Սուսերամարտի ուսուցիչը (վեպ)
Սուսերամարտի ուսուցիչը ֆր.՝ Mémoires d’un maître d’armes, ou dix huits mois à Saint-Pétersbourg | |
|---|---|
.JPG) | |
| Հեղինակ | Ալեքսանդր Դյումա |
| Տեսակ | գրական ստեղծագործություն |
| Ժանր | արկածային գրականություն |
| Թեմա | Դեկաբրիստների ապստամբություն |
| Բնօրինակ լեզու | ֆրանսերեն |
| Ստեղծման տարեթիվ | 1840 |
| Նկարագրում է | Ռուսական կայսրություն և Սանկտ Պետերբուրգ |
| Հրատարակման տարեթիվ | 1840 |
«Սուսերամարտի ուսուցիչը» (ֆր.՝ Mémoires d’un maître d’armes, ou dix huits mois à Saint-Pétersbourg[1]), բառացի թարգմանությունը՝ «Սուսերամարտի ուսուցչի գրառումները կամ 18 ամիս Սանկտ Պետերբուրգում»։ Ալեքսանդր Դյումայի առաջին վեպերից մեկն է, որը գրվել է 1840 թվականին[2]։
Ստեղծման պատմություն
[խմբագրել | խմբագրել կոդը]Վեպը առաջին անգամ տպագրվել է 1840 թվականին միաժամանակ Ֆրանսիայում և Բելգիայում։ Հետագայում մի քանի անգամ լույս է տեսել ֆրանսերենով։ Դյուման օգտվել է Գրեզյեի «Գրառումները» վեպից, որն իր անունով գրվել է Ռուսաստան այցելության ժամանակ։ Հեղինակը օգտվել է նաև տարաբնույթ պատմական ակնարկներից. «Մեմուարներ» (1827)` կոմս Սեգյե, «Ակնարկ Պողոս I-ի մահվան մասին» (1825)` Շատոգիրին, «Ալեքսանդր I-ի պատմությունը » (1826)` Ս. Ռաբբե և «Զեկույց հանձնաժողովի հետաքննությունից» (1826)։
Սյուժե
[խմբագրել | խմբագրել կոդը]Վեպում պատմվում է Գրեզյեի Սանկտ Պետերբուրգ այցելության մասին[3][4]։ Այնտեղ Գրեզյեն սկսել է սուսերամարտի դասեր տալ։ Նրա բոլոր աշակերտները ապագա դեկաբրիստներ են։ Նրանցից մեկը կոմս Աննենկովն է՝ Գրեզյեի հին բարեկամներից մեկի՝ Լուիզայի ամուսինը։ Շուտով խռովություն է բարձրանում, որը ճնշվում է Նիկոլայ I-ի կողմից։ Բոլոր դեկաբրիստները արտաքսվում են Սիբիր, նրանց մեջ է լինում նաև կոմս Աննենկովը։ Հուսահատված Լուիզան որոշում է գնալ ամուսնու հետևից և կիսել նրա հետ բանտի տաժանակրությունը։ Գրեզյեն որոշում է օգնել նրան։
Վեպը Ռուսաստանում
[խմբագրել | խմբագրել կոդը]Ռուսաստանում վեպի հրատարակությունը արգելված է եղել Նիկոլայ I-ի կողմից։ Դա պայմանավորված էր դեկաբրիստների վերելքի հետ։ Իր մեմուարներում (նրան պատմել է իշխանուհի Տրուբեցկայան, կայսրուհու ընկերուհին) Դյուման դա հիշում է.
|
Նիկոլայը մտնում է սենյակ, որտեղ ես կարդում էի կայսրուհու համար գիրքը։ Ես արագ պահեցի այն։ Ցարը մոտեցավ և հարցրեց. — Դուք կարդո՞ւմ եք։ — Այո՛, արքա։ — Ցանկանո՞ւմ եք ասեմ, թե ինչ եք կարդում։ Կայսրուհին լռում էր։ — Դուք Դյումայի «Սուսերամարտի ուսուցիչը» գիրքն եք կարդում։ — Ինչպե՞ս իմացաք, արքա՛։ — Հենց այդպե՛։ Ս։ Դժվար չէ հասկանալը։ Այն վերջին գիրքն է, որը ես արգելել եմ։' |
|
Ցարական գրաքննությունը հատուկ հետևում էր Դյումայի վեպերին և արգելում էր Ռուսաստանում դրանց տպագրելը։ Սակայն, հակառակ դրան, գիրքը տարածվում էր Ռուսաստանում։ Եվ առաջին անգամ ռուսերենով Ռուսաստանում տպագրվեց 1925 թվականին։
Ծանոթագրություններ
[խմբագրել | խմբագրել կոդը]- ↑ Dumas, Alexandre (2015 թ․ դեկտեմբերի 4). Le maître d'armes: Nouvelle édition augmentée. Arvensa Editions. էջեր 402–. ISBN 979-10-273-0208-6.
- ↑ Alexandre Dumas (2015 թ․ փետրվարի 14). The Fencing Master - Scholar's Choice Edition. BiblioLife. ISBN 978-1-297-00673-9.
- ↑ Graham H. Roberts (2011 թ․ հունվարի 18). Other Voices: Three Centuries of Cultural Dialogue between Russia and Western Europe. Cambridge Scholars Publishing. էջեր 13–. ISBN 978-1-4438-2790-4.
- ↑ Alexandre Dumas (2013 թ․ նոյեմբերի 17). Delphi Works of Alexandre Dumas (Illustrated). Delphi Classics. էջեր 585–. ISBN 978-1-908909-48-0.
Արտաքին հղում
[խմբագրել | խմբագրել կոդը]- Սուսերամարտի ուսուցիչ վեպը Արխիվացված 2010-05-28 Wayback Machine
| ||||||
