Կոմունա (Իտալիա)

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Կոմունա (այլ կիրառումներ)
Քարտեզում պատկերված են Իտալիայիի վարչական միավորների սահմանները։ Սևով՝ շրջանները, մոխրագույնով՝ պրովինցիաները, սպիտակով՝ կոմունաները։

Կոմունա, Իտալիայում երրորդ աստիճանի վարչական միավոր։ Սովորաբար կազմված է քաղաքից, որի անունից էլ ծագում է կոմունայի անունը, և հարակից տարածքներից։

Կոմունայի ղեկավարը քաղաքապետն է (իտալ.՝ sindaco), օրենսդիր մարմինը՝ կոմունայի խորհուրդը (իտալ.՝ consiglio comunale), իսկ գործադիրը՝ կոմունայի վարչությունը (իտալ.՝ giunta comunale)։ Քաղաքագլխին և խորհրդի անդամներին ընտրում են կոմունայի բնակիչները միաժամանակ։ Ընդ որում քաղաքագլխի խմբակցությունը ընտրական առաջին կամ երկրորդ փուլում պետք է ստանա ձայների բացարձակ մեծամասնությունը, որից հետո ստանում է խորհրդի ձայների 60%-ը։ Խորհուրդը ղեկավարում է քաղաքագլուխը, որը նշանակում է խորհրդի մյուս անդամներին՝ ասսեսսորներին (իտալ.՝ assessori)։ Վարչությունը աշխատում է մունիցիպալիտետ (իտալ.՝ municipio), կամ «կոմունայի տուն» (իտալ.՝ palazzo comunale) կոչվող շենքում։

Արտաքին հղումներ[խմբագրել | խմբագրել կոդը]