ենթարկել նախկին կոնֆեդերատները, որոնց Բոուգը վարձել էր բնակիչներին Կանզասից վռնդելու համար։ Աստծուց ապաշխարհանք աղերսելով՝ Չիզեմը փորձում է խեղդել նրան։ Բոուգը հանում է երկարաճիտ կոշիկի մեջ պահած ատրճանակը, բայց Էմման սպանում է նրան։

Քաղաքացիները վերադառնում են Ռոուզ-Կրիկ և շնորհակալություն հայտնում Չիզեմին, Վասկեսին և Կարմիր Հունձին իրենց ծառայության համար․ այդ ժամանակ Ֆարադեյին, Ռոբիշոյին, Բիլլիին և Հորնին քաղաքից ոչ հեռու թաղում են և մեծարում որպես հերոսների։ Էմման, ըստ կադրից դուրս հնչող խոսքի, սիրով խորհրդածում է իրենց վեհանձն զոհողության մասին, որն իրենց դարձրել է «հիանալի»։

Դերերում[խմբագրել | խմբագրել կոդը]

  • Դենզել Վաշինգտոն — Սեմ Չիզեմ
  • Քրիս Փրեթ — Ջոշուա Ֆարադեյ
  • Իթան Հոուք — Հանգուցյալ Ռոբիշո
  • Վինսենտ Դ’Օնոֆրիո — Ջեք Հորն
  • Լի Բյոն Հոն — Բիլլի Ռոքս
  • Մանուել Գարսիա Ռուլֆո — Վասքես
  • Մարտին Սենսմայեր — Կարմիր Հունձ
  • Լյուկ Գրայմս — Թեդի Կյու
  • Հեյլի Բենեթ — Էմմա Կալեն
  • Մեթ Բոմեր — Մեթյու Կալեն
  • Փիթեր Սարսգաարդ — Բարտոլոմյու Բոուգ
  • Ջոնաթան Ջոս — Դենալի

Արտադրություն[խմբագրել | խմբագրել կոդը]

Ֆիլմի ռեմեյքը Թոմ Քրուզի հետ գլխավեր դերում պլանավորվել էր դեռևս 2012 թվականին։ Դերասանական կազմը պետք է համալրեին Քևին Քոսթներին, Մորգան Ֆրիմանին և Մեթ Դեյմոնին[13]։ 2014 թվականի դեկտեմբերի 4-ին մամուլում լուր է տարածվում այն մասին, որ Քրիս Փրեթը բանակցություններ է վարում Դենզել Վաշինգտնին ֆիլմի գլխավոր դերում հաստատելու համար[14]։ 2015 թվականի փետրվարի 20-ին Հեյլի Բենեթը հաստատվել է այրի կնոջ դերում, որը վարձում է յոթ մարդասպանների, որպեսզի վրեժ լուծի ամուսնու սպանության համար[15]։ 2015 թվականի մայիսի 20-ին Փիթեր Սարսգաարդը ստորագրել է պայմանագիր ֆիլմում չարագործի դերը խաղալու համար[16]։ Այդ օրերին Deadline-ից Մայք Ֆլեմինգ կրտսերը հաստատել է, որ Ջեյսոն Մամոան հեռացել է ֆիլմից Ակվամենին մարմնավորելու [17]։

Ծանոթագրություններ[խմբագրել | խմբագրել կոդը]

  1. Kinopolis — 1905.
  2. Person Profile // Internet Movie Database — 1990.
  3. 3,0 3,1 http://www.filmaffinity.com/es/film306209.html
  4. http://www.imdb.com/title/tt2404435/
  5. http://www.tomatazos.com/peliculas/42722/The-Magnificent-Seven
  6. 6,0 6,1 6,2 6,3 6,4 http://www.allocine.fr/film/fichefilm_gen_cfilm=207874.html
  7. 7,0 7,1 7,2 7,3 7,4 7,5 7,6 7,7 7,8 ČSFD — 2001.
  8. 8,0 8,1 8,2 8,3 8,4 8,5 8,6 8,7 http://www.imdb.com/title/tt2404435/fullcredits
  9. 9,0 9,1 http://www.imdb.com/title/tt2404435/locations?ref_=tt_dt_dt
  10. http://www.boxofficemojo.com/movies/?id=themagnificentseven.htm
  11. Kroll, Justin (2015-08-05)։ «Sony Dates 16 Films Including Two More ‘Bad Boys’ Sequels, ‘Jumanji’ Remake» (անգլերեն)։ Variety։ Վերցված է 2015-09-30 
  12. «El remake de The Magnificent Seven lanza su teaser trailern» (իսպաներեն)։ EL LADO G։ Վերցված է 2017-08-13 
  13. Snieder, Jeff. Tom Cruise attached to MGM’s 'Magnificent Seven'. Variety (May 21, 2012).
  14. Ford Rebecca, Kit Borys (December 4, 2014)։ «Chris Pratt in Talks for 'Magnificent Seven'»։ hollywoodreporter.com։ Վերցված է December 7, 2014 
  15. Fleming Jr Mike (February 20, 2015)։ «Haley Bennett Lands Female Lead In MGM’s ‘The Magnificent Seven’»։ deadline.com։ Վերցված է February 21, 2015 
  16. Kroll Justin (May 20, 2015)։ «Peter Sarsgaard to Play Villain in ‘Magnificent Seven’ Remake (EXCLUSIVE)»։ variety.com։ Վերցված է May 22, 2015 
  17. Fleming Jr Mike (May 20, 2015)։ «Peter Sarsgaard Signs On To Play Outlaw In ‘The Magnificent Seven’ As Jason Momoa Exits»։ deadline.com։ Վերցված է May 22, 2015