Արունաչալ Պրադեշ (հինդի՝ अरुणाचल प्रदेश — արունա՛չալ պրադե՛շ), նահանգ Հնդկաստանի արևելքում։ Տարածքը կազմում է 83.743 կմ², իսկ բնակչությունը՝ 1,4 մլն. մարդ։ Մայրաքաղաքն է Իտանագարը։ Այս նահանգը հանդիսանում է Հնդկաստանի և Չինաստանի միջև տարածքային վեճի առարկա (Չինաստանը տարածքային պահանջներ է ներկայացնում նահանգի նկատմամբ։ «Արունաչալ Պրադեշ» անվանումը ծագում է Սանսկրիտից և թարգմանաբար նշանակում է «Լուսաբացի լեռների երկիր»։ Հաճախ երկրամասը անվանվում է նաև «Արևածագի երկիր»։
2011 թ. հնդկական մարդահամարի տվյալներով Արունաչալ Պրադեշում ապրում է ▲1 383 727 մարդ (2011)[1]։ Բնակչության քանակով սա Հնդկաստանի երրորդ ամենափոքր շրջանն է, իսկ բնակչության խտությամբ՝ (17 մարդ՝ քկմ) ամենափոքրը (Հնդկաստանում բնակչության միջին խտությունը կազմում է 382 մարդ՝ քկմ)[2]։
Արունաչալ Պրադեշում ապրող ժողովուրդների մեծամասնությունը մինչև 20-րդ դարը գիր չեն ունեցել, այդ իսկ պատճառով առկա չեն գրավոր աղբյուրներ։ Միայն Հյուսիս-արևմուտքում գտնվող և Տիբեթից ազդված Թավանգ շրջանի Մոնբա ցեղն է, որը, որպես փոքր իշխանություն, որոշ ավանդույթներ ունի։
Հնդկաստան
