Լիճք (Ակնի գավառ)
Անվան այլ կիրառումների համար տե՛ս՝ Լիճք (այլ կիրառումներ)
| Գյուղ | ||
|---|---|---|
| Լիճք | ||
| Վարչական տարածք | Արևմտյան Հայաստան | |
| Վիլայեթ | Խարբերդի վիլայեթ | |
| Գավառակ | Ակնի գավառակ | |
| Այլ անվանումներ | Լիճ, Լիշկ, Լճե | |
| ԲԾՄ | 1000±1 մետր | |
| Պաշտոնական լեզու | Հայերեն | |
| Բնակչություն | 10 044 մարդ (2023) | |
| Ազգային կազմ | Հայեր (մինչև Մեծ եղեռնը) | |
| Կրոնական կազմ | Քրիստոնյա (մինչև Մեծ եղեռնը) | |
| Ժամային գոտի | UTC+3 | |
| Փոստային ինդեքսներ | 24700 | |
| ||
Լիճք, գյուղ Արևմտյան Հայաստանում, Խարբերդի վիլայեթի Ակնի գավառակում[1]։ Գտնվում էր Ակն քաղաքից 30-35 կմ հյուսիս-արևելք, Եփրատ գետի ձախ կողմում, լեռնալանջի վրա։
Անվան ստուգաբանություն
[խմբագրել | խմբագրել կոդը]Հորդաբուխ աղբյուրների ջրերից գոյացած լճակների պատճառով կոչվել է Լիճք։
Աշխարհագրություն
[խմբագրել | խմբագրել կոդը]Գյուղն ունի առողջարար կլիմա, գեղեցիկ դիրք, հորդաբուխ աղբյուրներ։
Պատմություն
[խմբագրել | խմբագրել կոդը]1896 թվականի սեպտեմբերի 3-4-ին քրդերի կողմից կոտերվեցին գյուղի հայերը և կողոպտվեց նրանց ունեցվածքը։ Գյուղն իսպառ ավերվեց 1915 թվականի Մեծ եղեռնի ժամանակ։
Բնակչություն
[խմբագրել | խմբագրել կոդը]1880-ական թվականներին ուներ 507 հայ և 256 թուրք բնակիչ։ Հայերը տոկուն և աշխատասեր էին։
Տնտեսություն
[խմբագրել | խմբագրել կոդը]Բնակչության հիմնական զբաղմունքը երկրագործություն, անասնապահություն ու առևտուրն էր։ Շատերը նաև պանդխտում էին։
Պատմամշակութային կառույցներ
[խմբագրել | խմբագրել կոդը]Լիճքն ուներ XVI դարում կառուցված Ս. Աստվածածին անունով եկեղեցի։ Գյուղի մոտակայքում կային նաև Ս. Փրկիչ անունով ուխտատեղի և Բակտի կոչված ավերակ բերդը։
Կրթություն
[խմբագրել | խմբագրել կոդը]1847 թվականից Ս. Աստվածածին եկեղեցուն կից գործում էր տղաների վարժարան, իսկ հետագայում երկսեռ ուսումնարան։ Աշակերտների թիվը հասնում էր մինչև 80-ի։ Ուսումնարանը սկզբում կոչվել է Հայկյան, իսկ ապա Մաքրուհյան։
Անվանի մարդիկ
[խմբագրել | խմբագրել կոդը]Լիճքում են ծնվել դերասան Գալուստ Լճեցին (Շարպետյան, 1835-1904 թթ.) և նկարիչ, արվեստաբան Ռաֆայել Շիշմանյանը (1885-1959 թթ.)[2]:
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Խարբերդի նահանգ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 2, էջ 586-587
Աղբյուրներ
[խմբագրել | խմբագրել կոդը]- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 616)։ 
|
| ||||||||||||||||||