Ձմեռային սայլաշարքը ճանապարհին
 | |
|---|---|
 | |
| տեսակ | գեղանկար |
| նկարիչ | Հովհաննես Այվազովսկի |
| տարի | 1857 |
| բարձրություն | 101 սանտիմետր |
| լայնություն | 150 սանտիմետր |
| նյութ | յուղաներկ և կտավ |
| գտնվում է | Smolensk Art Gallery? |
| հավաքածու | Smolensk Art Gallery? |
պատկերված են
| |
Ծանոթագրություններ | |
«Ձմեռային սայլաշարքը ճանապարհին» (ռուս.՝ Зимний обоз в пути) կամ «Ոսկու քարավանը» (ռուս.՝ Караван золота), հայ ծովանկարիչ Հովհաննես Այվազովսկու նկարներից։ Հեղինակը կտավը վրձնել է 1857 թվականին։ Յուղաներկով կտավի չափերն են՝ 101 × 150 սմ։ Նկարի համար Այվազովսկուն շնորհել են Պատվավոր Լեգեոնի շքանշան։
Այսօր «Ձմեռային սայլաշարքը ճանապարհին» ստեղծագործությունը ցուցադրվում է Սմոլենսկի գեղարվեստի պատկերասրահում (Սմոլենսկ, Ռուսաստան)։
Պատմություն[խմբագրել | խմբագրել կոդը]
1857 թվականին, Հովհաննես Այվազովսկին, Փարիզում կայանալիք գեղարվեստական ցուցադրությանը մասնակցելու համար նկարների շարք է ստեղծում՝ «Ռուսաստանի հարստությունը»[1][2] խորագրով։ Ցուցադրությունը կայացավ 1857 թվականին Փարիզյան սալոնում։ Շառլ Պերիեն այպես է նկարագրել կտավը. «…Ոսկով բեռնած սայլերն ուղևորվում են Սանկտ Պետերբուրգ Սիբիրի ձյուների ու սառույցների միջով» («…convois d’or se dirigeant vers Saint-Pétersbourg, à travers les neiges et les glaces de la Sibérie»)[3]:
Սմոլենսկի գեղարվեստի պատկերասրահում «Ձմեռային սայլաշարքը ճանապարհին» կտավը հայտնվել է 1920 թվականին Մոսկվայի հնագիտության ինստիտուտից[4]։ Մինչ այդ նկարը պահվում էր Ռուսական աշխարհագրական ընկերության անդամ Ի. Դ. Բուլիչևի մոտ, որից հետո այն հայտնվում է ռուս ազնվական Մարիա Տենիշևայի հավաքածուում[4][5]։ Բուլիչևն այն գնել էր ցուցադրությունից հետո[6]։
1941 թվականին պատկերասրահի հազվագյուտ իրերը տեղափոխում են Նովոսիբիրսկ։ Ճանապարհին ուղեկցող վագոնում հրդեհ է բռնկվում, որից կտավը հրաշքով է փրկվում[7]։ Կտավը պահվում է Նովոսիբիրսկի օպերայի և բալետի թատրոնի նկուղում մինչև պատերազմի ավարտը, որից հետո տեղափոխվում է կրկին Սմոլենսկ[8]։
Նկարագիր[խմբագրել | խմբագրել կոդը]
«Ձմեռային սայլաշարքը ճանապարհին» ստեղծագործությունում պատկերված է Արևելյան Սիբիրի բնությունը[8]։ Նկարում հեղինակը վրձնել է առևտրական սայլաշարք, որը տեղաշարժվում է ձմեռային ճանապարհով։ Սայլաշարքը դուրս է գալիս հորիզոնի մառախուղից։ Ձիերը առաջին պլանում են։ Նրանք կանգնել են, կախել գլուխները։ Քուրք հագած տղամարդը քայլում է դեպի ջրհորը։ Նկարի անդորրը խախտում են ծառից թռչող թռչունները։ Թռիչքից ձյուն է թափվում ծառերի ճյուղերից։ Կոմպոզիցիան կառուցված է անկյունագծային, ինչն էլ ավելի է շեշտում տարածությունը[9]։ Գունային ներկապնակում գերակշռում է սպիտակը։ Օգտագործվել են երկնագույնի, վարդագույնի, մարգարտագույնի նրբերանգներ։ Ջրհորի մոտի սառած ջուրը թափանցիկ կանաչավուն է։ Ծառերի ստվերը կապտավուն է[9]։ Նկարի ներքևի աջ անկյունում Այվազովսկու ստորագրությունն է և տարեթիվը՝ Aivasowsky 1857[4]:
Ծանոթագրություններ[խմբագրել | խմբագրել կոդը]
- ↑ Вагнер Л., Григорович Н. Айвазовский. — М.: Искусство, 1970. — С. 169.
- ↑ «Зимний обоз в пути». Музеи России. Վերցված է 2019 թ․ մարտի 14-ին.
- ↑ Charles Perrier L'art français au Salon de 1857 : peinture, sculpture, architecture. — Paris: Michel Lévy Fréres, 1857. — P. 142.
- ↑ 4,0 4,1 4,2 Смоленская художественная галерея (альбом), 2012, էջ 175
- ↑ «Айвазовский и Лагорио, которых никто не видел». SmolNews.ru. 25 апреля 2018 года. Վերցված է 2019 թ․ մարտի 14-ին.
- ↑ Русский художественный листок, 1858
- ↑ Страсти по Айвазовскому
- ↑ 8,0 8,1 Смоленская газета, 2016, էջ 22
- ↑ 9,0 9,1 Смоленская художественная галерея
Գրականություն[խմբագրել | խմբագրել կոդը]
- Барсамов Н. С. И. К. Айвазовский. 1817—1900. — М.: Искусство, 1962. — С. 86.
- Орлова Т. В., Павлова Т. В., Мельникова Л. И. Смоленская художественная галерея (альбом). — М.: Вече, 2012. — С. 175.
- Суркова О. «Караван золота» отправлен из Смоленска в Москву // Смоленская газета. — 2016. — № 25. — С. 1,22.
- Тимм В.Ф. И.К. Айвазовский // Русский художественный листок. — 1858. — № 10.
Արտաքին հղումներ[խմբագրել | խմբագրել կոդը]
- «И.К. Айвазовский. Зимний обоз в пути». Смоленская художественная галерея. Վերցված է 2019 թ․ մարտի 14-ին.
- Петракова А. (15 августа 2016). «Страсти по Айвазовскому». Рабочий путь. Վերցված է 2019 թ․ մարտի 14-ին.
| ||||||||||||||||
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ձմեռային սայլաշարքը ճանապարհին կատեգորիայում։ |