Լոնդոն (Կանադա)

Վիքիպեդիայից՝ ազատ հանրագիտարանից
Jump to navigation Jump to search
Բնակավայր
Լոնդոն
անգլ.՝ City of London
Դրոշ
London Ontario Flag.png

London, Ontario, Canada- The Forest City from above.jpg
Կոորդինատներ: 42°59′1″ հս․ լ. 81°14′59″ ամ. ե. / 42.98361° հս․. լ. 81.24972° ավ. ե. / 42.98361; 81.24972
ԵրկիրԿանադա Կանադա
Հիմնադրված է1826 թ.
Մակերես420,57 կմ²
ԲԾՄ251±1 մետր
Բնակչություն383 822 մարդ (2016)[1]
Ժամային գոտիհյուսիսամերիկյան ժամային գոտի
Հեռախոսային կոդ519-226
Փոստային ինդեքսներN5V ke N6P
Պաշտոնական կայքlondon.ca
##Լոնդոն (Կանադա) (Կանադա)
Red pog.png
Չշփոթե՛լ Լոնդոն մայրաքաղաքի հետ:

Լոնդոն (անգլ.՝ London), քաղաք Կանադայում` Օնտարիո նահանգի հարավարևմտյան մասում: Տեղակայված է Թեմս գետի ափերին: Ըստ 2011 թվականի մարդահամարի` բնակչությունը կազմում է 366 151 մարդ (արվարձանները հաշված` 474 786): Մեծությամբ 6-րդ քաղաքն է Օնտարիոյում և 10-րդը` Կանադայում:

Լոնդոնի հայտնի բնիկներ են դերասաններ Ռայան Գոսլինգը և Ռեյչել ՄաքԱդամսը, գեղասահորդներ Տեսա Վերտյուն և Սքոթ Մոիրը, հոկեյիստներ Ջո Թորնտոնը, Էրիկ Լինդրոսը, Ջեֆ Քարտերը, Գրեգորի Քեմբելը, Դրյու Դաուտին և Մայք վան Ռինը, երաժիշտ և փորձագետ Լես Սթրաուդը, երգիչ Ջասթին Բիբերը:

Պատմություն[խմբագրել | խմբագրել կոդը]

Քաղաքի տեղում միջնադարում եղել են մի քանի հնդկական բնակավայրեր: Հնագիտական ​​պեղումները հաստատում են, որ մարդիկ այստեղ բնակվել են վերջին 10 հազար տարվա ընթացքում[2]: 1793 թվականին Վերին Կանադայի փոխգնդապետ Ջոն Գրեյվս Սիմկոն ընտրել է այս վայրը որպես Վերին Կանադայի ապագա մայրաքաղաք, որը նա մտադիր էր՝ ի պատիվ արքա Գևորգ 3-րդի անվանակոչել Ջորջինա: Բայց նահանգապետ Գայ Կառլտոնը աննպատակահարմար է համարել մայրաքաղաքի կառուցումը խիտ անտառների մեջտեղում:

Առաջին անգամ Լոնդոնում բնակվել են եվրոպացիներ (1801-1804 թվականներ), իսկ 1826 թվականին դարձել է գյուղ: 1845 թվականին խոշոր հրդեհը ոչնչացրել է բնակավայրի մեծ մասը, այնուամենայնիվ 1855 թվականին այստեղ արդեն բնակվել էր ավելի քան 10 հազար մարդ, և Լոնդոնն ստացել է քաղաքի կարգավիճակ: Հետագայում Լոնդոնը ընդարձակվել է՝ կլանելով հարևան քաղաքները, և դարձել ամենամեծ բնակավայրը Օնտարիոյի հարավ-արևմուտքում:

Նախկինում Լոնդոն հասնելու համար, մեկուսացված լինելով նահանգի ավելի բնակեցված հատվածից, հարկավոր էր անցնել մի խիտ անտառ, որի համար Լոնդոնն ստացել է «Անտառային քաղաք» մականունը:

Բնակչություն[խմբագրել | խմբագրել կոդը]

Բնակչության 48,2 %-ը կազմում են տղամարդիկ, իսկ 51,8 %-ը` կանայք: Բնակչության մեծ մասը Բրիտանական կղզիներից ներգաղթյալների հետնորդներ են, որոնց հաջորդում են գերմանացիները, ֆրանկ-կանադացիները, հոլանդացիները, իտալացիները, լեհերը, պորտուգալացիները, ուկրաինացիները, հնդկացիները:

Տարի Բնակչություն
2011 366 151 մարդ [3]
2016 383 822 մարդ [1]


Տնտեսություն և կրթություն[խմբագրել | խմբագրել կոդը]

Լոնդոնի տնտեսությունը զարգանում է լոկոմոտիվների, զրահատեխնիկայի, ապահովագրության և տեղեկատվական տեխնոլոգիաների հաշվին: Կանադական «3M» ներկայացուցչությունը տեղակայված է Լոնդոնում: Հենց այստեղ են գտնվում «Kellogg» և «Overland-Ford» ընկերությունները:

Կանադայի հնագույն համալսարաններից մեկը` Արևմտյան Օնտարիոյի համալսարանը, որը հիմնադրվել է 1878 թվականին, գտնվում է Լոնդոնում:

Քույր քաղաքներ[խմբագրել | խմբագրել կոդը]

Լոնդոնի քույր քաղաք է Չինաստանի Ցզյանսու նահանգի Նանկին քաղաքը:

Մշակույթում[խմբագրել | խմբագրել կոդը]

Ռեժիսոր Թոդդ Քեսսլերի «Քեյթ» ֆիլմի գլխավոր հերոսը երազում է մեկնել Լոնդոն:

Սպորտ[խմբագրել | խմբագրել կոդը]

Այս քաղաքում 1980 թվականի վերջին տեղի է ունեցել գեղասահքի աշխարհի պատանիների առաջնությունը: 2013 թվականի մարտին քաղաքում կայացել է գեղասահքի աշխարհի առաջնությունը: Այստեղ բազմիցս անցկացվել են գեղասահքի ազգային առաջնություններ:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]