Ֆարիդա Ֆարուկ
| Ֆարիդա Ֆարուկ | |
|---|---|
 | |
| Ծնվել է | սեպտեմբերի 5, 1921[1] |
| Ծննդավայր | Ալեքսանդրիա, Եգիպտոս |
| Մահացել է | հոկտեմբերի 16, 1988[1] (67 տարեկանում) |
| Մահվան վայր | Կահիրե, Եգիպտոս |
| Քաղաքացիություն |  Եգիպտոս |
| Ազգություն | Չերքեզներ |
| Մասնագիտություն | նկարչուհի |
| Ամուսին | Ֆարուք I |
| Ծնողներ | հայր՝ Youssef Zulficar Pasha? |
| Պարգևներ և մրցանակներ | Բարեգորձության շքանշան Grand Cross of the Order of Beneficence? և Սուրբ Սավայի շքանշան |
| Երեխաներ | Princess Fadia of Egypt?, Princess Fawzia Farouk of Egypt?, Princess Farial of Egypt?[2], Princess Fadia of Egypt?[2] և Princess Fawzia Farouk of Egypt?[2] |
| Farida of Egypt Վիքիպահեստում | |
Ֆարիդա Ֆարուկ (ծննդյան անունը եղել է Սաֆինազ Զուլֆիկար, սեպտեմբերի 5, 1921[1], Ալեքսանդրիա, Եգիպտոս - հոկտեմբերի 16, 1988[1], Կահիրե, Եգիպտոս) , Եգիպտոսի թագուհի, Ֆարուկ 1-ինի կինը: Նա երկրի թագուհին է եղել 11 տարի շարունակ:
Մանկություն և կրթություն[խմբագրել | խմբագրել կոդը]
Ֆարիդան ծնվել է 1921 թվականի սեպտեմբերի 5-ին՝ եգիպտական ճանաչված ընտանիքում[3]: Նրա ծննդավայրը եղել է Ալեքսանդրիայի Գիանկալիս քաղաքը: Հայրը՝ Յուսեֆ Զուլֆիկար փաշան, եղել է Ալեքսանդրիայի Վերաքննիչ դատարանի փոխնախագահ[4]: Ընտանիքը պատկանել է եգիպտական չերքեզների ցեղին[5], մորական պապը՝ Մուհամմեդ Սաիդ փաշան, եղել է Եգիպտոսի վարչապետ[6], իսկ մորեղբայրը՝ Մահմուդ Սաիդ բեյը՝ հայտնի նկարիչ: Սաֆինազը սկզբնական և միջնակարգ կրթությունը ստացել է Նոտր Դամ դե Սիոնում: Դա եղել է Ալեքսանդրիայում գտնվող մի դպրոց, որը ղեկավարում էին ֆրանսիացի միանձնուհիները[7]:
Ամուսնություն և կառավարում[խմբագրել | խմբագրել կոդը]
Սաֆինազը և թագավոր Ֆարուկն առաջին անգամ հանդիպել են 1937 թվականին՝ թագավորի Լոնդոն կատարած ուղևորության ժամանակ[5]: Նրանք նշանադրվել են 1937 թվականի ամռանը: Նա թագավոր Ֆարուկի հետ ամուսնացել է 1938 թվականի հունվարի 20-ին: Հարսանիքը տեղի է ունեցել Կահիրեի Կուբբա պալատում[8]: Ամուսնանալուց հետո, թագավորի նախաձեռնած ավանդույթի համաձայն, նա ստացել է «Ֆարիդա» անունը: Նրա հարսանեկան զգեստի ձևավորումը կատարել է փարիզյան «House of Worth» նորաձևության տունը[9]: Նրանք ունեցել են երեք դուստր՝ Ֆերիալը, Ֆավզիան և Ֆադիան: Երրորդ դստեր ծնվելուց հետո, 1948 թվականի նոյեմբերի 19-ին, նրանք բաժանվել են[5]: Ամուսնալուծությունից հետո թագավոր Ֆարուկը իր հոգածության տակ է վերցրել առաջին երկու դստրերի խնամքը, իսկ երրորդ դուստրը մնացել է Ֆարիդայի հետ[10]:
Հասարակական դեր[խմբագրել | խմբագրել կոդը]
Թագուհի Ֆարիդան ծնվել է այնպիսի մի ժամանակահատվածում, որտեղ եգիպտացի կնոջ միակ գերակայությունը եղել է երեխաներ ունենալը: Հատկապես կարևոր էր արական սեռի երեխաների ծնունդը, որոնք համարվում էին գահի միակ ժառանգորդը: Սակայն արևմուտքի երկրների ազդեցությամբ, առաջին տիկինը կարևորություն է ստանում նաև այլ կարևոր հարցերում: Առաջին տիկին կարգախոսը դարձել էր պատվավոր տիտղոս, որի միջոցով թագուհին մասնակցում էր բարեգործական միջոցառումների, բարեգործության նպատակներով կազմակերպում էր դրամահավաքներ և մասնակցում էր օտարերկրյա հյուրերի ընդունման աշխատանքներին: Թագուհի Ֆարիդան գլխավորել է Կարմիր մահիկի եգիպտական մասնաճյուղը, դարձել է ֆեմինիստական խորհրդի և Կանանց միջազգային միության պատվավոր նախագահ: Նա մեծ դեր է ունեցել սոցիալական իրադարձությունների կազմակերպման գործում[7]:
