Շառլ Օգյուստեն Կուլոն
| Շառլ Օգյուստեն Կուլոն | |
|---|---|
 ֆրանսիացի ֆիզիկոս |
|
| Բնագիր ԱԱՀ՝ | Charles-Augustin de Coulomb |
| Ծննդյան օր՝ | հունիս 14, 1736 |
| Ծննդավայր՝ | Անգուլեմ, Ֆրանսիա |
| Վախճանի օր՝ | օգոստոս 23, 1806 |
| Վախճանի վայր՝ | Փարիզ, Ֆրանսիա |
Շառլ Օգյուստեն Կուլոն (Ծոուլոմբ) (հունիս 14, 1736, Անգուլեմ - օգոստոս 23, 1806, Փարիզ), ֆրանսիացի ֆիզիկոս։ Փարիզի ԳԱ անդամ (1781)։ Հետազոտել է մազերի, մետաքսաթելերի (1777) և մետաղալարերի (1784) ոլորումը և ձևակերպել այդ երևույթի օրենքները։ Հնարել է ոլորակշեռքը, որը հետագայում կիրառել է կետային էլեկտրական լիցքերի և մագնիսական բևեռների փոխազդեցությունը ուսումնասիրելու համար (Կուլոնի օրենք)։ 1781-ին նկարագրել է սահքի և ճոճման շփման վերաբերյալ կատարած փորձերը, ձևակերպել չոր շփման օրենքները։ Ցույց է տվել, որ էլեկտրական լիցքերը բաշխվում են հաղորդիչի մակերևույթով, մուծել է մագնիսական մոմենտի և լիցքերի բևեռացման հասկացությունները։ Կուլոնի փորձարարական աշխատանքները կարևոր նշանակություն են ունեցել էլեկտրամագնիսական երևույթների տեսության ստեղծման համար։ Նրա անունով է կոչվում էլեկտրականության քանակի միավորը (կուլոն)։
[խմբագրել] Աղբյուր
- Հայկական սովետական հանրագիտարան
