Վիլհելմ Բաքհաուս
| Վիլհելմ Բաքհաուս | |
|---|---|
 | |
| Ծնվել է | մարտի 26, 1884[1][2][3][…] Լայպցիգ, Սաքսոնիայի թագավորություն, Գերմանական ռայխ[4][5] |
| Երկիր |  Գերմանիա և  Շվեյցարիա |
| Մահացել է | հուլիսի 5, 1969[1][2][3][…] (85 տարեկան) Ֆիլլախ, Կարինտիա, Ավստրիա[5] |
| Գերեզման | Melaten-Friedhof |
| Մասնագիտություն | դաշնակահար, երաժշտության ուսուցիչ, կոմպոզիտոր և համալսարանի դասախոս |
| Գործիքներ | դաշնամուր[4] |
| Աշխատավայր | Վիեննայի երաժշտության և կատարողական արվեստի համալսարան |
| Լեյբլ | Դեկա Ռեկորդս և His Master's Voice? |
| Կրթություն | Լայպցիգի երաժշտության և թատրոնի բարձրագույն դպրոց |
| Պարգևներ |  և  |
| Ստորագրություն | |
 | |
 Wilhelm Backhaus Վիքիպահեստում | |
Վիլհելմ Բաքհաուս (գերմ.՝ Wilhelm Backhaus, մարտի 26, 1884[1][2][3][…], Լայպցիգ, Սաքսոնիայի թագավորություն, Գերմանական ռայխ[4][5] - հուլիսի 5, 1969[1][2][3][…], Ֆիլլախ, Կարինտիա, Ավստրիա[5]), գերմանացի դաշնակահար։
Կենսագրություն[խմբագրել | խմբագրել կոդը]
Սովորել է Լայպցիգի կոնսերվատորիայում Ալոիս Ռեկենդորֆի (Alois Reckendorf) (դաշնամուր) և Սալոմոն Ջադասսոնի (Salomon Jadassohn) (կոմպոզիցիա) մոտ։ 1898-1899 թվականներին կատարելագործվել է Էժեն դը Ալբերտի (Eugène Francis Charles d'Albert) մոտ, հետագայում ինքնակրթվել է։ 1900-1901 թվականներին ելույթ է ունեցել Մեծ Բրիտանիայում, որտեղ կատարել է Բեթհովենի Չորրորդ կոնցերտը՝ փոխարինելով վատառողջ Ալեքսանդր Զիլոտիին։ 1901 թվականին առաջին անգամ մասնակցել է Լոնդոնյան միջազգային փառատոնին (BBC Proms), որտեղ նվագել է Մենդելսոնի «Առաջին կոնցերտը» և Բրամսի «Վարիացիաներ Պագանինիի թեմայով»։ Բաքհաուսը մեծ հաջողություն է ունեցել 1905 թվականին, երբ Փարիզում արժանացել է Ռուբինշտեյնյան մրցույթում առաջին մրցանակի, ինչը թույլ տվեց նրան սկսել լիարժեք միջազգային համերգային կարիերա։
1912-1913 թվականներին Բաքհաուսը ելույթ է ունեցել ԱՄՆ-ում, որտեղ Վալտեր Դամրոշի ղեկավարությամբ կատարել է Բեթհովենի Հինգերորդ կոնցերտը, և մենահամերգ տվել Քարնեգի հոլում[6]։ 1905 թվականից Բաքհաուսը դասավանդել է Մանչեստրի երաժշտական քոլեջում, 1925-1926 թվականներին՝ Ֆիլադելֆիայի նշանավոր կոնսերվատորիաներից մեկում, սակայն երբևէ իրեն չի համարել լավ ուսուցիչ։ Չնայած այս մեծ հաջողությանը՝ մի քանի տասնամյակ դաշնակահարը ելույթ է ունեցել հիմնականում Եվրոպայում։ 1928 թվականին շրջագայություն է ունեցել ԽՍՀՄ-ում։ 1931 թվականին հիմնավորվել է Շվեցարիայում։ Եվ միայն 1954 թվականին կրկին եղել է ԱՄՆ-ում Բեթհովենի կոնցերտներով, ու նորից հանդիսատեսը ցնծությամբ է ընդունել նրան։
Բաքհաուսը սիրով ձայնագրություններ է արել. դեռևս 1909 թվականին պատմության մեջ առաջին անգամ նա ձայնագրել է նվագախմբի հետ դաշնամուրային կոնցերտի կատարումը (Գրիգի կոնցերտը), իսկ 1928 թվականին՝ Շոպենի բոլոր էտյուդները։ Երկու անգամ ձայնագրել է Բեթhովենի սոնատների ամբողջական ցիկլը. բոլոր սոնատների մոնոձայնագրությունը ստեղծվել է 1950-ական թվականների սկզբին։ Բաքհաուսի վերջին նախագծերից մեկը դարձել է Բեթհովենի սոնատների ցիկլի ամբողջական ստերեոձայնագրությունը 1959-1969 թվականներին՝ բացառությամբ № 29 սոնատի։ Դաշնակահարի երգացանկում կարևոր տեղ են զբաղեցրել նաև Բրամսի ստեղծագործությունները։ Բաքհաուսը համարվում է նրա երաժշտության լավագույն կատարողներից մեկը։
Գրականություն[խմբագրել | խմբագրել կոդը]
- Коган Г. М. Бакхауз В. // Музыкальная энциклопедия / под ред. Ю. В. Келдыша. — М.: Советская энциклопедия, Советский композитор, 1973. — Т. 1.
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Բրոքհաուզի հանրագիտարան (գերմ.)
- ↑ 3,0 3,1 3,2 3,3 3,4 Չեխիայի ազգային գրադարանի կատալոգ
- ↑ 4,0 4,1 4,2 4,3 Who's Who in Music: A Biographical Record of Contemporary Musicians — 2 — London, NYC: 1915. — P. 10.
- ↑ 5,0 5,1 5,2 5,3 5,4 5,5 Archivio Storico Ricordi — 1808.
- ↑ Brooks Shepard, Baker, Nicolas Slonimsky Baker's Biographical Dictionary of Musicians // Notes. — 1959-03. — В. 2. — Т. 16. — С. 239. — ISSN 0027-4380. —
Արտաքին հղումներ[խմբագրել | խմբագրել կոդը]
- Вильгельм Бакхауз(անգլ.) Allmusic կայքում
- Биография(գերմ.)
 | Վիքիպահեստն ունի նյութեր, որոնք վերաբերում են «Վիլհելմ Բաքհաուս» հոդվածին։ |
| ||||||||||||||||
