Արման Ջուլհակյան
 |
Ուշադրություն։ Այս հոդվածի ստեղծողը կամ նրանում մեծ ներդրում ունեցող անձը, ըստ երևույթին, հետաքրքրությունների կոնֆլիկտ ունի հոդվածի առարկայի հետ։ Հոդվածը կարող է պահանջել մաքրում Վիքիպեդիայի քաղաքականությանը, հատկապես չեզոք տեսակետի պահանջը բավարարելու համար։ Հետագա քննարկումը քննարկման էջում։ |
| Արման Ջուլհակյան | |
|---|---|
 | |
| Ծնվել է | հուլիսի 24, 1979 |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Ազգություն | Հայ |
| Կրոն | քրիստոնյա |
| Կրթություն | Փանոս Թերլեմեզյանի անվան գեղարվեստի պետական ուսումնարան, Երևանի թատրոնի և կինոյի պետական ինստիտուտ |
| Մասնագիտություն | Բեմադրող ռեժիսոր, բալետմաստեր |
| Աշխատանք | Մայր Աթոռ Սուրբ Էջմիածնի և ՀԲԸՄ Նորքի հայորդյաց տան «Նարեկ» պարային դպրոցի գեղարվեստական ղեկավար |
| Գործունեություն | 1996 թվականից մինչ օրս |
| Ամուսին | Մելինե Առաքելյան |
| Ծնողներ | Հրաչ Ջուլհակյան, Աիդա Անդրեասյան |
| Պարգևներ և մրցանակներ | Գ. Նարեկացի հուշամեդալակիր |
| Երեխաներ | Դավիթ Ջուլհակյան, Նարեկ Ջուլհակյան |
| Կայք | |
 Arman Julhakyan Վիքիպահեստում | |
Արման Հրաչիկի Ջուլհակյան (հուլիսի 24, 1979, Երևան, Հայկական ԽՍՀ, ԽՍՀՄ), հայ բեմադրող ռեժիսոր, բալետմաստեր, «Նարեկ» պարային դպրոցի գեղարվեստական ղեկավար։
Կենսագրություն[խմբագրել | խմբագրել կոդը]
Արման Հրաչիկի Ջուլհակյանը ծնվել է 1979 թվականի հուլիսի 24-ին Երևանում։ 1986-1996 թվականներին սովորել է Երևանի Շահումյանի անվան թիվ 1 դպրոցում։ 1993-1997 թվականներին ընդունվել և ավարտել է Փանոս Թերլեմեզյանի անվան գեղարվեստի ուսումնարանը, 1997 թվականին ընդունվել է Երևանի թատրոնի և կինոյի պետական ինստիտուտի ռեժիսուրայի ֆակուլտետ, որն ավարտել է 2002 թվականին ավարտել՝ ստանալով «թատրոնի և կինոյի ռեժիսորի» որակավորում։ 2002 թվականին զորակոչվել է Հայաստանի պաշտպանության նախարարության «Սարդարապատ» պարային համույթ՝ որպես մենակատար։ 2004-2013 թվականներին պարել է Բարեկամություն Հայաստանի պարարվեստի պետական համույթում որպես առաջատար մենակատար։ Համույթի հետ միասին մեկնել է հյուրախաղերի՝
- Անգլիա (2005),
- Արաբական Միացյալ Էմիրություններ (2007),
- Ռուսաստանի Դաշնության մի շարք քաղաքներ։
1993-2000 թվականներին սովորել է Նորքի հայորդաց տան պարային դպրոցում և 2002 թվականից առ այսօր հանդիսանում է Մայր Աթոռ Սուրբ Էջմիածնի և ՀԲԸՄ Նորքի հայորդաց տան «Նարեկ» պարային դպրոցի գեղարվեստական ղեկավար։
Ստեղծագործական կյանք[խմբագրել | խմբագրել կոդը]
Իր գործունեության ընթացքում մեծ աշխատանք է կատարել հայ պարարվեստը սփյուռքում տարածելու և զարգացնելու ուղղությամբ։ 2002 թվականից առ այսօր Հայաստանում գործող «Discover Armenia» ծրագրով Հայաստան ժամանած երիտասարդներին ուսուցանում է հայկական պարարվեստը։
