Կյիլլինին համարվում է իտալական «Լիվորնո» ակումբի սան։ «Լիվորնո» ակումբում հանդես է եկել 4 մրցաշրջան, որորնցից 2-ը Սերիա C-ում, իսկ մյուս 2-ը՝ Սերիա Բ-ում։
2004 թվականի ամռանը, Կիելլինին «Լիվորնո» -ից տեղափոխվեց «Յուվենտուս» 6,5 միլիոն Եվրոյի դիմաց, սակայն նույն տարում «Յուվենտուս» -ը 3,5 միլիոն Եվրոյի դիմաց վաճառեց Կիելլինի իրավունքերի 50%-ը «Ֆիորենտինա» ակումբին, որտեղ Կիելլինին հանդես եկավ 2004/2005 մրցաշրջանում։ Ավարտված մրցաշրջանից հետո «Յուվենտուս»-ը ետ գնեց Կյիելլինիի իրավունքերի 50%-ը 4,3 միլիոն Եվրոյի դիմաց։ 2006 թվականի հոկտեմբերի 12-ին, Կիելլինին «Յուվենտուս»-ի հետ երկարաձգեց պայմանագիրը մինչև 2011 թվական, 2008 թվականին մինչև 2013 թվականը, 2010 թվականին մինչև 2015 թվականը (տարեկան 3.5 միլիոն եվրո աշխատավարձով), իսկ 2014-ին մինչև 2019 թվական։ 2006-2007 թվականի մրցաշրջանում դարձել է Սերիա Բ-ի չեմպիոն։ 2011/2012, 2012/2013, 2013/2014 մրցածրջաններում դարձել է Իտալիայի չեմպիոն։ Ջորջիո Կիելլինին 3 անգամ ճանաչվել է Իտալիայի լավագույն պաշտպան, համապատասխանաբար՝ 2008, 2009, 2010 թվականներին։ Նրա գործակալն է երկվորյակ եղբայրը ` Կլաուդիո Կիելլինին։
Կիելլինին ազգային հավաքականում իր նորամուտն նշել է 2004 թվականին` Ֆինլանդիայի դեմ։ Այդ ժամանակներից հանդիսանում է հավաքականի հիմնական կազմի ֆուտբոլիստ։ Հանդես է եկել Իտալիայի տարբեր տարիքային պատանեկան հավաքականներում։
2003 թվականի Իտալիայի մինչև 19 տարեկանների հավաքականի հետ դարձել է Եվրոպայի չեմպիոն։ Եղել է 2004 թվականի Իտալիայի օլիմպիական հավաքականում և դարձել՝ բրոնզե մեդալակիր։ 2006 թվականի Աշխարհի Առաջնությանը չի մասնակցել։
2012 թվականին դարձել է Եվրոպայի փոխչեմպիոն։