Դևիդ Միլլեր
| Դևիդ Միլլեր | |
|---|---|
 | |
| Հիմնական տվյալներ | |
| Բնօրինակ անուն | David Miller |
| Ի ծնե անուն | Դևիդ Միլլեր անգլ.՝ David Miller |
| Ծնվել է | ապրիլի 14, 1973[1] (51 տարեկան) Սան Դիեգո, Կալիֆոռնիա, ԱՄՆ |
| Երկիր |  ԱՄՆ |
| Ժանրեր | Օպերա, Փոփ |
| Մասնագիտություն | |
| Երգչաձայն | տենոր |
| Գործիքներ | electronic drum?, Տրոմբոն, դաշնամուր և վոկալ |
| Լեյբլ | Syco Music և Sony BMG |
| Կրթություն | Օրբերլինի կոնսերվատորիա և Heritage High School? |
| Անդամակցություն | Իլ Դիվո |
| Կայք | ildivo.com/uk/band/david |
 David Miller (tenor) Վիքիպահեստում | |
Դևիդ Միլլեր (անգլ.՝ David Miller, ապրիլի 14, 1973[1], Սան Դիեգո, Կալիֆոռնիա, ԱՄՆ), ամերիկացի տենոր, օպերային և փոփ ժանրերի կատարող, Il Divo խմբի չորս մենակատարներից մեկը։
Կենսագրություն[խմբագրել | խմբագրել կոդը]
Կյանքի վաղ տարիներ[խմբագրել | խմբագրել կոդը]
Դևիդ Միլլերը ծնվել է 1973 թվականի ապրիլի 14֊ին Կալիֆորնիայի հարավում գտնվող Սան Դիեգո քաղաքում, սակայն նրա մանկությունը (սկսած 8 տարեկանից) անցել է Կալիֆորնիա նահանգի Լիթելթոն քաղաքում։ 1991 թվականին ավարտել է Լիթելթոնի Heritage High School (Littleton, Colorado)[2][3]։ Ուսանելու տարիներին մասնակցել է դպրոցական բեմադրություններին (Ռուստեր «Էննի»֊ում և Նոյ «Two by Two» մյուզիքլում)։ Ավարտելուց հետո ընդունվել է Oberlin Conservatory of Music (Օբերլին Օբերլին, Օհայո), որն ավարտել է գերազանցությամբ[3], վոկալ և օպերային թատրոն ուղղությամբ։
Գործունեության սկիզբ[խմբագրել | խմբագրել կոդը]
Երաժշտական կրթություն ստանալուց հետո Դևիդը մասնակցել է օպերային և երաժշտական ներկայացումների (ընդհանուր 45 դեր)[3], կազմակերպված այդ ոլորտում աշխատող ամերիկյան կազմակերպությունների կողմից՝ կատարելով Մանոն օպերայում ասպետ դե Գրիեյի, «Ռոմեո և Ջուլիետ»֊ում Ռոմեոյի, «Կախարդական սրինգ»֊ում Տամինոյի և «Տրավիատա»֊ում Ալֆրեդոյի դերերգերը, ինչպես նաև գլխավոր դերը «Վերտեր»֊ում[4]։
1998 թվականին Los Angeles Opera ընկերության հետ միասին մասնակցել է շրջագայությունների Չիլիում, որտեղ կատարել է Տիբալտի դերերգը Բելլինիի «Կապուլետներ և Մոնտեկիներ» օպերայից։
Մուտքը համաշխարհային հարթակ[խմբագրել | խմբագրել կոդը]
2000 թվականին տեղի ունեցավ Դևիդ Միլլերի առաջնախաղը համաշխարհային բեմում։ Նա կատարեց Թոնիի դերերգը «Վեսթսայդյան պատմություն» մյուզիքլում, Միլանի Լա Սկալա թատրոնում[4]։ 2000֊ական թվականների սկզբին հանդես եկավ Լա Սկալա թատրոնի բեմում, մասնավորապես Մարկո Տուտինոյի «Վիտա» օպերայի համաշխարհային պրեմիերայում (ինչպես նաև կատարել է դերեր Բրոդվեյի, Պիտսբուրգի և Ֆլամանդական օպերային թատրոններում։ Հատկապես մեծ հաջողություն էր վայելում Պուչինիի «Բոհեմ» օպերայում նրա ստեղծված Ռոդոլֆոյի կերպարը (Բազա Լուրմանի բեմադրությամբ)[3][4]։
Il Divo խմբի կազմում[խմբագրել | խմբագրել կոդը]
2003 թվականի դեկտեմբերին Դևիդը անցնելով նախնական ընտրությունը՝ դարձավ համաշխարհային Il Divo քառյակի անդամ։ 2004 թվականին դուրս եկավ խմբի դեբյուտային ալբոմը («որը անվանվեց հենց Il Divo»)[5]՝ ստանալաով լայն տարածում։ Մեկ տարի անց լույս տեսավ նրանց երկրորդ «Ancora» ալբոմը՝ զբաղեցնելով ԱՄՆ֊ի, Կանադայի, Ավստրիայի, Նոր Զելանդիայի, Արևմտյան Եվրոպայի և շատ այլ երկրների չարթերի առաջին հորիզոնականը։
