Սուրբ Հովհաննես եկեղեցի (Ավան)
| Սուրբ Հովհաննես եկեղեցի | |
|---|---|
 | |
| Հիմնական տվյալներ | |
| Տեսակ | մշակութային արժեք և եկեղեցի |
| Երկիր |  Հայաստան |
| Տեղագրություն | Ավան վարչական շրջան |
| Կազմված է | Խաչքար Նորճիկի, Որմնանկար «Դանիելը առյուծների խմբում», Որմնանկար «Ձուկ» և Գերեզմանոց |
| Ժառանգության կարգավիճակ | մշակութային հուշարձան Հայաստանում[1] |
| Ճարտարապետական ոճ | հայկական ճարտարապետություն |
| Կառուցման սկիզբ | V դար |
 | |
 | |
Սուրբ Հովհաննես եկեղեցի, խոնարհված Հայկական առաքելական եկեղեցի Երևանի Ավան համայնքի հյուսիս-արևելյան կողմում (Vդ.)։ Մուտքի բարավորի վրա խաչ է պատկերված։ Պահպանվել են եկեղեցու պատերին փորագրրված բազմաթիվ նախշազարդ խաչեր։ Եկեղեցու շրջակայքում պահպանվել են կոթողներ, խաչքարեր և միջնադարյան գերեզմանոց (XII-XIII դդ.)։ Եկեղեցու բակի ձախ կողմում պահպանվել է արձանագիր որմնափակ խաչքար։
Պատմություն[խմբագրել | խմբագրել կոդը]
Սուրբ Հովհաննես եկեղեցին միանավ թաղածածկ եկեղեցի է[2]։ Կառուցված է սրբատաշ ծիրանագույն և սև տուֆ քարից։ Եկեղեցին կառուցվել է 5-րդ դարում և վերակառուցվել` XII-XIII դարերում։
Եկեղեցու Խորանը[խմբագրել | խմբագրել կոդը]
Եկեղեցու խորանն ունի եզակի ճարտարապետական հորինվածք։ Ուղղանկյունաձև հարթության կենտրոնական մասում պատկերված է կլոր գունդ, որը ձևավորված է մանրաքանդակ նախշերով։ Գնդի երկու կողմերում փորագրված են արծիվներ։ Պատկերը հարդարանքի մաս չէ. այստեղ կլոր գունդը խորհրդանշում է իշխանությունը, իսկ արծիվները` ուժը[3]։ Պատկերի աջ կողմում պահպանվել է արձանագրություն, որը դյուրընթեռնելի չէ։ Խորանի ձախակողմյան պատի վերնամասում նույնպես առկա է արձանագրություն։
Ծանոթագրություններ[խմբագրել | խմբագրել կոդը]
- ↑ Wiki Loves Monuments monuments database — 2017.
- ↑ Հայկական սովետական հանրագիտարան։ Երևան։ 1974։ էջ 603
- ↑ «ԱՎԱՆԻ ՍՈՒՐԲ ՀՈՎՀԱՆՆԵՍ ԵԿԵՂԵՑՈՒ ԽՈՐԱՆԻ ԶԻՆԱՆՇԱՆԸ»։ ԱՐՓԻԱՐ-ԱՐ։ Վերցված է 29.03.2018