Խաչգյուղ (վրացերեն՝ ხაჩკოი), հայաբնակ գյուղ Վրաստանի Քվեմո Քարթլիի մարզի Ծալկայի շրջանում[1], Ծալկայից 40 կմ հյուսիս-արևմուտք։ Գտնվում է ծովի մակարդակից 1880 մ բարձրության վրա։
Համաձայն 2014 թվականի տվյալների, գյուղն ուներ 554 բնակիչ[2], հիմնականում հայեր, ովքեր զբաղվում են հացահատիկային բույսերի մշակությամբ, բանջարաբուծությամբ և անասնապահությամբ։ Խորհրդային տարիներին գյուղն անտառտնտեսություն էր։
Գյուղն ունի միջնակարգ դպրոց, մանկապարտեզ, բուժկայան, անասնաբուժական կայան։
Գյուղը հիմնադրել են Էրզրումի նահանգի Աշկալա և այլ գյուղերից եկած հայերը` 1837-1845 թվականներին։
Խաչգյուղի շրջակայքում պահպանվել են միջնադարյան եկեղեցի, խաչքարեր և գյուղատեղիներ։
Վրաստան
