Վիմինալ (բլուր)

Վիքիպեդիայից՝ ազատ հանրագիտարանից
Jump to navigation Jump to search
Վիմինալ
Baths of Diocletian-Antmoose1.jpg
Տեսակբլուր
ԵրկիրFlag of Italy.svg Իտալիա
ԲԾՄ57 մետր
Մասն էՀռոմի բլուրներ
Կոորդինատներ: 41°53′57.0000001012″ հս․ լ. 12°29′39.000000101202″ ավ. ե. / 41.899166666694775° հս․. լ. 12.49416666669477749° ավ. ե. / 41.899166666694775; 12.49416666669477749

Վիմինալ բլուր (լատ.՝ Collis Viminalis, իտալ.՝ Viminale) Հռոմի յոթ բլուրներից ամենափոքրը։ Գտնվում է Կվիրինալ և Էսկվիլին բլուրների միջև։ Հռոմի օպերային թատրոնը և Տերմինի երկաթուղային կայարանը գտնվում են Վիմինալ բլրի վրա։ Բլրի գագաթին գտնվում է Վիմինալե պալատը, որի հարկի տակ Ներքին Գործերի նախարարության գլխավոր վարչությունն է։ Ներկայումս «Il Viminale» տերմինը նշանակում է Ներքին Գործերի նախարարություն։ Ըստ Լիվիոսի՝ բլուրը Հռոմ քաղաքի մաս դարձավ Կվիրինալ բլրի հետ միաժամանակ Սերվիուս Տուլիուսի՝ Հռոմի 6-րդ թագավորի օրոք, Ք.ա. 6-րդ դարում[1]։

Վիմինալե պալատ[խմբագրել | խմբագրել կոդը]

Palazzo del Viminale

Վիմինալե պալատը պատմական վայր է։ Վարչապետի և Ներքին Գործերի նախարարության նստավայրն է՝ սկսած 1925 թվականից։ 1961 թվականից Վարչապետի նստավայրը տեղափոխվեց Պալացցո Կիջի (իտալ.՝ Palazzo Chigi)։ Վիմինալե պալատը լիազորվել է Ջովաննի Ջոլիտտիի կողմից, որն այդ ժամանակ վարչապետ էր և միևնույն ժամանակ Ներքին Գործերի նախարար։ Պալատը նախագծել է իտալացի ճարտարապետ Մանֆրեդո Մանֆրեդիի կողմից 1911 թվականին, իսկ հանդիսավոր բացումը տեղի է ունեցել 1925 թվականի հուլիսի իննին։

Հռոմի օպերային թատրոն[խմբագրել | խմբագրել կոդը]

Հռոմի օպերայի թատրոն

Հռոմի օպերայի թատրոնը (իտալ.՝ Teatro dell'Opera di Roma) կառուցվել է Դոմենիկո Կոստանցիի միջոցներով ճարտարապետ Ակիլլե Սֆոնդրինիի նախագծով։ Թատրոնի (անվանումը՝ Teatro Costanzi) բացումը կայացել է 1880 թվականին Ջոակինո Ռոսսինիի «Շամիրամ» ({{lang-it|Semiramide) ներկայացմամբ։ 1926 թվականին Հռոմի քաղաքային խորհուրդը ձեռք բերեց թատրոնը, որն էլ մասնակի վերակառուցվեց ճարտարապետ Մարչելլո Պյաչենտինիի կողմից[2]։ 1928 թվականին թատրոնը կրկին բացվեց, այս անգամ՝ «Արքայական օպերային թատրոն» անվանումով (իտալ.՝ Teatro Reale dell’Opera)։ 1946 թվականին թատրոնը ստացել է ներկայիս անվանումը։ Հռոմի օպերային թատրոնի ամառային ներկայացումները տեղի են ունենում «Կարակալայի բաղնիքներում»:

Տերմինի կայարան[խմբագրել | խմբագրել կոդը]

Տերմինի կայարան

Տերմինի կայարանը Հռոմի գլխավոր երկաթուղային կայարանն է։ Անվանումը ստացել է նույնանուն շրջանի անվանումից, որն էլ իր անունը ստացել է հին «Դիոկլետիանի բաղնիքներ»՝ լատ.՝ thermae-ից[3]։ Կայարանից կանոնավոր կերպով ուղևորություններ են իրականացվում ինչպես իտալական խոշոր քաղաքներ, այնպես էլ միջազգային ուղևորություններ դեպի Փարիզ, Մյունխեն, Ժնև, Բազել և Վիեննա: Ունի 33 կառամատույց, և սպասարկում է շուրջ 150 միլիոն ուղևորների ամեն տարի[4]։ Եվրոպայի ամենամեծ երկաթուղային կայարաններից մեկն է։

Ծանոթագրություններ[խմբագրել | խմբագրել կոդը]

  1. Livy, Ab urbe condita, 1.44
  2. Teatro dell'Opera di Roma. Ballet Company, A History.
  3. Guida d'Italia. Roma. Milan: Touring Club Italiano. 1999. p. 162.: "il toponimo deriva dalle terme di Diocleziano" ("the toponym derives from the Baths of Diocletian").
  4. Roma Termini

Արտաքին հղումներ[խմբագրել | խմբագրել կոդը]