Կարավանք (Կաղզվանի գավառ)

Անվան այլ կիրառումների համար տե՛ս՝ Կարավանք (այլ կիրառումներ)

Գյուղ
Կարավանք
Երկիր	Արևելյան Հայաստան
Երկրամաս	Կաղզվանի գավառԿաղզվանի գավառ
Այլ անվանումներ	Գարավանք, Խարավանք, Ղաչավանք, Ղարավանք, Քարավանք
Պաշտոնական լեզու	Հայերեն
Բնակչություն	439 մարդ (1913)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Կարավանք, գյուղ Արևելյան Հայաստանում, նախկին Կարսի մարզի Կաղզվանի գավառում։ Գտնվում էր Կաղզվան քաղաքից 6-7 կմ հարավ֊արևմուտք, Արաքսի աջ կողմում, մի փոքրիկ գետակի ափին, արգավանդ ու բարեբեր վայրում։

Պատմություն

1920 թվականին գյուղը լքվել է։ Բնակիչները արտագաղթել են Արևելյան Հայաստան։

Բնակչություն

Ըստ ֆրանսիացի ճանապարհորդ Տեքսեի 1839 թվականին ուներ 50 տուն հայ բնակիչ։ 1913 թվականի տվյալներով ուներ 439 (49 ընտանիք) հայ բնակիչ։

Տնտեսություն

Բնակչության հիմնական զբաղմունքը անասնապահությունն ու երկրագործությունն էր։ XX դարի սկզբին ուներ մաքսատուն։

Պատմամշակութային կառույցներ

Կարավանքն ուներ 2 եկեղեցի, որոնցից նորը համամետաբար պարզ ու հասարակ կառույց էր։ Հին եկեղեցին կառուցված էր սրբատաշ քարերով։ Ըստ Ղևոնդ Ալիշանի և Ս․ Էփրիկյանի հին եկեղեցին Խավարաձոր վանքն էր։ Գյուղի մոտ կար Ս․ Թորոս անունով եկեղեցի ուխտատեղի։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 291)։