Կաջոլ
 անգլ.՝ Kajol | |
|---|---|
.jpg) | |
| Ծնվել է | օգոստոսի 5, 1974[1] (52 տարեկան) |
| Ծննդավայր | Մումբայ, Հնդկաստան[2] |
| Կրթություն | Միթիբայ քոլեջ |
| Քաղաքացիություն |  Հնդկաստան |
| Կրոն | հինդուիզմ |
| Մասնագիտություն | կինոդերասանուհի |
| Ընտրանի | Չփախցրած հարսնացուն, Gupt: The Hidden Truth?, Կյանքում ամեն ինչ պատահում է, Եվ տխրություն և ուրախություն, Devi?, Fanaa?, Իմ անունը Կխան է և Կիրք |
| Ծնողներ | հայր՝ Շոմու Մուքհերջի, մայր՝ Տանուջա |
| Ամուսին(ներ) | Աջայ Դևգան[3] |
| Երեխա(ներ) | Nysa Devgan? |
| Պարգևներ և մրցանակներ | |
Կաջոլ (մարաթհի` काजोल, իրական անունը` Կաջոլ Մուքհերջի, ամուսնական անունը՝ Կաջոլ Դևգան, օգոստոսի 5, 1974[1], Մումբայ, Հնդկաստան[2]), հնդիկ դերասանուհի։ Կաջոլը հինգ անգամ արժանացել է Filmfare Awards մրցանակի՝ կանացի լավագույն դերի համար, պարգևատրվել է Հնդկաստանի կառավարական Պադմա Շրի պարգևով (2011 թ.)։ Հանդիսանում է Մեծ Բրիտանիայում գտնվող Loomba Trust բարեգործական կազմակերպության դեսպանը։ 2008 թվականին արժանացել է Karmaveer Puraskaar award-ի պարգևին՝ սոցիալական զարգացմանն ուղղված ներդրումների համար։
Կենսագրություն
[խմբագրել | խմբագրել կոդը]Կաջոլը ծնվել է բենգալյան ծագում ունեցող մարաթհի ժողովրդին պատկանող ընտանիքում։ Նրա ծնողներն ամուսնալուծվել են, երբ նա դեռ երեխա էր։ Սակայն դերասանուհին պնդում էր, որ չի զգացել, որ ապրում է ոչ լիարժեք ընտանիքում։ Նրա մայրը դերասանուհի Տանուջան է, իսկ հայրը՝ ռեժիսոր և պրոդյուսեր Շոմու Մուքհերջին։ Կաջոլի ընտանիքը սերտորեն կապված էր կինոաշխարհի հետ։ Նրա մորաքույրը դերասանուհի Նուտանն էր, տատը՝ դերասանուհի Շոբհնա Սամարթհը, իսկ նախատատը՝ նույնպես դերասանուհի Ռատան Բայն էր։ Դերասաններ էին նաև նրա հորեղբայրները՝ Ջոյ Մուքհերջին և Դեբ Մուքհերջին, ովքեր նաև ռեժիսորներ և պրոդյուսերներ էին։ Կաջոլի քույրը՝ Տանիշա Մուքհերջին նույնպես նկարահանվում է կինոյում։ Դերասաններ են նաև զարմիկը՝ Մոհնիշ Բահլը և ազգականուհին՝ Ռանի Մուքհերջին։
Կաջոլը կրթությունն ստացել է Սուրբ Հովսեփի վանքին կից գիշերօթիկ դպրոցում, սակայն թողել է դպրոցը 16 տարեկանում ` իր առաջին ֆիլմի նկարահանումից հետո։ Նրան նկատել են անմիջապես` իր առաջին «Սենսացիոն դեբյուտ» (1992 թ.) ֆիլմից հետո։ Սակայն իրական հաջողությունը նրան ժպտաց «Չառևանգված հարսնացուն» (1995 թ.) ֆիլմում կատարած դերի համար, որտեղ նրա խաղընկերը Շահրուխ Խանն էր։ Նրանք հիանալի խաղընկերներ էին և միասին նկարահանվել են ևս 11 ֆիլմում։ Կաջոլը առաջին հնդիկ դերասանուհին էր, որն ստացել է մրցանակ՝ լավագույն բացասական դերի համար՝ «Թաքնված ճշմարտություն» (1997 թ.) ֆիլմում կերտած կերպարի համար։ 2006 թվականին նա նկարահանվել է «Կույր սեր» կինոնկարում, որտեղ նրա խաղընկերը Աամիր Խանն էր։ Կաջոլը հիանալիորեն էր կերտել կույր աղջկա կերպարը։ 2008 թվականին նա նկարահանվել է «Դու, ես և մենք», այնուհետև Կարան Ջոհարի «Իմ անունը Կհան է» (2010 թ.) ֆիլմերում, որին հետևել է «Ես սիրում եմ քեզ, մայրիկ» («Մենք ընտանիք ենք» 2010 թ.) կինոնկարը։
