Նկարահանման շրջան

Հիմնական հոդված՝ Կինոարտադրություն

Ֆիլմի նկարահանումներ Նյուարկում, Նյու Յորք

Նկարահանման շրջանը կինոարտադրության այն փուլն է, որտեղ ֆիլմը նկարահանվում է դերասանների կամզով և շարժվող տեսախցիկներով, ի տարբերություն նախաարտադրությունից և հետարտադրությունից։

Հիմնական նկարահանումները, սովորաբար, կինոարտադրության ամենաերկարատև և ամենաթանկ փուլն է, քանի որ մեծ գումարներ են ծախսվում դերասանների, ռեժիսորի, նկարահանող խմբի և հատուկ էֆեկտների վրա։ Այդ պատճառով, այն պահանջում է ճշգրիտ ծրագրում և մանրամասն մտածված մոտեցում։ Նկարահանումների ճիշտ կազմակերպումը և պլանների ժամանակին համակարգումը թույլ է տալիս նվազագույնի հասցնել նկարահանման փուլը։ Նկարահանումների ծրագրման կարևոր մաս է համարվում ապահովել դրա անխափանությունն ու խմբի պարապուրդի բացառումը։

Որպես կանոն, այն կապող օղակ է համարվում նախապատրաստական փուլի և հենց ֆիլմի մոնտաժի միջև։ Պրոֆեսիոնալ կինեմատոգրաֆիայում, լիամետրաժ գեղարվեստական ֆիլմերը նկարահանվում են խմբով, որը կարող է ներառել մի քանի տասնյակ, նույնիսկ հարյուր աշխատակից, ինչը կախված է նկարվող նյութի մասշտաբից և բարդությունից։

Ժամանակակից տեխնոլոգիաներ

Թվային տեխնոլոգիաների տարածման հետ մեկտեղ, կինոարտադրության գործընթացը սկսեց տարբերվել դասականից։ Այն իրենից ներկայացնում է ժապավենային տարբեր համադրություններ և աշխատանքի թվային հնարքներ։ Որոշ տեխնոլոգիական փուլեր լիովին դադարել են գոյություն ունենալ կամ փոփոխվել են։ Այսօր չեն ստեղծվում ֆիլմեր միայն ժապավենային կամ թվային մեթոդներով։ Գործնականորեն, մոնտաժային ողջ փուլն իրականացվում է համակարգիչների միջոցով։

Տե՛ս նաև

• Կինոդիստրիբյուտոր
• Կինեմատոգրաֆիա
• Նկարահանող խումբ
• Կինոնկարահանում
• Հնչյունավորում

Ռուսերեն գրականություն

• Б. Коноплёв Основы фильмопроизводства. — 2-е изд. — М.,: "Искусство", 1975. — 448 с.
• «Кинопроизводство. Систематизированный сборник нормативных актов и ведомственных указаний. ДСП» Москва, Искусство, 1973 год
• Ю.А.Кравцов «Конспект по теории кино. 2006г.»
• Девид К. Ирвинг и Питер В. Ри «Продюсирование и режиссура короткометражных кино- и видеофильмов» Москва, ГИТР, 2008
• Барнуэл Дж. «Фундаментальные основы кинопроизводства» Москва, Тридэ-кукинг, 2010
• «Единое положение о съемочной группе по производству художественных кинофильмов и правах и обязанностях основного её состава» Москва, Госкиноиздат, 1947 год
• «Справочник по производству художественных фильмов» Москва, Искусство, 1958 год