Հյուրախաղերով 2005 թվականին հայ պարը ներկայացրել է ԱՄՆ-ի Նյու Յորք, Վաշինգտոն, Բոստոն, Չիկագո, Վիրջինիա, որից հետո Կանադայի Մոնրեալ, Տորոնտո, Օտտավա քաղաքներում։ 2008-2013 թվականներին հրավիրվել է Նյու Յորք, Մոսկվա, Սանկտ Պետերբուրգ հայկական պարն ուսուցանելու[1]։ 2006 թվականին հյուրախաղերով հանդես է եկել Մոսկվայում։
2007 թվականին համերգներով կրկին մեկնել է Դալաս, Սան Ֆրանցիսկո, Լոս Անջելեսի տարբեր քաղաքներ՝ Սանտա Մոնիկա, Սանտա Բարբարա, Փասադենա, Հոլիվուդ։ Մասնակցել է նաև ԱՄՆում կայացած Հայաստան հիմնադրամի մարաթոն-դրամահավաքին։ 2011-2012 թվականներին հրավիրվել է աշխատելու՝ Դեթրոյթ, Նյու Յորք։ 2013 թվականին Մոսկվայում Կրեմլի համերգասրահում մասնակցել է Սայաթ-Նովայի 300-ամյակին նվիրված միջոցառմանը։
2014 թվականին իրականացրել է «Նարեկ» պարային համույթի 25-ամյակին նվիրված հոբելյանական համերգը, Հայաստանի մշակույթի նախարարության և ՀՀ ԿԳՆ-ի կողմից արժանացել Գրիգոր Նարեկացի հուշամեդալի։ 2016 թվականին Սփյուռքի նախարարության կողմից արժանացել է պատվոգրի՝ սփյուռքահայ երիտասարդների հետ մշտապես մշակութային աշխատանք իրականացնելու համար։
2015 թվականին Ֆրանսիայի ՀԲԸՄ-ի հետ համատեղ ստեղծվել է «Հավերժություն» ներկայացումը՝ նվիրված Մեծ Եղեռնի 100-ամյակին, որն առաջին անգամ ներկայացվել է Մարսելում[2]։ Նախագծի նախաձեռնողն է եղել ֆրանսիահայ ռեժիսոր, պրոդյուսեր Պատրիկ Մալաքյանը։
2016 թվականի հոկտեմբերի 28-ին Հ. Ղափլանյանի անվան դրամատիկական թատրոնի երկրորդ ռեժիսոր Գրիգոր Խաչատրյանի հետ համատեղ բեմադրել է «Հոգիս» ներկայացումը Նյու Յորքի Բրոդվեյի «Սիթի Սենթր» թատրոնում` նվիրված ՀԲԸՄ-ի 110-ամյակին[3]։ 2016 թվականի դեկտեմբերի 2-ին այդ ներկայացումը Հայաստանոմ ներկայացվել է Ա. Սպենդիարյանի անվան օպերայի և բալետի ազգային ակադեմիական թատրոնում։ 2017 թվականի մայիսի 21-ին նույն ներկայացմամբ հյուրընկալվել են Գյումրիում։ 2017 թվականին իրականացվել է «Խոստում» ներկայացումը պետական սիմֆոնիկ նվագախմբի հետ համատեղ, որը ցուցադրվել է Ա. Սպենդիարյանի անվան օպերայի և բալետի ազգային ակադեմիական թատրոնում, ուր ներկա էին նաև ֆիլմի դերակատարները, օսկարակիր ռեժիսոր Թերի Ջորջը և պրոդյուսեր Էրիկ Իսրայելյանը։
2017 թվականին "Amen Project"-ի նախաձեռնությամբ, նաև համաշխարհային ճանաչում ունեցող օպերային լավագույն երգիչների, պետական սիմֆոնիկ նվագախմբի, ժողովրդական գործիքների անսամբլի և «Ջազ բենդի» հետ համատեղ իրակացվել է «Ամեն» ներկայացումը[4][5]։ Կանադաբնակ կոմպոզիտոր Մաժակ Թոշիկյանի «Սասունցիների պարը» բալետ ներկայացումը բեմադրվել է 2018 թվականին և 2019 թվականին ներկայացվել հանդիսատեսին Ստամբուլում[6]։
«Նարեկ» պարային համույթն իր գործունեության ընթացքում մասնակցել է տարբեր միջազգային փառատոնների և արժանացել բազմաթիվ մրցանակների՝
«Planet Of Happiness» միջազգային փառատոն - Գրան-պրի (Բուլղարիա, 2015 թվական)
