Մտրակով երեխան
 | |
|---|---|
 | |
| տեսակ | գեղանկար |
| նկարիչ | Օգյուստ Ռենուար |
| տարի | 1885 |
| բարձրություն | 105 սանտիմետր[1] |
| լայնություն | 75 սանտիմետր[1] |
| ստեղծման վայր | Ֆրանսիա[1] |
| ժանր | դիմապատկեր |
| նյութ | յուղաներկ[1] և կտավ[1] |
| գտնվում է | Պետական Էրմիտաժ[1] |
| հավաքածու | Պետական Էրմիտաժ |
| սեփականատեր | Իվան Մորոզով |
Ծանոթագրություններ | |
 Child with Whip by Pierre-Auguste Renoir Վիքիպահեստում | |
Մտրակով երեխան, ֆրանսիացի նկարիչ-իմպրեսիոնիստ Պիեռ-Օգյուստ Ռենուարի նկարը՝ Էրմիտաժի հավաքածուից։
Նկարում պատկերված է երկար մազերով 1870-1880-ական թվականների նորաձևությամբ բաց երկնագույն, լայն գոտով շրջազգեստով տղա՝ ձեռքին ոչ մեծ խաղալիք մտրակ․ նա կանգնած է այգու ուղու վրա, նրանից ձախ ենթադրվում է ոչ մեծ ծաղկաթումբ։ Ներքևում աջից նկարչի ստորագրությունն է և ամսաթիվը՝ Renoir. 85։
Նկարը էթեն Գուժոն կրտսերի (1880-1945) դիմանկարն է, և նկարվել է նրա հոր՝ Ֆրանսիայի սենատոր դոկտոր Էթեն Գուժոնի պատվերով 1885 թվականին։ Այդ ժամանակ Գուժոն ավագը Ռենուարին պատվիրել է իր չորս երեխաների դիմանկարները։ Նրա ավագ որդիների՝ Պեռ-Ժան Լեոնի և Պիեռ Էթեն Անրիի դիմանկարները կազմել են զույգ։ Ներկայումս դրանցից առաջինը գտնվում է Ֆիցվիլյամի թանգարանում[2], երկրորդ նկարը՝ մասնավոր հավաքածուում[3]։ Կրտսեր երեխաների՝ Էթենի և նրա քրոջ դիմանկարները ևս զույգ են[4]։ Մարի Գուժոնի դիմանկարը հայտնի է որպես «Օղակով աղջիկը» և գտնվում է Վաշինգտոնի Արվեստի ազգային պատկերասրահում[5]։
Նկարը երկար ժամանակ գտնվել է Գուժոնի փարիզյան տանը, հայտնի չէ՝ երբ և ինչ պայմաններում է հայտնվել Ամբրուազ Վոլարի պատկերասրահում, որտեղ 1913 թվականին այն 42000 ֆրանկով գնել է մոսկովյան արդյունաբերող և հավաքորդ Ի․Ա․Մորոզովը։ Հոկտեմբերյան հեղափոխությունից հետո նրա հավաքածուն ազգայնացվել է և 1923 թվականից նկարը գտնվել է Նոր արևմտյան արվեստի թանգարանում։ 1948 թվականին թանգարանի լուծարումից հետո նկարը հանձնվել է Էրմիտաժ[6]։ 2014 թվականի վերջից ցուցադրվում է Գլխավոր շտաբի շենքի չորրորդ հարկում, 408 սրահում (Ռենուարի սրահում)[7]։
Պետական Էրմիտաժի արևմտաեվրոպական կերպարվեստի բաժնի գլխավոր գիտաշխատող Ա. Գ. Կոստենևիչը, վերլուծելով նկարը, գրել է․
«Մտրակով երեխան» ոճական հիբրիդ է, որում իմպրեսոնիստական գեղանկարչության տարրերը (բնապատկերը և մոդելի հագուստը) միավորվել են իմպրեսիոնիզմին ոչ հատուկ հստակ գծերի հետ (տղայի դեմքը). …Նա շատ էր սիրում տղաների մոտ երկար մազերը և երկար ժամանակ թույլ չէր տալիս կտրել իր սեփական երեխաների մազերը[8]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 https://www.hermitagemuseum.org/wps/portal/hermitage/digital-collection/01.+Paintings/28706/
- ↑ «Pierre Auguste Renoir. Leon Goujon in Sailor-Suit». Արխիվացված է օրիգինալից 2014 թ․ նոյեմբերի 26-ին. Վերցված է 2020 թ․ սեպտեմբերի 15-ին.
- ↑ «Renoir, Pierre Auguste (1841—1919). Head of a Young Boy in a Sailor Suit (Pierre Goujon)». Արխիվացված է օրիգինալից 2019 թ․ օգոստոսի 5-ին. Վերցված է 2020 թ․ սեպտեմբերի 15-ին.
- ↑ Барская, Костеневич, 1991, էջ 399
- ↑ Pierre Auguste Renoir. Girl with a Hoop.
- ↑ Братья Морозовы, 2019, էջ 96
- ↑ Государственный Эрмитаж. — Ренуар, Пьер-Огюст. «Ребёнок с кнутиком»
- ↑ Костеневич, т. 1, 2008, էջ 166
Գրականություն[խմբագրել | խմբագրել կոդը]
- Барская А. Г., Костеневич А. Г. Французская живопись. Вторая половина XIX — XX век. Каталог (Государственный Эрмитаж. Собрание западноевропейской живописи). — Л.: Искусство, 1991. — 473 с.
- Братья Морозовы. Великие русские коллекционеры: каталог выставки / Государственный Эрмитаж; Государственный музей изобразительных искусств имени А. С. Пушкина. — СПб.: Изд-во Гос. Эрмитажа, 2019. — 368 с. — ISBN 978-5-93572-861-8
- Костеневич А. Г. Искусство Франции. Живопись. Рисунок. Скульптура: в двух томах. — СПб.: Изд-во Государственного Эрмитажа, 2008. — Т. I. — 532 с. — ISBN 978-5-93572-295-1
| ||||||