Այծ

Այծ (լատին․՝ Capra hircus), առաջին ընտանի կենդանիներից։ Մերձավոր Արևելքում ընտելացվել է 9000 տարի առաջ։ Ընտանի այծի նախնին վայրի բեզոարյան այծն է (Capra hircus aegagrus) և մինչ օրս հանդիպում են հունական կղզիներում, Հայկական լեռնաշխարհում, Հարավ-արևելյան Ասիայի և Կենտրոնական Ասիայի տարածքներում։

Նկարագրություն

Էգ և արու այծերի մեծամասնությունը ունի մորուք, իսկ մարմինը ծածկված է մազերով։ Դրա երկարությունը և որակը կախված է ցեղատեսակից։ Օրինակ անգորական այծի մորթին երկար է և փափուկ, իսկ Քաշմիրը հայտնի է իր հաստ փափկափետուր մորթով։ Մորթու գույնը տատանվում է սպիտակից մուգ շագանակագույն, սև։ Ունի եղջյուրներ։

Ենթատեսակ

Ներառում է 6 ենթատեսակ^[1]։

Բեզոարյան այծ (Capra hircus aegagrus)- տարածված է Հայաստանում, Փոքր Ասիայում և Աֆղանստանում։
Չիլտանական այծ (Capra hircus chialtanensis)- ապրում է Պակիստանում։ Գտնվում է ոչնչացման ծանր սպառնալիքի տակ, պահպանվել է միայն 500 անհատ։
Կռի-կռի (Capra hircus cretica)- հանդիպում է Կրետե կղզում և հարակից կղզիներում։
Capra hircus hircus- Հիմնական, տարածված ձևը, որը հանդիպում է ողջ աշխարհում։
Capra hircus jourensis- հանդիպում է հյուսիսային Սպորադներում։
Capra hircus picta- ապրում է Կիկլադական կղզու տարածքում։