Կոմա

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Կոմա (այլ կիրառումներ)

Կոմա (անգլ.՝ coma), կոմատոզ վիճակ, կյանքին վտանգ սպառնացող վիճակ, որը բնորոշվում է գիտակցության կորստով, արտաքին գրգիռների հանդեպ ռեակցիայի թուլացմամբ կամ բացակայությամբ, ռեֆլեքսների մարմամբ մինչև լրիվ անհետանալը, շնչառության խորության և հաճախականության, ջերմակարգավորման խանգարմամբ, անոթային տոնուսի փոփոխություններով, պուլսի դանդաղեցմամբ կամ հաճախացմամբ։

Առաջացման պատճառները[խմբագրել | խմբագրել կոդը]

Կոման զարգանում է գլխուղեղի կեղևի լրիվ արգելակման պայմաններում, որի պատճառներն են՝ գլխուղեղի արյան շրջանառության սուր խանգարումները, գլխի վնասվածքները, բորբոքումները (էնցեֆալիտ, մենինգիտ, մալարիա), ինչպես նաև թունավորումները (բարբիտուրատներով, ածխածնի օքսիդով և այլն), շաքարային հիվանդությունը, միզարյունությունը, լյարդի բորբոքումը։ Կոմայի ժամանակ նյարդային հյուսվածքում առաջանում են թթվահիմնային հավասարակշռության խանգարումներ, թթվածնային քաղց, իոնային փոխանակության խանգարումներ և նյարդային հյուսվածքի էներգետիկական քաղց։

Բուժում[խմբագրել | խմբագրել կոդը]

Պատճառի վերացում, թթվահիմնային հավասարակշռության և շնչառության վերականգնում, պայքար թթվածնային քաղցի դեմ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 532 CC-BY-SA-icon-80x15.png