Աշխալա (Աշխալա, վրացերեն՝ აშკალა), հայաբնակ գյուղ Վրաստանի Քվեմո Քարթլիի մարզի Ծալկայի շրջանում։ Գտնվում է Թրիալեթի լեռնաշղթայի հարավային լանջին, Ծալկայից 32 կմ հյուսիս-արևելք, ծովի մակարդակից 1700 մ բարձրության վրա։
Բնակիչներն զբաղվում են հացահատիկի մշակությամբ, բանջարաբուծությամբ, անասնապահությամբ և թռչնաբուծությամբ։ 2014 թվականի տվյալներով, գյուղն ուներ 960 բնակիչ[1], հիմնականում հայեր։
Գյուղում կա միջնակարգ դպրոց, ակումբ, գրադարան, բուժկետ։
Աշկալան հիմնադրել են Էրզրումի վիլայեթից գաղթած հայերը` 1830 թվականին։
Վրաստան
