Պանդորա (նկար, Ուոթերհաուս)

Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Պանդորա (այլ կիրառումներ)
Պանդորա
տեսակգեղանկար
նկարիչՋոն Ուիլյամ Ուոթերհաուս
տարի1896
ուղղությունՊրեռաֆայելիտներ
ժանրդիցաբանական գեղանկարչություն
նյություղաներկ և կտավ
հավաքածուանհայտ
կայք
Ծանոթագրություններ

«Պանդորա»[1] (անգլ.՝ Pandora), անգլիացի նկարիչ Ջոն Ուիլյամ Ուոթերհաուսի նկարը՝ ստեղծված 1896 թվականին։ Նկարում պատկերված է հին հունական դիցաբանությունից Պանդորան, որը բացում է Զևսի նվիրած արկղը, որը լի էր մարդկային դժբախտություններով և աղետներով։ Նկարը գտնվում է մասնավոր հավաքածուում։

Առասպել[խմբագրել | խմբագրել կոդը]

Պանդորայի մասին լեգենդը նկարագրված է հին հունական բանաստեղծ Հեսիոդոսի «Աշխատանք և օրեր» աշխատության մեջ («Պատմություն Պրոմեթևսի և Պանդորայի մասին»), ինչպես նաև նրա «Թեոգոնիայում»։ Առասպելում Պանդորան պատկերված է որպես երկրի առաջին կին, որին Զևսի հրամանով հողից բոլոր աստվածների օգնությամբ ստեղծել են Հեփեստոսը և Աթենասը՝ ի պատասխան երկնային կրակի կորստի, որն աստվածներից գողացել էր Պրոմեթևսը և տվել մարդկանց։ Դիցաբանական զրույցում Պանդորան արկածախնդիր հետաքրքրասիրությամբ բացում է Զևսի նվիրած կարասը (որը հետագայում սխալմամբ անվանել են արկղ) և որից դուրս են թռել դժբախտությունը և խեղճությունը, ինչն էլ պատճառ է հանդիսանում մարդկային անկումը աստվածային բարիքներից և դիրքից[2]։ Սրանով ավարտվել է մարդկության անմեղության և երջանկության Ոսկե դարը, և եկել են ժամանակներ, որտեղ ի հայտ են եկել ծերությունը, հիվանդությունները, մոլությունները, չարիքները[3][4]։

Կտավի նկարագրություն[խմբագրել | խմբագրել կոդը]

Նկարում պատկերված է Պանդորայի պատմությունը, որը բացում է իր արկղը։ Հետևի պլանի ծառերն օգնել են ստեղծելու յուրահատուկ միջավայր, որտեղ այդ երիտասարդ կինն զգուշորեն բացում է գեղեցիկ պատրաստված արկղը։ Նրա հետևում գտնվում է փոքրիկ լճակ, որտեղից ջուր է հոսում դեպի նրա մակարդակ՝ ընդգծելով հանգիստ իրադրությունը՝ առանց շեղող հանգամանքների։ Նկարիչը ցանկացել է, որ դիտողի հայացքը չշեղվի նկարի գլխավոր առարկայից։ Կնոջ գունատ մաշկը, ինչպես Ուոթերհաուսի մուսաների մեծամասնությանը, ընդգծում է նրա մաքրությունը և խոցելիությունը[5]։ Կտավում նկարիչն ավելի մեծ ուշադրություն դարձրել է Պանդորային, ոչ թե արկղին, ինչպես այս առասպելի գեղարվեստական բազմաթիվ վերարտադրություններում է[5]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. "Пандора. Джон Уильям Уотерхаус (1849-1917)". gallerix.ru (in անգլերեն). Retrieved 2020 թ․ սեպտեմբերի 27.{{cite web}}: CS1 սպաս․ url-status (link)
  2. Gallardo López, Maria Dolores (1995). Manual de Mitología clásica. Pág 444. [S.l.]: Ediciones Clásicas. ISBN 84-7882-194-5
  3. "A CAIXA DE PANDORA - As transformações de um símbolo mítico". Grupo Companhia das Letras (in պորտուգալերեն). Արխիվացված from the original on 2015 թ․ սեպտեմբերի 23. Retrieved 2020 թ․ սեպտեմբերի 27.
  4. 5,0 5,1 "Pandora". artguide.org (in անգլերեն). Retrieved 2022 թ․ դեկտեմբերի 6.{{cite web}}: CS1 սպաս․ url-status (link)