Վերջին տարիներ[խմբագրել | խմբագրել կոդը]
Ֆարիդան մինչև 1964 թվականը մնացել է Եգիպտոսում: Նա ապրել է Նեղոս գետի ափին գտնվող Զամալեկ քաղաքում[11]: Ավելի ուշ նա տեղափոխվել է Լիվան, որտեղ 10 տարվա ընդմիջումից հետո հանդիպել է իր երեխաներին[12]: 1965 թվականին, երբ թագավոր Ֆարուկը մահանում է Հռոմում, Ֆարիդան իր երեք դստրերի հետ ներկա է գտնվում նրա թաղմանը[13]: 1968 թվականից մինչև 1974 թվականներն ապրել է Փարիզում: 1974 թվականին՝ Անվար Սադաթի իշխանության տարիներին, նա վերադարձել է Եգիպտոս: Ամուսնալուծությունից հետո Ֆարիդան չի ամուսնացել[14]: 1960-ական թվականներից սկսել է նկարել և իր անձնական ցուցադրություններն է ունեցել Եվրոպայում և ԱՄՆ-ում[12]: 1980 թվականին իր ցուցադրություններից մեկը տեղի է ունեցել Կահիրեում[12]:
Մահ[խմբագրել | խմբագրել կոդը]
1988 թվականի սեպտեմբերին Ֆարիդան հոսպիտալացվել է: Նրա մոտ հայտնաբերվել է լեյկեմիա, հեպատիտ և թոքաբորբ[15]: Հոկտեմբերի 2-ին նրան տեղափոխել են վերակենդանացման բաժանմունք, այնուհետև նա ընկել է կոմայի մեջ: Նա մահացել է լեյկեմիայից 1988 թվականի հոկտեմբերի 16-ին՝ 67 տարեկան հասակում[15]:
Պարգևներ[խմբագրել | խմբագրել կոդը]
Ազգային[խմբագրել | խմբագրել կոդը]
Օտարերկրյա[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 FemBio: Банк данных о выдающихся женщинах, Frauerdatenbank
- ↑ 2,0 2,1 2,2 Lundy D. R. The Peerage
- ↑ «Consorts of Monogamous Egyptian Heads of State»։ Egy։ Վերցված է 2013-02-06
- ↑ Charles Brice, William An Historical atlas of Islam. — Brill Publishers, 1981. — С. 299. — ISBN 90-04-06116-9
- ↑ 5,0 5,1 5,2 Hassan Maher (2010-01-20)։ «Queen Farida, King Farouk's first wife»։ Egypt Independent։ Վերցված է 2013-02-06
- ↑ Goldschmidt, Arthur Biographical dictionary of modern Egypt. — Lynne Rienner Publishers, 2000. — С. 178. — ISBN 1-55587-229-8
- ↑ 7,0 7,1 Raafat Samir (2005-03)։ «Egypt's first ladies»։ Արխիվացված է օրիգինալից 2013-09-07-ին։ Վերցված է 2009-06-06
- ↑ «Queen Farida hides beauty with veil»։ The Pittsburgh Press (Cairo)։ UPI։ 1938-01-21։ Վերցված է 2013-02-06
- ↑ Hargrove Rosette (1938-01-21)։ «Dressed to the King's taste»։ The Telegraph Herald (Paris)։ Վերցված է 2013-02-06
- ↑ «Ex-queen Farida of Egypt»։ The Indian Express (Cairo)։ 1948-11-22։ Վերցված է 2013-02-06
- ↑ «Former Queen pens message to Farouk»։ Reading Eagle։ 1952-01-20։ Վերցված է 2013-02-06
- ↑ 12,0 12,1 12,2 Balouny Lisette (1980-05-31)։ «Queen Farida living in dignified exile»։ The Day (Cairo)։ AP։ էջ 20։ Վերցված է 2013-02-06
- ↑ «Cold, lonely end comes to Farouk»։ Lodi News Sentinel (Rome)։ UPI։ 1965-03-20։ Վերցված է 2013-02-06
- ↑ «Queen Farida of Egypt Dies at 68»։ The New York Times։ 1988-10-17։ Վերցված է 2009-06-06
- ↑ 15,0 15,1 «Ex-Queen Farida of Egypt; First Wife of King Farouk»։ Los Angeles Times։ 1988-10-17։ Վերցված է 2013-02-06
- ↑ 16,0 16,1 16,2 The Muhammad 'Ali Dynasty Royal Ark
| ||||||||||||
