Խոսե Մարիա Խիմենես (ֆուտբոլիստ)

Խոսե Մարիա Խիմենես; իսպ.՝ José Giménez
Անձնական տվյալներ
Ամբողջական անուն	Խոսե Մարիա Խիմենես դե Վարգաս
Քաղաքացիությունը	Ուրուգվայ
Մականուն	El negro
Ծննդյան ամսաթիվ	հունվարի 20, 1995 (30 տարեկան)
Ծննդավայր	Տոլեդո, Կանելոնես, Ուրուգվայ
Հասակ	185 սմ
Քաշ	80 կգ
Դիրք	Պաշտպան
Ակումբային տեղեկություններ
Ներկա ակումբ	Ատլետիկո Մադրիդ
Համար	24
Պատանեկան կարիերա
	Տոլեդո Խունիոր
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ մարտի 1, 2016:; ‡ Ազգային հավաքականի խաղերն ու գոլերը ըստ հոկտեմբերի 14, 2015

Խոսե Մարիա Խիմենես դե Վարգաս (իսպ.՝ José María Giménez de Vargas, հունվարի 20, 1995, Տոլեդո, Կանելոնես, Ուրուգվայ), ուրուգվայցի ֆուտբոլիստ, Ուրուգվայի հավաքականի և «Ատլետիկո Մադրիդի» կենտրոնական պաշտպան։

Ակումբային կարիերա

Դանուբիո

Խիմենեսը իր առաջին մասնագիտական խաղը անցկացրել է Ուրուգվայի առաջնության «Դանուբիո» ակումբի կազմում, 2012 թվականի նոյեմբերի 17-ին, «Ռիվեր Փլեյթի» դեմ խաղում (0-2)^[2]։

Ատլետիկո Մադրիդ

2013 թվականի ապրիլի 25-ին «Ատլետիկո Մադրիդը» 900 000 եվրոյով գնեց Խիմենեսին, իսկ 2013-14 մրցաշրջանի սկզբին նա միացավ իր նոր ակումբին^[3]։

Սեպտեմբերի 14-ին Խիմենեսը Լա Լիգայում նշեց իր դեբյուտը՝ 4-2 հաղթելով «Ալմերիա» ակումբին։

Խիմենեսը իր առաջին գոլը խփեց 2014 թվականի դեկտեմբերի 6-ին՝ «Էլչեի» դեմ խաղում (2-0)^[4]։

Միջազգային կարիերա

Խոսեն Ուրուգվայի երիտասարդական հավաքականի կազմում նվաճել է 2013 թվականի աշխարհի երիտասարդական առաջնության արծաթե մեդալներ։ Ուրուգվայի ազգային հավաքականի կազմում իր նորամուտը նշել է 2013 թվականի սեպտեմբերի 10-ին Կոլումբիայի հավաքականի դեմ խաղում։ Հետագայում ևս երեք անգամ խաղաց հավաքականում։ Օսկար Տաբարեսը, չնայած ակումբում Խիմենեսի խաղային փորձի բացակայությանը, նրան հրավիրեց 2014 թվականի մարտի 5-ին կայանալիք Ավստրիայի հավաքականի դեմ խաղին (1-1)։ Խիմենեսը հայտնվեց 2014 թվականի աշխարհի առաջնությանը ընդգրկված ուրուգվայցի ֆուտբոլիստների հայտացուցակում^[5]։ Խիմենեսը մրցաշարում հաջողությամբ ելույթ ունեցավ, ուրուգվայցիները դուրս եկան 1/8 եզրափակիչ, որտեղ պարտվեցին Կոլումբիային։ Դրանից հետո Խիմենեսը լավագույնն էր Ասիայում տեղի ունեցած ընկերական խաղերի շարքում։ Սեպտեմբերին տեղի ունեցած Հարավային Կորեայի դեմ ընկերական խաղում նա խփեց իր առաջին միջազգային գոլը (1-0)^[6]։ 2014 թվականի արդյունքներով Խիմենեսը «Ատլետիկոյի» իր խաղընկեր Դիեգո Գոդինի (ԱԱ-2014-ի Ուրուգվայի ավագ) հետ ճանաչվեց արտերկրում հանդես եկող Ուրուգվայցի լավագույն ֆուտբոլիստ։

Վիճակագրություն

մայիսի 1, 2016 -ի դրությամբ

Ակումբ	Մրցաշրջան	Լիգա		Գավաթ		Այլ		Միջազգային		Ընդհանուր
Ակումբ	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Դանուբիո	2012–13	16	0	0	0	0	0	—	—	16	0
Դանուբիո	Ընդհանուր	16	0	0	0	0	0	0	0	16	0
Ատլետիկո Մադրիդ	2013–14	1	0	1	0	0	0	0	0	2	0
	2014–15	20	1	4	1	0	0	4	0	26	2
	2015–16	27	1	0	0	2	0	8	0	38	1
Ընդհանուր		46	2	5	1	2	0	12	0	67	3
Ամբողջը կարիերայում		64	2	5	1	2	0	12	0	84	3

Ձեռքբերումներ

Ատլետիկո Մադրիդ

Լա Լիգա։ 2013–14
Ֆուտբոլի Իսպանիայի գավաթ։ 2014

Ծանոթագրություններ

↑ "Strong Roots: Giménez honored in Toledo"
↑ "DANUBIO VS. RIVER PLATE 0 - 2"
↑ "Atlético Madrid complete signing of teenage defender Jose María Giménez"
↑ Elche 0-2 Atl Madrid
↑ «Uruguay World Cup 2014 squad». The Daily Telegraph. 2014 թ․ հունիսի 2. Վերցված է 2014 թ․ հունիսի 18-ին.
↑ "Stakes are high in South American friendlies as players look to impress"

Արտաքին հղումներ

Վիքիպահեստն ունի նյութեր, որոնք վերաբերում են «Խոսե Մարիա Խիմենես (ֆուտբոլիստ)» հոդվածին։

[1] "Strong Roots: Giménez honored in Toledo"

[2] "DANUBIO VS. RIVER PLATE 0 - 2"

[3] "Atlético Madrid complete signing of teenage defender Jose María Giménez"

[4] Elche 0-2 Atl Madrid

[5] «Uruguay World Cup 2014 squad». The Daily Telegraph. 2014 թ․ հունիսի 2. Վերցված է 2014 թ․ հունիսի 18-ին.

[6] "Stakes are high in South American friendlies as players look to impress"

[1]

[2]

[3]

[4]

[5]

[6]