Ագոստինո Կարաչի

Վիքիպեդիայից՝ ազատ հանրագիտարանից
Jump to navigation Jump to search
Ագոստինո Կարաչի
իտալ.՝ Agostino Carracci
Carracci Self-portrait.jpg
Ծնվել էօգոստոսի 16, 1557
ԾննդավայրԲոլոնյա, Պապական մարզ[1]
Վախճանվել էմարտի 22, 1602(1602-03-22)[2][3][4] (44 տարեկանում)
Մահվան վայրՊարմա, Պարմայի դքսություն
Ազգությունիտալացի
ՔաղաքացիությունՊապական մարզ
Մասնագիտություննկարիչ, փորագրիչ և գծանկարիչ
Ժանրպատմական գեղանկարչություն և դիմապատկեր
Ուշագրավ աշխատանքներAnnunciation?, The Last Communion of St Jerome? և Triple Portrait of Arrigo, Pietro and Amon?
ՈւսուցիչDomenico Tibaldi?, Prospero Fontana? և Բարտոլոմեո Պասերոտի
ԱշակերտներGiovanni Lanfranco? և Անտոնիո Մարցիալե Կարաչի
ԶավակներԱնտոնիո Մարցիալե Կարաչի
Agostino Carracci Վիքիպահեստում

Ագոստինո Կարաչի (իտալ.՝ Agostino Carracci, օգոստոսի 16, 1557, Բոլոնյա, Պապական մարզ[1] - մարտի 22, 1602(1602-03-22)[2][3][4], Պարմա, Պարմայի դքսություն), իտալացի նկարիչ և փորագրիչ, նկարիչ Անիբալե Կարաչիի եղբայրը:

Կենսագրություն[խմբագրել | խմբագրել կոդը]

Ագոստինոն պատրաստվում էր դառնալ ոսկերիչ, սակայն հետևելով իր հորեղբոր որդու՝ Լոդովիկո Կարաչիի խորհրդին, դառնում է նկարիչ։ Լոդովիկոն մեծ ազդեցություն է ունեցել Ագոստինոյի` նկարիչ կայանալու գործում։ Բացի այդ, նա սովորել է գեղանկարչություն է Պրոսպերո Ֆոնտանայի, Բարտոլոմեո Պասերոտիի, Դոմենիկո Տիբալդիի մոտ, ճանապարհորդել է Լոմբարդիա, այցելել Վենետիկ։ Շատ կարդացած լինելով` նա Կարաչի եղբայրների կողմից կազմակերպված «Ճշմարիտ ուղով ընթացողների ակադեմիայում» (իտալ.՝ Academia degli Incamminati) վարել է արվեստի տեսության մասին դասախոսություններ: Նրա փոքրաքանակ գեղանկարչական աշխատանքները (դրանցից լավագույններն են Հռոմի Պալացցո Ֆարնեզեի ֆրեսկոները, որոնք նա նկարել է եղբոր` Անիբալե Կարաչիի հետ, «Սբ. Իերոնիմայի հաղորդությունը» և «Տիրամոր համբարձումը»` Բոլոնիայի ազգային պատկերասրահում) տարբերվում են նկարի ճշգրտությամբ և պայծառ, լուսավոր երանգավորմամբ:

Ագոտինոն ավելի հայտնի փորագրիչ էր, քան իր եղբայր Անիբալեն: Ընդօրինակելով Կորտ Կորնելիսին` նա վարպետացել է փորագրության մեջ: Նրա առավել հայտնի փորագրություններից են` «Խաչելություն» (Տինտորետտոյի հետ, 1589 թվական), «Էնեաս և Անխիս» (Բարոչչինոյի հետ, 1595 թվական), «Աստվածամայրը մանուկի հետ» (Կորեջիոյի հետ), «Սբ. Անտոն Մեծի գայթակղությունը», «Սբ. Հիերոնիմոս» (Տինտորետտոյի հետ), ինչպես նաև` որոշ փորագրություններ իր սեփական աշխատանքներից: Ագոստինո Կարաչին ճանաչում է ձեռք բերել էրոտիկ բնույթի իր փորագրությունների շնորհիվ, նկարազարդելով Արետինոյի այսպես կոչված «Դիրքերը»:

Ագոստինո Կարաչիի էրոտիկ փորագրություններ[խմբագրել | խմբագրել կոդը]

Պատկերասրահ[խմբագրել | խմբագրել կոդը]

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]