Վիեննայի բանջարեղենային նվագախումբ
Վիեննայի բանջարեղենային նվագախումբ | |
---|---|
Բանջարեղենային նվագախումբը 2015 թվականին | |
Ժանրեր | փորձարարական երաժշտություն |
Գործունեություն | 1998 |
The Vegetable Orchestra Վիքիպահեստում |
Բանջարեղենային նվագախումբ (նաև հայտնի է որպես Das erste Wiener Gemüseorchester, The First Vienna Vegetable Orchestra կամ The Vienna Vegetable Orchestra), ավստրիական երաժշտական խումբ, որն օգտագործում է միայն թարմ բանջարեղենից պատրաստված երաժշտական գործիքներ։
Պատմություն[խմբագրել | խմբագրել կոդը]
Նվագախումբը, որը հիմնադրվել է 1998 թվականի փետրվարին Վիեննայում[1], բաղկացած է տասը երաժիշտներից[2], մեկ խոհարարից և մեկ ձայնային տեխնիկից։ Խմբի բոլոր անդամներն ակտիվ են արվեստի տարբեր ոլորտներում[1] (օրինակ՝ երաժշտական մանկավարժներ, քանդակագործներ, մեդիա արտիստներ, դիզայներներ, ճարտարապետներ և այլն), ինչպես նաև աշխատում են իրենց նախագիծը հայեցակարգելու և իրագործելու ուղղությամբ։
Միջառարկայական մոտեցումը կարևոր գործոն է բուսական երաժշտությունն ուսումնասիրելու և հետագայում զարգացնելու համար։ Նրանց նպատակն է՝ ստեղծել այնպիսի հնչողություն, որը կարող է ընկալվել բոլոր զգայարաններով։
Fluxus շարժման երաժշտական կոնցեպտները, օրինակ՝ Ջոն Քեյջի ստեղծագործությունները[3], այս նվագախմբի համար կարելի է համարել ոգեշնչման աղբյուր։ Նրանց ինքնատիպ երկացանկում խորապես արմատավորված են սաունդ արտը, փորձարարական և Էլեկտրոնային երաժշտությունը, քանի որ նրանք կատարում են Իգոր Ստրավինսկու, գերմանական Kraftwerk էլեկտրոնային խմբի[2] կամ ավստրիական Radian բենդ խմբի չլսված մեկնաբանությունները, ինչպես նաև իրենց ստեղծագործությունները։ Բոլոր ստեղծագործություններն ունեն գրաֆիկական նոտագրության տարբեր ձևեր և ստեղծված են բացառապես կենդանի կատարման համար։
Անդամներ[խմբագրել | խմբագրել կոդը]
Նվագախմբի կազմում են Յուրգեն Բեռլակովիչը, Վերենա Ֆուքսը, Սյուզաննա Գարտմայերը, Բարբարա Կայզերը, Մաթիաս Մայնհարթերը, Յորգ Պիրինգերը, Ինգրիդ Շլյոգլը, Ուլրիխ Տրոյերը, Շտեֆան Ֆոգլսինգերը, Մարտինա Վինկլերը[4]։
Գործիքներ[խմբագրել | խմբագրել կոդը]
Գործիքները պատրաստվում են գազարից, նեխուրից, պղպեղից, դդմիկից, ցուկինիից և այլ հում բանջարեղենային բույսերից՝ ներկայացումը սկսվելուց առաջ։ Նրանց ձայնն ուժեղանում է հատուկ խոսափողների օգնությամբ[5]։
Համերգներից հետո չօգտագործված բանջարեղենով և կտորտանքներով հանդիսատեսի համար ապուր են եփում[1]։
Խմբի ստեղծման օրվանից, 2019 թվականի մարտի դրությամբ, հայտնագործվել են ավելի քան 150 տեսակի գործիքներ[2], այդ թվում՝ գազարից քսիլոֆոններ, բողկից բաս Ֆլեյտաներ, դդմից թմբուկներ, պրասից ջութակներ, սոխից մարականեր և շատ ուրիշներ գործիքներ[1][2]։
Ազդեցություն[խմբագրել | խմբագրել կոդը]
Խումբը տարեկան տալիս է միջինը 20-30 համերգ՝ շրջագայելով Եվրոպայում, Ամերիկայի Միացյալ Նահանգներում և Ասիայում[6], նվագում է պատկերասրահների բացումներին, ցուցահանդեսներին, համայնքային միջոցառումներին և տալիս սեփական շոուներ[1]։
