Գալաթասարայի վարժարան

Վիքիպեդիայից՝ ազատ հանրագիտարանից
Jump to navigation Jump to search
Գալաթասարայի վարժարան
Galatasaray Lisesi logo.svg
Galatasaray lisesi schoolyard.jpg
Տեսակմիջնակարգ դպրոց և ավագ դպրոց
Հիմնադրված է1481
ՀիմնադրիրԲայազիդ II
ԵրկիրFlag of Turkey.svg Թուրքիա
ՏեղագրությունՍտամբուլ
Կայքgsl.gsu.edu.tr
Կոորդինատներ: 41°1′58.000800100002″ հս․ լ. 28°58′42.999600100003″ ավ. ե. / 41.03277800002777553° հս․. լ. 28.97861100002777945° ավ. ե. / 41.03277800002777553; 28.97861100002777945
Գալաթասարայի վարժարանը գտնվում է Թուրքիաում
Գալաթասարայի վարժարան

Գալաթասարայի վարժարան (թուրք.՝ Galatasaray Lisesi), էլիտար ուսումնական հաստատություն Ստամբուլի Գալաթա թաղամասում: 

Գալաթասարայի պալատական դպրոցը բացվել է 1481 թվականին Բայազիդ II սուլթանի հրամանով: Սկզբնական շրջանում կոչվել է Գալաթայի պալատի կայսերական դպրոց (թուրք.՝ Galata Sarayi Enderun-u Hümayunu) կամ Էնդերուն: 1886 թվականին վարժարանում սկսվել է կիրառվել ֆրանսիական կրթական համակարգը, և վարժարանը վերանվանվել է Գալաթասարայի սուլթանական դպրոց (թուրք.՝ Galatasaray Mekteb-i Sultani):

Վարժարանը գտնվում է Գալաթասարայի հրապարակում՝ Ստամբուլի Բեյօղլու շրջան Գալաթա թաղամասում, Բոսֆորի եվրոպական հատվածում: Նախկինում վարժարանի շենքում տեղակայված է եղել Ստամբուլի բժշկական քոլեջը: Վարժարանը բաժանված է երեք բակերի, որոնք նախատեսված են կրտսեր, միջին և բարձր դասարանների համար: Վարժարանը ունի իր համամը (մուսուլմանական բաղնիք) և հիվանդանոցը: Սուլթանական տարիներին վարժարանում կիրառվել է ֆրանսիական կրթական համակարգը: Բացի լատիներեն և հունարեն լեզուներից, այստեղ սովորել են նաև թուրքերեն, հայերեն, արաբերեն, պարսկերեն, ֆրանսերեն, գերմաներեն, իսպաներեն, անգլերեն և իտալերեն: Վարժարանում, բացի թուրքերից և ֆրանսիացիներից, դասավանդել են նաև հույներ և հայեր: Վարժարանում աշակերտները սնվել են, ունեցել են համազգեստ, ստացել են հիգիենայի պարագաներ, դասագրքեր և գրենական այլ պիտույքներ: Հանրապետական Թուրքիայի հռչակումից հետո, վարժարանը ստացել է իր ներկայիս անվանումը: 1968 թվականից սկսած այստեղ սկսել են սովորել նաև աղջիկները: Ներկայումս նրանք կազմում են աշակերտների 40%-ը: 1992 թվականին Ֆրանսիայի կառավարության օժանդակությամբ վարժարանի հենքի վրա բացվել է Գալաթասարայի համալսարանը: Ներկայումս վարժարանը և համալսարանը դիտարկվում են որպես մեկ ուսումնական կոմպլեքս:

Հայտնի շրջանավարտներ և ուսուցիչներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]