Լևոն Սարգսյան (դիվանագետ)

Լևոն Սարգսյան;
Ծնվել է	հունիսի 21, 1959 (63 տարեկան)
Ծննդավայր	Ստեփանակերտ, Ադրբեջանական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	ԵՊՀ արևելագիտության ֆակուլտետ (1982) և Հնագիտության և ազգագրության ինստիտուտ (1989)
Կոչում	պրոֆեսոր
Գիտական աստիճան	պատմական գիտությունների դոկտոր (2010)
Մասնագիտություն	դիվանագետ և համալսարանի դասախոս
Աշխատավայր	Հնագիտության և ազգագրության ինստիտուտ, ՀՀ ԱԳՆ և Երևանի պետական համալսարան

Անվան այլ կիրառումների համար տե՛ս՝ Լևոն Սարգսյան (այլ կիրառումներ)

Լևոն (Լյովա) Ազատի Սարգսյան (հունիսի 21, 1959(1959-06-21), Ստեփանակերտ, Ադրբեջանական ԽՍՀ, ԽՍՀՄ), հայ դիվանագետ, արևելագետ։

Կրթություն[խմբագրել | խմբագրել կոդը]

1976 թ. ավարտել է Ստեփանակերտի թիվ 2 միջնակարգ դպրոցը։
1977-1982 թ. սովորել և ավարտել է Երևանի պետական համալսարանի արևելագիտության ֆակուլտետի արաբական բաժինը։
1986-1989 թթ. սովորել և ավարտել է ՀԽՍՀ Գիտությունների ակադեմիայի հնագիտության և ազգագրության ինստիտուտի ասպիրանտուրան։

Աշխատանքային գործունեություն[խմբագրել | խմբագրել կոդը]

1981-1982 թթ. - աշխատել է որպես արաբերենի զինվորական թարգմանիչ Ալժիրում։
1983-1985 թթ. - ծառայել է Խորհրդային բանակում՝ որպես զինվորական թարգմանիչ։
1989-1991 թթ. - աշխատել է որպես արաբերենի զինվորական թարգմանիչ Լիբիայում։
1991-1993 թթ. - աշխատել է ՀՀ ԳԱԱ հնագիտության և ազգագրության ինստիտուտում որպես գիտաշխատող։
1993-1994 թթ. - աշխատել է ՀՀ արտաքին գործերի նախարարությունում։
1994-1998 թթ. - Հալեպում Հայաստանի Հանրապետության գլխավոր հյուպատոս։
1998-2004 թթ. - Սիրիայի Արաբական Հանրապետությունում Հայաստանի Հանրապետության արտակարգ և լիազոր դեսպան։
2000-2005 թթ. - Հորդանանի Հաշիմյան Թագավորությունում Հայաստանի Հանրապետության արտակարգ և լիազոր դեսպան (համատեղության կարգով)։
2005 թ. ՀՀ Նախագահի հրամանագրով նշանակվել է Թունիսի Հանրապետությունում Հայաստանի Հանրապետության արտակարգ և լիազոր դեսպան։
2005 թ. ՀՀ Նախագահի հրամանագրով նշանակվել է Ալժիրի Ժողովրդական Ժողովրդավարական Հանրապետությունում Հայաստանի Հանրապետության արտակարգ և լիազոր դեսպան (համատեղության կարգով)։
2006 թվականից դասավանդում է ԵՊՀ աստվածաբանության ֆակուլտետում։
2007 թվականից - ԵՊՀ աստվածաբանության ֆակուլտետի Հայ եկեղեցու պատմության և եկեղեցաբանության ամբիոնի վարիչ։
2008 թ. դեկտեմբերից - «Փյունիկ» մարդկային ռեսուրսների զարգացման համահայկական հիմնադրամի հոգաբարձուների խորհրդի նախագահ։
2010 թ. մարտի 9-ին ՀՀ Նախագահի հրամանագրով ազատվել է Թունիսի Հանրապետությունում և, համատեղության կարգով, Ալժիրի Ժողովրդական Ժողովրդավարական Հանրապետությունում Հայաստանի Հանրապետության արտակարգ և լիազոր դեսպանի պարտականություններից^[1]։
2010 թ. մարտի 9-ին ՀՀ Նախագահի հրամանագրով նշանակվել է հատուկ հանձնարարություններով դեսպան^[2]։
2018 թ․ հոկտեմբերի 2-ին ՀՀ վարչապետ Նիկոլ Փաշինյանի որոշմամբ Լևոն Սարգսյանն ազատվել է հատուկ հանձնարարություններով դեսպանի պաշտոնից^[3]։

Գիտական աստիճան[խմբագրել | խմբագրել կոդը]

Պատմական գիտությունների թեկնածու (2006)։
Պատմական գիտությունների դոկտոր (2010)։
Պրոֆեսոր (2010)։

Պարգևներ[խմբագրել | խմբագրել կոդը]

Հայաստանի վարչապետի հուշամեդալ (2013)։

Ընտանիք[խմբագրել | խմբագրել կոդը]

Ամուսնացած է, ունի երկու զավակ։ Լևոն Սարգսյանը ՀՀ նախկին նախագահ Սերժ Սարգսյանի եղբայրն է։

Տիրապետում է հայերեն, ռուսերեն, արաբերեն, անգլերեն լեզուներին։

Ծանոթագրություններ[խմբագրել | խմբագրել կոդը]

[1] Լ․ Սարգսյանին Թունիսի Հանրապետությունում և, համատեղության կարգով, Ալժիրի Ժողովրդական Ժողովրդավարական Հանրապետությունում ՀՀ արտակարգ և լիազոր դեսպանի պարտականություններից ազատելու մասին

[2] Լ․ Սարգսյանին հատուկ հանձնարարություններով դեսպան նշանակելու մասին

[3] «Լևոն Սարգսյանն ազատվել է հատուկ հանձնարարություններով դեսպանի պաշտոնից»։ Արխիվացված է օրիգինալից 2022-02-11-ին։ Վերցված է 2018-10-03

[1]

[2]

[3]