«Global Fest» արվեստների երկրորդ միջազգային մրցույթ-փառատոն - Առաջին աստիճանի դափնեկիր (Երևան, 2018 թվական)
«Global Fest» արվեստների երրորդ միջազգային մրցույթ-փառատոն - Առաջին աստիճանի դափնեկիր (Երևան, 2019 թվական)
«Old Town Pictures» միջազգային մրցույթ-փառատոն - Առաջին հորիզոնական (Վրաստան, 2019 թվական)
«BBS» միջազգային փառատոն - Դափնեկիր, Լավագույն խորեոգրաֆիկ կատարում, Լավագույն պարային անսամբլ (Վրաստան, 2021 թվական)
«Շիրակի էսքիզներ» տասերորդ պարային հանրապետական մրցույթ-փառատոն - Առաջին կարգ (Գյումրի, 2022 թվական)
2018-2019 թվականներին Մարսելում Արման Ջուլհակյանի և պարուսույց Մելինե Առաքելյանի կողմից իրականացվել է «1000 գույներ» ներկայացումը «Արաքս» պարային համույթի հետ համատեղ[7]։
2017-2018 թվականներին նկարահանվել է «Շանթ» հեռուստաընկերությամբ հեռարձակվող «Outdance» պարային, հումորային սիթքոմում՝ մարմնավորելով պարուսույցի դերը։
2019 թվականի նոյեմբերի 24-ին Ա. Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել «Նարեկ» պարային համույթի 30 ամյակին նվիրված հոբելյանական երեկո, իսկ նույն թվականի դեկտեմբեր 16-ին կրկին Ա. Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել «Նարեկ» պարային դպրոցի 30 ամյակին նվիրված հոբելյանական համերգ[8]։
2021 թվականին բալետմայստեր Արա Ասատուրյանի և Հ. Ղափլանյանի անվան դրամատիկական թատրոնի գլխավոր ռեժիսոր, Հայաստանի վաստակավոր արտիստ Գրիգոր Խաչատրյանի հետ միասին բեմադրել է #44 պարային ներկայացումը՝ նվիրված 44 օրյա պատերազմին։ Պրեմիերան տեղի է ունեցել 2021 թվականի մայիսի 6-ին, Հ. Ղափլանյանի անվան դրամատիկական թատրոնում[9][10]։
2021 թվականի օգոստոսի 23-ից 28-ը Հայաստանում անցկացվող «SUMMEET» միջազգային փառատոնի շրջանակներում ցուցադրվել է #44 ներկայացումը՝ Երևանի պետական կոնսերվատորիայի օպերային ստուդիայում[11]։
2021 թվականի ավարտին նույն ստեղծագործական կազմը՝ Արման Ջուլհակյան, Գրիգոր Խաչատրյան և Արա Ասատուրյան, իրագործեց ևս մեկ նախագիծ։ Բեմադրվեց պարային-կրկեսային ներկայացում՝ ըստ Մետերլինկի «Կապույտ թռչունը» հեքիաթի։ Համանուն ներկայացման պրեմիերան տեղի ունեցավ դեկտեմբերի 28-ին, Կինոյի տան դահլիճում։
2022 թվականի մարտի 27-ին՝ Հայաստանի ամենամյա «Արտավազդ» ազգային թատերական մրցանակաբաշխության ժամանակ #44 պարային ներկայացումը ճանաչվեց տարվա լավագույն պլաստիկ ներկայացում[12]։
Նույն թվականի ապրիլի 29-ին՝ ՅՈՒՆԵՍԿՕ-ի պարարվեստի միջազգային օրվա 40 և Ժան Ժորժ Նովերի ծննդյան 295 ամյակների կապակցությամբ, կատարողական արվեստի համաշխարհային ասոցիացիայի կողմից Արման Ջուլհակյանն արժանացել է կատարողական արվեստի համաշխարհային ասոցիացիայի «Անահիտ» Ոսկե մեդալի։
2022 թվականին կազմակերպված «Դասարան+Դասական» մշակութային կրթական ծրագրի դասախոս։
