Խոսե դե Ռիբերա
Խոսե դե Ռիբերա իսպ.՝ José de Ribera | |
|---|---|
 | |
| Ծնվել է | փետրվարի 17, 1591[1][2] |
| Ծննդավայր | Խատիվա, Վալենսիա, Իսպանիա[3][4] |
| Վախճանվել է | սեպտեմբերի 3, 1652[5][1] (61 տարեկանում) |
| Մահվան վայր | Նեապոլ, Նեապոլի թագավորություն |
| Քաղաքացիություն | Իսպանիա |
| Մասնագիտություն | նկարիչ և նկարիչ-փորագրող |
| Թեմաներ | գեղանկարչություն |
| Ուշագրավ աշխատանքներ | Սուրբ Բարդուղիմեոս և Հայելիով փիլիսոփան |
| Ուսուցիչ | Ֆրանցիսկո Ռիբալտա |
| Աշակերտներ | Լուկա Ջորդանո |
| Պաշտոն | պալատական նկարիչ |
| José de Ribera Վիքիպահեստում | |
Խոսե դե Ռիբերա (իսպ.՝ José de Ribera, մականունը՝ իտալ.՝ Spagnoletto - փոքրիկ իսպանացի, փետրվարի 17, 1591[1][2], Խատիվա, Վալենսիա, Իսպանիա[3][4] - սեպտեմբերի 3, 1652[5][1], Նեապոլ, Նեապոլի թագավորություն), իսպանացի գեղանկարիչ, փորագրիչ։ Բարոկկոյի խոշորագույն ներկայացուցիչ։
Կենսագրություն[խմբագրել | խմբագրել կոդը]
Սովորել է Վալենսիայում։ 1613 թվականին մեկնել է Իտալիա, 1616-1618 թվականներին ստեղծագործել Նեապոլում, դարձել Իսպանիայի փոխարքաների պալատական նկարիչը։ Հարել է կարավանիզմին։
Սկզբնական շրջանի գործերում (այդ թվում՝ 1620-ական թվականներին օֆորտներում) գերիշխում են լուսաստվերային սուր հակադրությունները` 1620-30-ական թվականներին։
Աշխատանքներ[խմբագրել | խմբագրել կոդը]
Ռիբերայի աշխատանքներին բնորոշ են նահատակության դրամատիկական տեսարանները, որոնցում ընդգծված է կամքի հաղթանակը ֆիզիկական տանջանքների նկատմամբ, հին փիլիսոփաների և սրբերի պատկերները՝ մեկնաբանված որպես ժողովրդական կերպարներ («Դեմոկրիտ», 1630, Պրադո, Մադրիդ)։
1630-ական թվականների կեսերից Ռիբերան պահպանելով կերպարների պատկերման խստաշունչ ռեալիզմը, հաճախ է դիմել ավելի հավասարակշռված լուծումների։ Նրա նկարներում լուսաստվերային անցումները դարձել են ավելի նուրբ, գունաշարը հագեցվել է ոսկեգույն կամ արծաթավուն նրբերանգներով մարդկային վեհությամբ առլեցուն ավետարանական և աստվածաշնչային կոմպոզիցիաներ («Հովիվների երկրպագությունը», 1638, Գեղեցիկ արվեստների թանգարան, Գրենոբլ), կանանց հուզիչ քնարական կերպարներ («Սուրբ Ինեսա», 1641, Դրեգդենի պատկերասրահ), դիցաբանական և ժանրային գործեր («Կաղլիկը», 1642, Լուվր, Փարիզ)։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Real Academia de la Historia Diccionario biográfico español — Real Academia de la Historia, 2011.
- ↑ 2,0 2,1 Բրոքհաուզի հանրագիտարան
- ↑ 3,0 3,1 3,2 http://explore.rkd.nl/explore/artists/66553 — Netherlands Institute for Art History.
- ↑ 4,0 4,1 4,2 Italian Baroque Painting (1962) — London: Phaidon Press, 1962. — P. 174.
- ↑ 5,0 5,1 5,2 SNAC — 2010.
| ||||||||||||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