2007 թվականին, ընդունելով մասնակցել համերգին Chicago Pops Orchestra֊ի հետ, Դևիդը դադար վերցրեց քառյակի համաշխարհային շրջագայություններից[6], կատարելով օպերային արիաների, հայտնի երգերի և ծննդյան հիմների շարք։
Անձնական կյանք[խմբագրել | խմբագրել կոդը]
2009 թվականին ամուսնացել է ամերիկյան օպերային երգչուհի Սառա Ջոյ Կաբանուկի (անգլ.՝ Sarah Joy Kabanuck) հետ, մինչ ամուսնությունը նրանք հանդիպել են 6 տարի[7][8]։ Երեխաներ չունի։ Ապրում է Նյու Յորքում ՝ ԱՄՆ֊ում[3]։
Դիսկագրություն[խմբագրել | խմբագրել կոդը]
.jpg)
- Բոհեմ (2002 թվական)
- Il Divo (Il Divo֊ի կազմում, 2004 թվական)
- Ancora ((Il Divo֊ի կազմում, 2005 թվական)
- The Christmas Collection ((Il Divo֊ի կազմում, 2005 թվական)
- Voices from the FIFA World Cup ((Il Divo֊ի կազմում, 2006 թվական)
- Siempre ((Il Divo֊ի կազմում, 2006 թվական)
- The Promise ((Il Divo֊ի կազմում, 2008 թվական)
- An Evening with Il Divo - Live in Barcelona ((Il Divo֊ի կազմում, 2009 թվական )
- Wicked Game ((Il Divo֊ի կազմում, 2011 թվական)
- Live in London ((Il Divo֊ի կազմում, 2011 թվական, DVD)
- The Greatest Hits Deluxe Edition ((Il Divo֊ի կազմում, 2012 թվական )
- A Musical Affair ((Il Divo֊ի կազմում, 2013 թվական)
- Amor & Pasión ((Il Divo֊ի կազմում, 2015 թվական)
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Broadway Database — 2000.
- ↑ «Heritage High School» (անգլերեն). Public School Review. Արխիվացված օրիգինալից 2012 թ․ հուլիսի 29-ին. Վերցված է 2011 թ․ ապրիլի 26-ին.
- ↑ 3,0 3,1 3,2 3,3 3,4 «Биография». Il Divo (русский фан-сайт). Արխիվացված օրիգինալից 2012 թ․ հուլիսի 29-ին. Վերցված է 2011 թ․ ապրիլի 26-ին.
- ↑ 4,0 4,1 4,2 «Biografía David Miller» (իսպաներեն). Il Divo (spanish website). Արխիվացված է օրիգինալից 2012 թ․ հուլիսի 29-ին. Վերցված է 2011 թ․ ապրիլի 26-ին.
- ↑ «Il Divo - Il Divo» (անգլերեն). AllMusic. Արխիվացված օրիգինալից 2012 թ․ հուլիսի 29-ին. Վերցված է 2011 թ․ ապրիլի 26-ին.
- ↑ Amy Wooten (2007 թ․ դեկտեմբերի 19). «Il Divo's David Miller: Divine Intervention» (անգլերեն). Windy City Times. Վերցված է 2011 թ․ ապրիլի 26-ին.
- ↑ «Il Divo Singer David Miller Going to Walk Down the Aisle Soon» (անգլերեն). CelebrityMania. 2009 թ․ ապրիլի 17. Արխիվացված է օրիգինալից 2009 թ․ ապրիլի 29-ին. Վերցված է 2017 թ․ հունվարի 29-ին.
{{cite news}}: Unknown parameter|accessda te=ignored (օգնություն) - ↑ Ulrica Wihlborg (2009 թ․ օգոստոսի 8). «Il Divo's David Miller Ties the Knot» (անգլերեն). People. Արխիվացված է օրիգինալից 2009 թ․ օգոստոսի 12-ին. Վերցված է 2013 թ․ հունվարի 22-ին.
Արտաքին հղումներ[խմբագրել | խմբագրել կոդը]
- «David of Il Divo» (անգլերեն). The Official Il Divo Site. Արխիվացված օրիգինալից 2012 թ․ մայիսի 13-ին. Վերցված է 2012 թ․ հունվարի 8-ին.
- «DAVID MILLER» (անգլերեն). Wordpress.com. Արխիվացված օրիգինալից 2013 թ․ փետրվարի 3-ին. Վերցված է 2013 թ․ հունվարի 22-ին.
- Դևիդ Միլլեր Թվիթթերում
 | Վիքիպահեստն ունի նյութեր, որոնք վերաբերում են «Դևիդ Միլլեր» հոդվածին։ |
| ||||||||||||||
