Չեթին Էմեչ
| Չեթին Էմեչ թուրքերեն՝ Çetin Emeç | |
|---|---|
 | |
| Ծնվել է | 1935 |
| Ծննդավայր | Ստամբուլ, Թուրքիա |
| Մահացել է | մարտի 7, 1990 |
| Մահվան վայր | Ստամբուլ, Թուրքիա |
| Գերեզման | Զինջիրլիքույու գերեզմանատուն |
| Քաղաքացիություն |  Թուրքիա |
| Մայրենի լեզու | թուրքերեն |
| Կրթություն | Ստամբուլի համալսարանի իրավաբանական ֆակուլտետ և Գալաթասարայի վարժարան |
| Մասնագիտություն | լրագրող |
| Երեխաներ | Mehveş Emeç? |
 Çetin Emeç Վիքիպահեստում | |
Չեթին Էմեչ (թուրքերեն՝ Çetin Emeç, 1935, Ստամբուլ, Թուրքիա - մարտի 7, 1990, Ստամբուլ, Թուրքիա), թուրք լրագրող։
Կենսագրություն[խմբագրել | խմբագրել կոդը]
Չեթին Էմեչը ծնվել է Սելիմ և Ռաբի Էմեչների ընտանիքում։ Սելիմ Էմեչը համարվում է Թուրքիայի դեմոկրատական կուսակցության հիմնադիրներից մեկը։ Բացի Չեթինից, ընտանիքը ուներ ևս երեք երեխա՝ Զեյնեփը և Լեյլան, ինչպես նաև որդին՝ Այդընը[1]։
Չեթին Էմեչը ավարտել է Գալաթասարայի վարժարանը[2]։ Սովորել է Ստամբուլի համալսարանի իրավագիտության ֆակուլտետում։ 1952 թվականից աշխատել է հորը պատկանող «Son Posta» ամսագրում՝ որպես լրագրող։ 1960 թվականին տեղի ունեցած պետական հեղաշրջումից հետո, Սելիմ Էմեչը բանտարկվել է՝ տապալված կառավարությանը օգնելու համար, իսկ Չեթին Էմեչը գլխավորել է թերթի խմբագրությունը[3]։
Ընդհուպ մինչև 1972 թվականը աշխատել է «Hayat» և «Ses» թերթերում։ 1972- 1984 թվականներին եղել է «Hürriyet» օրաթերթի խմբագիր։ 1984 թվականին անցել է աշխատանքի «Milliyet-ում», սակայն 1986 թվականին ետ է վերադարձել «Hürriyet»՝ դառնալով տնօրենների խորհրդի անդամ[4]։
1990 թվականի մարտի 7-ի առավոտյան, երբ Չեթինը նստել էր իր ավտոմեքենան, որ գնա աշխատանքի, դիմակներով և արևային ակնոցներով երկու մարդ, ատրճանակով կրակ են բացել ավտոմեքենայի ուղղությամբ։ Չեթին Էմեչի վարորդը փորձել է մեքենայից փախչել, սակայն նույնպես ընկել է կրակոցներից[5][6]։
Չեթին Էմեչի մարմնում հայտնաբերվել է 7 փամփուշտ[7]։ Նա մահացել է հիվանդանոցի ճանապարհին։ Վարորդը մահացել է դեպքի վայրում[8]։
Թաղված է Զինջիրլիքույու գերեզմանատանը։ Նրա սպանության գործը մինչ օրս չի բացահայտվել[6]։
Չեթին Էմեչի պատվին անվանվել է ֆուտբոլային մարզադաշտ[9], որը տեղակայված է Ստամբուլի Բայրամփաշա շրջանում։ Նրա պատվին են անվանվել նաև մի քանի փողոցներ։
Ծանոթագրություններ[խմբագրել | խմբագրել կոդը]
- ↑ Genel yayın yonetmeni: Çetin Emeç (1935-1990) (Turkish)։ Doğan Kitap։ 2005։ էջ 222։ ISBN 9789752933217։ Վերցված է 2011-03-06(չաշխատող հղում)
- ↑ Özemre, Ahmed Yüksel (2006)։ Galatasarayı Mekteb-i Sultânî'sinde sekiz yılım (Turkish)։ էջ 340։ Վերցված է 2011-03-06
- ↑ Çetiner, Yılmaz (2006)։ Nefes nefese bir ömür: anı-biyografi (Turkish)։ Epsilon։ էջ 688։ ISBN 9789753317764։ Վերցված է 2011-03-11
- ↑ Saktanber, Ayşe (2002)։ Living Islam: women, religion and the politicization of culture in Turkey։ էջ 277։ Վերցված է 2011-03-06
- ↑ Barutçu, İrem (2004)։ Babıâli tanrıları: Simavi ailesi (Turkish)։ Agora Kitaplığı։ էջ 293։ Վերցված է 2011-03-06
- ↑ 6,0 6,1 «Çetin Emeç anıldı»։ Haber Türk (Turkish)։ 2010-03-07։ Վերցված է 2011-03-06
- ↑ Ağaoğlu, Adalet (2007)։ Damla damla günler: 1983-1996 (Turkish)։ Türkiye İş Bankası։ էջ 633։ ISBN 9789944880862։ Վերցված է 2011-03-06
- ↑ Cumhuriyet: Yıllık (Turkish)։ էջեր 7–9։ Վերցված է 2011-03-06
- ↑ «Bayrampaşa SK» (Turkish)։ Türkiye Futbol Federasyonu։ Վերցված է 2011-03-06
|
- 1935 ծնունդներ
- Ստամբուլ քաղաքում ծնվածներ
- Մարտի 7 մահեր
- 1990 մահեր
- Ստամբուլ քաղաքում մահացածներ
- Զինջիրլիքույու գերեզմանատանը թաղվածներ
- Ստամբուլի համալսարանի իրավագիտության ֆակուլտետի շրջանավարտներ
- Գալաթասարայի վարժարանի շրջանավարտներ
- Անձինք այբբենական կարգով
- Թուրք լրագրողներ
- Ստամբուլում ծնված գրողներ
- Թուրք սյունակագիրներ
- Թուրքիայում սպանված անձինք
- Թուրքիայում հրազենից մահացածներ
- Թուրքիայում սպանված լրագրողներ
- 20-րդ դարի լրագրողներ