2022 թվականի սեպտեմբերից աշխատում է Երևանի թատրոնի և կինոյի պետական ինստիտուտում։
2022 թվականի հոկտեմբերի 25-ին, Գաբրիել Սունդուկյանի անվան ազգային ակադեմիական թատրոնի փոքր բեմում կայացավ «Մենք կանք...» պարային ներկայացման պրեմիերան։ Մեկ գործողությամբ պլաստիկ ներկայացումը ստեղծվել է Global to Local և Bridge to Armenia կազմակերպությունների համագործակցության շրջանակներում,որը բալետմայստերներ Արման Ջուլհակյանի, Արա Ասատուրյանի և Հրաչյա Ղափլանյանի անվան դրամատիկական թատրոնի գլխավոր ռեժիսոր, Հայաստանի վաստակավոր արտիստ Գրիգոր Խաչատրյանի թվով 10-րդ ներկայացումն է։
2023 թվականի ապրիլի 27-ին, Գաբրիել Սունդուկյանի անվան ազգային ակադեմիական թատրոնում տեղի ունեցավ մեծարման երեկո՝ նվիրված «Նարեկ» պարային դպրոցի հիմնադիր, հայկական պարարվեստի ականավոր գործիչ, բալետմայստեր Փայլակ Սարգսյանի ստեղծագործական գործունեությանը։
Անձնական կյանք[խմբագրել | խմբագրել կոդը]
Ամուսնացած է, ունի երկու երեխա։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ https://web.archive.org/web/20200229201534/https://agbu.org/news-item/camp-nubar-dance-craft-instructors-armenia/. Արխիվացված է օրիգինալից 2020 թ․ փետրվարի 29-ին.
{{cite web}}: Missing or empty|title=(օգնություն) - ↑ https://www.laprovence.com/article/papier/5708400/100-artistes-pour-1-000-couleurs.html.
{{cite web}}: Missing or empty|title=(օգնություն) - ↑ https://web.archive.org/web/20200228075403/https://agbu.org/news-item/agbu-debuts-the-internationa-musical-collaboration-hokis-before-a-sold-out-audience/. Արխիվացված է օրիգինալից 2020 թ․ փետրվարի 28-ին.
{{cite web}}: Missing or empty|title=(օգնություն) - ↑ «Արխիվացված պատճենը». Արխիվացված է օրիգինալից 2021 թ․ մայիսի 11-ին. Վերցված է 2020 թ․ փետրվարի 28-ին.
- ↑ «Արխիվացված պատճենը». Արխիվացված է օրիգինալից 2017 թ․ դեկտեմբերի 25-ին. Վերցված է 2020 թ․ մարտի 5-ին.
- ↑ https://azat.tv/sasuncineri-pary-baletayin-nerkayacwum-stambulin-operajin-tatronum/.
{{cite web}}: Missing or empty|title=(օգնություն) - ↑ https://www.laprovence.com/article/sorties-loisirs/5752422/mille-couleurs-celebrent-larmenie-au-silo.html.
{{cite web}}: Missing or empty|title=(օգնություն) - ↑ https://www.azg.am/AM/culture/2020013106.
{{cite web}}: Missing or empty|title=(օգնություն) - ↑ https://1or.am/?p=84738&l=am.
{{cite web}}: Missing or empty|title=(օգնություն) - ↑ https://armenpress.am/arm/news/1051216.html.
{{cite web}}: Missing or empty|title=(օգնություն) - ↑ https://bravo.am/news/75769/.
{{cite web}}: Missing or empty|title=(օգնություն) - ↑ https://bravo.am/gallery/76329?img=78.
{{cite web}}: Missing or empty|title=(օգնություն)