Ժակ Կալլո

Ժակ Կալլո; ֆր.՝ Jacques Callot
Ի ծնե	Jacques Callot
Ծնվել է	մարտի 25, 1592
Ծննդավայր	Նանսի, Լոթարինգիա
Վախճանվել է	մարտի 25, 1635 (43 տարեկան) կամ մարտի 24, 1635 (42 տարեկան)
Մահվան վայր	Նանսի, Լոթարինգիա
Քաղաքացիություն	Լոթարինգիա
Մասնագիտություն	նկարիչ-փորագրող, նկարիչ, օֆորտանկարիչ և գծանկարիչ
Ուշագրավ աշխատանքներ	Les Grandes Misères de la guerre?
Մեկենասներ	Կոզիմո II Մեդիչի
Ուսուցիչ	Ֆիլիպ Թոմասին, Ժակ Բելանժ և Israël Henriet?
Աշակերտներ	François Collignon?
	Jacques Callot Վիքիպահեստում

Ժակ Կալլո (ֆր.՝ Jacques Callot մարտի 25, 1592(1592-03-25)^[1], Նանսի, Լոթարինգիա^[2] - մարտի 25, 1635(1635-03-25)^[3]^[4]^[5] կամ մարտի 24, 1635(1635-03-24)^[1], Նանսի, Լոթարինգիա^[2]), ֆրանսիացի նկարիչ, օֆորտի վարպետ։ Ստեղծագործել է մաներիզմի ոճով։

Կենսագրություն

Ժակ Կալլոն ծնվել է 1592 կամ 1593 թվականներին Նանսիում՝ Լոթարինգիայի մունետիկ Ժան Կալլոյի բազմանդամ ընտանիքում։ Վաղ մանկությունից շատ է սիրել նկարչություն, փորձել է ընդօրինակել այն ամենը, ինչ տեսել է փողոցում։ 1609 թվականին ոտքով գնացել է Հռոմ, ըստ մի վարկածի՝ թափառական գնչուների հետ։ Սկզբում սովորել է Ֆլորենցիայում, նկարիչ Ռեմիջո Կանտագալայի մոտ, իսկ հետո՝ Հռոմում հայտնի վարպետ Անտոնյո Տեմպեսայի մոտ, որտեղ երիտասարդ նկարիչը յուրացրել է օֆորտի արվեստը։ 1611 թվականից սկսել է աշխատել Ֆլորենցիայում, որտեղ 1612 թվականին սկսել է սովորել Ջուլի Պարիջի արվեստանոցում։ Կալլոյի արվեստը նրան ճանաչվածություն է բերում. ֆրանսիացի նկարիչն աշխատում է Մեդիչիների արքունիքում։ 1617 թվականին Կալլոն հայտնագործում է թթվակայուն լաքի նոր տեսակ, որը թույլ է տալիս էապես փոփոխել ու կատարելագործել տեխնիկական փորագրությունը։

1621 թվականին մահանում է Կալլոյի ֆլորենցիական հովանավորը՝ Կոզիմո II Մեդիչին, և նկարիչը հետ է վերադառնում Ֆրանսիա։ 1627—1629 թվականներին նա ճանապարհորդում է Հոլանդիայում, 1629-1631 թվականներին ապրում է Փարիզում։ Կալլոյի բոլոր ճանապարհորդությունները արձագանք են գտնում նրա ստեղծագործությունների մեջ. նա պատկերում է Լոթարինգիայի, Իտալիայի, Ֆրանսիայի մարդկանց դեմքեր և կերպարներ, ստեղծում է զինվորականների, կրկեսի դերասանների, մուրացկանների, դերասանների և այլ մարդկանց դիմանկարներ։

Լյուդովիկոս 13-րդը նրան բարձր վարձատրվող աշխատանք է առաջարկում, բայց նկարիչը հրաժարվում է (ըստ մի վարկածի՝ նա որպես հայրենասեր լոթարինգացի, չի կարողանում ներել թագավորին այն փաստը, որ Ռիշելյեի զորքերն այդ ժամանակ պաշարել էին հերցոգությունը)։

Կալլոն մահացել է 1635 թվականի մարտի 28-ին ծննդավայր Նանսիում։

Նրա ազգականն է եղել Կլոդ Կալոն (մոտ 1620-1687)՝ երեք լեհական թագավորների՝ Յան 2-րդ Կազմիր, Միխայել Կորիբուտ Վիշնեևցկի և Յան 3-րդ Սոբեսկին պալատական նկարիչը։

Ստեղծագործություններ

«Պատերազմի մեծ աղետները» շարք
«Իտալական թատրոնի կերպարներ» շարք
«Քմահաճույք» 1617, 1613 շարք
«Բալլի» 1622 շարք
«Անառակ որդու կյանքը» շարք
«Գոբբի» շարք
«Ամիսներ» շարք
«Գնչուներ» շարքը
«Լոթարինգյան ազնվականություն» շարք
«Մուրացկաններ» շարք
«Երեք Պանտալոն» շարք
«10 իտալական բնապատկեր» շարք

Ճանաչում

Կալլոյի ստեղծագործությունները չափազանց հայտնի էր ռոմանտիկների շրջանում, նրա ոճի «ֆանտազիաների» մասին գրել են Հոֆմանը, Ա. Բեռտրանը և ուրիշները։

Ծանոթագրություններ

↑ ^1,0 ^1,1 ^1,2 ^1,3 ^1,4 https://www.museabrugge.be/collection/work/id/0000_GRO1772_II
↑ ^2,0 ^2,1 ^2,2 ^2,3 ^2,4 ^2,5 Deutsche Nationalbibliothek Record #11851850X // Gemeinsame Normdatei (գերմ.) — 2012—2016.
↑ ^3,0 ^3,1 ^3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^4,0 ^4,1 ^4,2 Russell H. D. Callot, Jacques // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T013207
↑ ^5,0 ^5,1 ^5,2 Կերպարվեստի արխիվ

Հղումներ

Վիքիպահեստն ունի նյութեր, որոնք վերաբերում են «Ժակ Կալլո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 177)։

[_09b15c950910bb4f-1] 1,0 ^1,1 ^1,2 ^1,3 ^1,4 https://www.museabrugge.be/collection/work/id/0000_GRO1772_II

[_80094643d9ca104b-2] 2,0 ^2,1 ^2,2 ^2,3 ^2,4 ^2,5 Deutsche Nationalbibliothek Record #11851850X // Gemeinsame Normdatei (գերմ.) — 2012—2016.

[_dc35c7cd9ae2b7d6-3] 3,0 ^3,1 ^3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_3ba362bdb7dbbb91-4] 4,0 ^4,1 ^4,2 Russell H. D. Callot, Jacques // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T013207

[_3cbfa5a3e237389f-5] 5,0 ^5,1 ^5,2 Կերպարվեստի արխիվ

[1]

[2]

[3]

[4]

[5]