Կիսաատամ մրջյուն
Կիսաատամ մրջյուն | |
Կիսաատամ մրջյուն | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Թաղանթաթևեր (Hymenoptera) |
Ընտանիք | Մրջյուններ (Formicidae) |
Ցեղ | Crematogaster |
Տեսակ | Կիսաատամ մրջյուն (C. subdentata) |
Միջազգային անվանում | |
Crematogaster subdentata |
Կիսաատամ մրջյուն (լատին․՝ Crematogaster subdentata), մրջյունների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Մանր մրջյուններ են, որոնց աշխատավոր առանձնյակների մարմնի երկարությունը 2,8–3,1 մմ է։ Գլուխը և առաջնամեջքը բաց կարմրագորշագույն են, իսկ փորիկը` մուգ կարմրագորշագույն[1]։
Տարածվածություն[խմբագրել | խմբագրել կոդը]
Տարածված են Թուրքիայում, Անդրկովկասում, Իրանում, Աֆղանստանում, Միջին Ասիայում, Հարավային Ղազախստանում Հայաստանում հայտնի է Երևան քաղաքից և Մեղրի քաղաքի շրջակայքից (Սյունիքի մարզ)[1]։
Էկոլոգիա[խմբագրել | խմբագրել կոդը]
Երևանում հանդիպում է այգիներում, Մեղրիում հայտնաբերվել է Մեղրի գետի գետամերձ ցենոզում` ծովի մակարդակից 700 մ բարձրություններում։ Հասարակական միջատներ են, գաղութները կարող են պարունակել մի քանի հարյուր առանձնյակ։ Բները պատրաստում են ծառերի մահացած բներում, ճյուղերում և սաղարթավոր ծառերի կեղևի տակ։ Հայաստանի պայմաններում թևավոր սեռական առանձնյակների հայտնվելու ժամկետները հայտնի չեն։ Սնվում են անողնաշար կենդանիներով և նրանց դիերով[1]։
Պահպանություն[խմբագրել | խմբագրել կոդը]
Հանրապետությունում սահմանափակ արեալով հազվագյուտ տեսակ է, որը Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Հայտնաբերված են մի քանի գաղութներ։
Թվաքանակի փոփոխության միտումները բացահայտված չեն։
Վտանգման հիմնական գործոն է հանդիսանում չորացած ծառերի, մահացած բների և ճյուղերի հատումը։
Պահպանվում է «Արևիկ» ազգային պարկում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
Վիքիցեղերն ունի նյութեր, որոնք վերաբերում են «Կիսաատամ մրջյուն» հոդվածին։ |
|