Կաջոլի այլ աշխատանքներից են «Կարանը և Արջունը» (1995 թ.), «Կիրք» (1997 թ.), «Պետք չէ վախենալ սիրուց» (1998 թ.), «Կյանքում ամեն ինչ պատահում է» (1998 թ.), «Եվ թախծի, և ուրախության մեջ» (2001 թ.), «Սիրահարվածները» (2015 թ.) և այլ ֆիլմեր։
2005 թվականին իր ամուսնու հետ միասին «Ով է ուզում դառնալ միլիոնատեր» հեռուստախաղի հնդկական տարբերակում շահել է մեկ միլիոն ռուփի, որը զոհաբերել է բարեգործական նպատակներով (քաղցկեղի դեմ պայքարին)։ Կաջոլը ակտիվորեն մասնակցում է նաև զանազան հեռուստաշոուների։
Անձնական կյանքը
[խմբագրել | խմբագրել կոդը]«Ընտանիք և օրենք» (1995 թ.) ֆիլմի նկարահանումների ժամանակ Կաջոլը ծանոթացել է դերասան Աջայ Դևգանի հետ։ Չորս տարի հանդիպելուց հետո, 1999 թվականին նրանք ամուսնացել են։ Ունեն երկու երեխա՝ մեկ դուստր և մեկ որդի։
Ֆիլմագրության ընտրանին
[խմբագրել | խմբագրել կոդը]| Թվական | Անվանում | Բնօրինակ անվանում | Կերպար |
|---|---|---|---|
| 1992 | Իսկական սեր (Սենսացիոն դեբյուտ) | Bekhudi | Ռադհիկա |
| 1993 | Խաղ մահվան հետ | Baazigar | Պրիյա |
| 1994 | Սիրո հետ կատակ չեն անում | Yeh Dillagi | Սապնա |
| 1994 | Կյանքի պարտքը | Udhaar Ki Zindagi | Սիտա |
| 1995 | Կարանը և Արջունը | Karan Arjun | Սոնիա Սաքսենա |
| 1995 | Ընտանիք և օրենք | Hulchul | Շարմիլի |
| 1995 | Հրաշագործ մեդալյոնը | Taaqat | Կավիտա |
| 1995 | Չառևանգված հարսնացուն | Dilwale Dulhania Le Jayenge | Սիմրան Սինգհ |
| 1996 | Գավառականը | Bambai Ka Babu | Նեհա |
| 1997 | Հավերժ միասին | Hameshaa | Ռանի Շարմա, Ռեշմա |
| 1997 | Կիրք | Ishq | Կաջալ |
| 1997 | Թաքնված ճշմարտություն | Gupt: The Hidden Truth | Իշա |
| 1998 | Պետք չէ վախենալ սիրուց | Pyaar Kiya To Darna Kya | Մուսկան Թհակուր |
| 1998 | Մոլագարը | Dushman | Սոնիա, Նաինա Սայգալ |
| 1998 | Սերը պետք է որ պատահեր | Pyaar To Hona Hi Tha | Սանջանա |
| 1998 | Կյանքում ամեն ինչ պատահում է | Kuch Kuch Hota Hai | Անջալի Շարմա |
| 1999 | Ես ապրում եմ քո սրտում | Hum Aapke Dil Mein Rehte Hain | Մեգհա |
| 1999 | Ահա և եկավ սերը | Hote Hote Pyar Hogaya | Պինկի |
| 2000 | Հորեղբայր Ռաջուն | Raju Chacha | Աննա |
| 2001 | Երկվորյակները | Kuch Khatti Kuch Meethi | Տինա, Սվիտի |
| 2001 | Եվ թախծի, և ուրախության մեջ | Kabhi Khushi Kabhie Gham | Անջալի Շարմա |
| 2006 | Կույր սեր | Fanaa | Զունի Ալի Բեգ |
| 2008 | Դու, ես և մենք | U Me Aur Hum | Պիյա |
| 2008 | Սրտային գործեր | Haal-e-Dil | - |
| 2008 | Այս զույգին ստեղծել է Աստված | Rab Ne Bana Di Jodi | հրավիրված աստղ |
| 2010 | Իմ անունը Կհան է | My Name Is Khan | Մանդիրա Խան |
| 2010 | Ես սիրում եմ քեզ, մայրիկ | We Are Family | Մայա |
| 2010 | Սուպերհերոս Տունպուրան | Toonpur Ka Superrhero | Պրիյա |
| 2015 | Սիրահարվածները | Dilwale | Միրա Մալիկ |
Ծանոթագրություններ
[խմբագրել | խմբագրել կոդը]- 1 2 Internet Movie Database — 1990.
- 1 2 Deutsche Nationalbibliothek Record #140419713 // Gemeinsame Normdatei (գերմ.) — 2012—2016.
- ↑ India Today — 1975. — ISSN 0254-8399
 | Վիքիպահեստն ունի նյութեր, որոնք վերաբերում են «Կաջոլ» հոդվածին։ |
| ||||||||||||||||||||||||
