Ժենվիլյե

Ժենվիլյե
Քաղաք
	Ժենվիլյե
	Gennevilliers
	Զինանշան
Երկիր	Ֆրանսիա
Ենթարկում	Ֆրանսիա
Երկրամաս	Օ-դե-Սեն
Մակերես	11,63 կմ²
ԲԾՄ	27 մետր
Խոսվող լեզուներ	ֆրանսերեն
Բնակչություն	41 400 մարդ (2009)
Խտություն	3 557 մարդ/կմ²
Ժամային գոտի	UTC+1 և UTC+2
Փոստային ինդեքսներ	92230
Պաշտոնական կայք	ville-gennevilliers.fr
	Ժենվիլյե Վիքիպահեստում

Ժենվիլյե (ֆր.՝ Gennevilliers), քաղաք և կոմունա ֆրանսիական Օ-դը-Սեն դեպարտամենտում, Նանտերի շրջանում, երկու կանտոնների վարչական կենտրոն։

Աշխարհագրական դիրք[խմբագրել | խմբագրել կոդը]

Ժենվիլյեն Փարիզի հյուսիսարևմտյան արվարձանն է, գտնվում է Սենայի ափին։

Պատմություն[խմբագրել | խմբագրել կոդը]

Ժենվիլյեի տարածքը բնակեցված է եղել հին ժամանակներից։ Բնակիչները զբաղվել են հողագործությամբ, անասնապահությամբ, ձկնորսությամբ և որսով։ Մինչև 1302 թվականին սեփական եկեղեցական համայնք ունենալը Ժենվիլյեն պատկանում էր Անիեր-սյուր-Սենին։ 1740 և 1910 թվականներին Ժենվիլյեն խիստ տուժել է մակընթացությունից։ 1746 թվականին հերցոգ Ռիշելյեն այստեղ կառուցում է իր ամրոցը, որտեղ ընդունել է թագուհի Մարիա Լեշչինսկայային, Լյուդովիկոս 15-րդին, մարքիզուհի դե Պոմպադուրին։ Այս ամրոցում է Բոմարշեն գրել իր «Անմիտ օր կամ Ֆիգարոյի ամուսնությունը» պիեսը։

19-րդ դարի վերջերին քաղաքում՝ Էդուարդ Մանեի և Գյուստավ Կայբոտի ընտանիքներում են հյուրընկալվել իմպրեսիոնիստ շատ նկարիչներ՝ Պոլ Սեզանը, Կլոդ Մոնեն, Բերտա Մորիզոն, Օգյուստ Ռենուարը, Ալֆրեդ Սիսլեյը, ինչի շնորհիվ էլ Ժենվիլյեն, ինչպես նաև մոտակա Արժանտյոն պատկերվել են շատ կտավներում։

Ժենվիլյեի արդյունաբերական զարգացումը սկսվեց միայն 20-րդ դարի սկզբին։ 1909 թվականին այնտեղ կառուցված երկաթուղին քաղաքը դարձրեց արդյունաբերական կենտրոն։