Memrise

Վիքիպեդիայից՝ ազատ հանրագիտարանից
Jump to navigation Jump to search
Memrise
memrise.com
ԿարգախոսUnleash your learning superpowers
Տեսակբիզնես ձեռնարկություն
ԵրկիրFlag of the United Kingdom.svg Միացյալ Թագավորություն
Շտաբ կայանՕքսֆորդ, Հարավարևելյան Անգլիա, Անգլիա, Միացյալ Թագավորություն
Լեզու
Բացված2010

Memrise (արտասանվում է «մեմրայզ»), առցանց դասընթացներ սովորելու գործիք է: Դասընթացները ստեղծվում են Memrise համայնքի կողմից: Դրանց հիմնական նպատակը լեզու սովորեցնելն է: Կայքը ներառում է նաև ակադեմիական և ոչ ակադեմիական առարկաների ուսուցում, ինչպիսիք են երաժշտությունը, պատմությունը, աշխարհագրությունը, մաթեմատիկան, հիշողության մարզումը և փիլիսոփայությունը: Memrise-ն օգտագործում է մեմեր պարունակող ֆլեշ քարտեր և «ընդմիջումների ազդեցություն», որպեսզի արագացնի և հեշտացնի ուսուցման գործընթացը:

Ստեղծում և զարգացում[խմբագրել | խմբագրել կոդը]

Memrise-ի համահիմնադիրներն են նյարդաբան Գրեգ Դետրը (մասնագիտացումը՝ հիշողություն և մոռացում) և Էդ Քուքը[1][2]: Վերջինս Memrise-ի գործադիր տնօրենն է և Աշխարհի հիշողության առաջնության գրոսմայստեր: Վեբկայքի բետա տարբերակը թողարկվել է Փրինսթոնյան ձեռնարկատիրության ակումբի 2009 թվականին անցկացրած TigerLaunch մրցույթը հաղթելուց հետո[3]: 2012 թվականի հոկտեմբերի մեկին 100 օգտատեր հնարավորություն ստացան փորձարկել վեբկայքը, որը կոչվում էր Memrise 1.0: 2013 թվականի մայիսին Memrise-ի հավելվածն արդեն հասանելի էր App Store-ում և Google Play-ում:

Մրցանակներ[խմբագրել | խմբագրել կոդը]

2010 թվականի հուլիսին Memrise-ը դարձավ London Mini-Seedcamp մրցույթի հաղթողներից մեկը[4]: 2010 թվականի նոյեմբերին կայքը ճանաչվեց TechCrunch Europas-ի «Լավագույն նոր ստարտափ անվանակարգի» ֆինալիստ[5]: 2011 թվականի մարտին Memrise-ն ընտրվեց Techstars Boston-ի ստարտափ[6]:

Memrise մրցանակ[խմբագրել | խմբագրել կոդը]

2014 թվականի նոյեմբերին Լոնդոնի համալսարանական քոլեջի հետ համատեղ Memrise-ը ստեղծեց Memrise մրցանակը: Այն մարտահրավեր է ստեղծել առավել հզոր մեթոդ նոր ինֆորմացիա հիշելու համար: Մրցանակը կազմում է 10.000 դոլար[7]:

Հակասություններ[խմբագրել | խմբագրել կոդը]

2012 թվականի սեպտեմբերին կայքի առաջատարների աղյուսակը ժամանակավորապես դադարել է գործել «լայնածավալ խաբեության» պատճառով: Որոշ օգտատերեր օգտագործում էին բոտեր և ոչ ինտենսիվ մեխանիզմներ, որպեսզի ստանան միավորներ: Դրան ի պատասխան, ադմինիստրատորները հրապարակեցին նոր առաջատարների աղյուսակ:

Մամուլ[խմբագրել | խմբագրել կոդը]

2011 թվականին Memrise-ը վերանայվել է AOL's Daily Finance, the MIT Technology Review, MSNBC և Gizmodo-ի կողմից:

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]