Նվագախումբը գրանցվել է Գինեսի համաշխարհային ռեկորդների գրքում՝ «Բանջարեղենային նվագախմբի ամենաշատ համերգների» համար․ 1998 թվականի ապրիլից մինչև 2012 թվականի սեպտեմբեր նվագախումբը 77 համերգով ելույթ է ունեցել աշխարհի տարբեր վայրերում[7]։
Ըստ BBC-ի՝ նրանք ոգեշնչել են նմանատիպ համույթների ձևավորմանը։ Դրանցից են Լոնդոնի բանջարեղենային նվագախումբը (London Vegetable Orchestra) և Լոնգ Այլենդի բանջարեղենային նվագախումբը (Long Island Vegetable Orchestra)[2][8]։
Սկավառակագրություն[խմբագրել | խմբագրել կոդը]
Ալբոմներ[խմբագրել | խմբագրել կոդը]
- Gemise (1999)
- Automate (2003)
- Remixed (2008)
- Onionoise (2010)
- Green Album (2018)
Gemise բոհեմիական բարբառով բառացիորեն նշանակում է Gemüse: Ավստրո-Հունգարիայի միապետության ժամանակաշրջանի Վիեննայում Բոհեմիայից հաճախ գալիս էր խոհարարական տնային օգնական կամ տնային տնտեսուհի և մինչև այսօր նպաստում էր վիեննական խոհանոցին։ Automate-ը, անշուշտ, բառախաղ է Tomate-ի (= լոլիկ) հետ։ Onionoise, ...ionoi... հիբրիդային բառի առանցքը դյուրադարձուկ է։
Gemise-ի երկրորդ ստեղծագործությունը կոչվում է Ogludschda, որը վիեննական բարբառով Abgelutschter է[9]։
EPs[խմբագրել | խմբագրել կոդը]
- Remix Trilogy (Volume One) (2004)
- Remix Trilogy (Volume Two) (2005)
- Remix Trilogy (Volume Three) (2005)
- Remix Conclusion (2008)
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 O'Sullivan, Feargus. «This Austrian Band Makes Music With Vegetables». CityLab (անգլերեն). Վերցված է 2019 թ․ հունիսի 29-ին.
- ↑ 2,0 2,1 2,2 2,3 2,4 Stein, Eliot. «Vienna's unpredictable Vegetable Orchestra». www.bbc.com (անգլերեն). Վերցված է 2019 թ․ հունիսի 29-ին.
- ↑ «The Vegetable Orchestra, the band who play instruments made from veggies» (ամերիկյան անգլերեն). Վերցված է 2019 թ․ հունիսի 29-ին.
- ↑ «Vegetable Orchestra». The Vegetable Orchestra official site (անգլերեն). Վերցված է 2022 թ․ հոկտեմբերի 5-ին.
- ↑ Blevins, Joe. «Vienna's Vegetable Orchestra is more than just a memorable gimmick». News (ամերիկյան անգլերեն). Վերցված է 2019 թ․ հունիսի 29-ին.
- ↑ «The Vegetable Orchestra of Vienna». KCRW 89.9FM | Music, NPR News, Culture Los Angeles (անգլերեն). 2015 թ․ հունվարի 21. Վերցված է 2019 թ․ հունիսի 29-ին.
- ↑ «World Vegetarian Day: Ten absolutely meat-free world record achievements». Guinness World Records (բրիտանական անգլերեն). 2015 թ․ հոկտեմբերի 1. Վերցված է 2019 թ․ հունիսի 29-ին.
- ↑ Correal, Annie. «Cue the Carrots! Strike Up the Squash!». The New York Times.
- ↑ Das erste Wiener gemüseorchester (Gemise) amazon.de, retrieved 2020-10-21.
Արտաքին հղումներ[խմբագրել | խմբագրել կոդը]
- Պաշտոնական կայք
- The Vegetable Orchestra Literally Plays with Their Food – YouTube video published by Great Big Story
- Who says you can't play with food? The Vegetable Orchestra at TEDxVienna – YouTube video published by TEDx Talks
Վիքիպահեստն ունի նյութեր, որոնք վերաբերում են «Վիեննայի բանջարեղենային նվագախումբ» հոդվածին։ |
|