Հարություն Փափազյան

Վիքիպեդիայից՝ ազատ հանրագիտարանից
Jump to navigation Jump to search
Հարություն Փափազյան
Բնօրինակ անունհայ․՝ Հարություն (Արթուր) Կարապետի Փափազյան
Ծնվել էմայիսի 24, 1954(1954-05-24) (65 տարեկան)
Երևան, Հայկական ԽՍՀ, ԽՍՀՄ
ԵրկիրFlag of the Soviet Union.svg ԽՍՀՄ
Flag of Armenia.svg Հայաստան
Մասնագիտությունկոմպոզիտոր և դաշնակահար
Գործիքներդաշնամուր
ԱշխատավայրԵրևանի Կոմիտասի անվան պետական կոնսերվատորիա
ԿրթությունԵրևանի Կոմիտասի անվան պետական կոնսերվատորիա
Կայքpapart.com

Հարություն (Արթուր) Կարապետի Փափազյան (մայիսի 24, 1954, Երևան), հայ դաշնակահար:

Կենսագրություն[խմբագրել | խմբագրել կոդը]

Ծնվել է երաժիշտների ընտանիքում: 1972 թվականին ավարտել է Պ. Ի. Չայկովսկու անվան դպրոցը (Յ. Զարգարյանի դասարանը), 1977 թվականին՝ Երևանի Կոմիտասի անվան պետական կոնսերվատորիան (Գեորգի Սարաջևի դասարան): Հետագայում իր ձայնային տվյալներն զարգացրել է Մոսկվայի Չայկովսկու անվան պետական կոնսերվատորիայում՝ Յ. Ի. Միլշտեյնի մոտ[1][2]։

1980-ականներից «Արմկոնցերտ»-ի մենակատար, Երևանի կոնսերվատորիայի դասախոս[2]:

Գործունեություն[խմբագրել | խմբագրել կոդը]

1972 թվականին Բաքվում դարձել է Անդրկովկասի դաշնակահարների 4-րդ մրցույթի հաղթող (1-ին մրցանակը), 1974-ին արժանացել է 2-րդ մրցանակին` Բ. Սմետանայի անվան դաշնակահարների միջազգային մրցույթում (Հրադեց Կրալովե), 1979-ին՝ Վիանա դա Մոտտայի անվան մրցույթի 1-ին մրցանակ (Լիսաբոն)[1], 1980-ին՝ Շոպենի անվան 10-րդ մրցույթում 3-րդ մրցանակ(Վարշավա)[3]:

Հ. Փափազյանի առային հանրային ելույթը տեղի է ունեցել Երևանում, դեռևս երաժշտական դպրոցում սովորելու ժամանակ: Շոպենի անվան մրցույթից հետո հանդես է եկել Ավստրալիայում, Ֆինլանդիայում, Հոլանդիայում, Ճապոնիայում, Կանադայում, Շվեդիայում, Իտալիայում: Առաջին անգամ հանդես է եկել 1985 թվականի հոկտեմբերի 20-ին Քարնեգի հոլում։ 10 տարի հետո` 1995 թվականի մարտի 28-ին, կատարել է Ֆ. Շոպենի բոլոր 24 էտյուդները (մաս 10 և մաս 25) և 24 պրելյուդաները (մաս 28), 1995 թվականի նոյեմբերի 19-ին՝ Շոպենի 7 մեծ պոլոնեզները և Սի-Մինոր սոնատը, ինչպես նաև Շոպենի Նյուկտո դո-դիեզ մինորը (մաս posth.) և Մոցարտի «Rondo alla turca»-ն: 1997-ին Էվերի Ֆիշեր հոլում (Լինկոլն կենտրոն) վարպետորեն կատարել է Մոցարտ, Շոպենի 4 բալլադները և Կլոդ Դեբյուսիի պրելյուդաների 1-ին գիրքը[1]:

Հ. Փափազյանի երաժշտական խաղացանկը ընդգրկում է Դոմենիկո Սկարլատիից մինչև ժամանակակից կոմպոզիտորներ։ Այդ ցանկում իր հատուկ տեղն ունի Ֆրեդերիկ Շոպենը: Համագործակցում էր ձայնագրման մի շարք ընկերությունների հետ` Veriton և Maral[1]:

Նրա կատարումները տարբերվում էին իրենց լիրիկականությամբ, նուրբ ճաշակով, ոճային առանձնահատկությամբ և հնչերանգային բազմազանությամբ[2]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Dybowski
  2. 2,0 2,1 2,2 Все пианисты
  3. «Competition X» (անգլերեն)։ The International Fryderyk Chopin Piano Competition։ Վերցված է 2017-12-02